కున్వర్ నారాయణ్ కవిత: ఓ వింతయిన రోజు

వివిద భాషాల్లోని కవిత్వాలను ప్రముఖ తెలుగు కవి వారాల ఆనంద్ తెలుగులోకి అనువదించి అందిస్తున్నారు. తొలుత కున్వర్ నారాయణ్ కవితను తెలుగులో అందిస్తున్నాం

నేను రోజంతా గాయి గాయిగా తిరిగాను 
ఎలాంటి ప్రమాదమూ సంభవించ లేదు
అనేకమంది మనుషుల్ని కలిసాను 
ఎక్కడా అవమానం ఎదురుకాలేదు
నేను రోజంతా సత్యమే మాట్లాడాను 
ఎవరూ తప్పుగా స్వీకరించలేదు
నేనివాళ అందరినీ విశ్వసించాను 
ఎక్కడా మోసగింప బడలేదు
అద్భుతమయిన విషయమేమిటంటే
నేను ఇంటికి చేరుకోగానే 
తిరిగొచ్చింది ఇంకెవరో కాదు 
నేనే అని కనుగొన్నాను .

హిందీ మూలం: కున్వర్ నారాయణ్ 

ఇంగ్లిష్: అపూర్వ నారాయణ్ 
తెలుగు: వారాల ఆనంద్