గోపగాని రవీందర్ కవిత : జ్వలన గీతంలా విలసిల్లాలి..!
By Asianet News | First Published Nov 22, 2023, 5:35 PM ISTకమ్మని మాటల వలల్లో ఇరుక్కోకుండా సంయమనం పాటించాలి అంటూ గోపగాని రవీందర్ రాసిన కవిత ' జ్వలన గీతంలా విలసిల్లాలి..! ' ఇక్కడ చదవండి.
అది నీవు రాసిన వాక్యామే కావచ్చు
అట్లాగే ఎప్పుడూ ఉండిపోదు
వాక్యానికి సరికొత్త అర్ధాల రక్తాన్నేక్కిస్తూ
సారవంతమైన జవసత్వాలతో
అక్షరాలను మొలకెత్తించడానికి
నిత్య కృషీవలుడిలా సాధన చేయాలి..!
జీవనానుభవాలు కూడా అంతే
గుణపాఠాలతో రాటుతేలడాన్ని
నేర్చుకుంటూనే అడుగులు వేయాలి
పదేపదే అవమానాలకు గురవుతున్న
తిప్పి కొట్టే విలువిధ్యనే అభ్యసించాలి
పదేపదే ఎదుర్కొంటున్న వివక్షతలపై
పదును దేలిన కృపాణాన్నే సంధించాలి
నీలో నీవే కుమిలిపోతూ మిగిలిపోకుండా
దేహ వాక్యాన్ని దృఢంగా నిర్మించాలి..!
Latest Videos
మాయా ప్రపంచపు మత్తులో
చిక్కుకోకుండా నేర్పును ప్రదర్శించాలి
కమ్మని మాటల వలల్లో
ఇరుక్కోకుండా సంయమనం పాటించాలి
సమర్థవంతమైన సామర్ధ్యాన్ని
నిర్మించుకుంటూ కార్యసాధకుడిలా సాగాలి
ముసురుకున్న స్వార్థపు పొరలను
చీల్చుకుంటూ ధీరోదాత్తుడిలా నిడవాలి
జడత్వాన్ని పాతర వేస్తూ
జ్వలన గీతంలా విలసిల్లాలి..!
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి