డా.చీదెళ్ళ సీతాలక్ష్మి కవిత : అవనికి వేడుక
By SumaBala Bukka | First Published Jan 14, 2023, 1:34 PM ISTరంగవల్లులకు, బొమ్మల కొలువులకు స్వాగతం చెబుతూ హైదరాబాద్ నుండి డా.చీదెళ్ళ సీతాలక్ష్మి రాసిన కవిత " అవనికి వేడుక " ఇక్కడ చదవండి :
పంట ఇంటికొచ్చిన సంబరం
ముంగిట రంగవల్లుల స్వాగతం
రవి ఉత్తరాయణ గమనం
మకర రాశి ప్రవేశం
పుణ్యం పురుషార్థం పుడమిలో
సంతోషాల సంబరాల సంక్రమణం!!
రకరకాల బొమ్మలు
రంగురంగుల చిత్రాలు
దేవుళ్లు పశుపక్ష్యాదులు
పురాణేతిహాసాల కథనం
ప్రకృతితో మమేకం
పిల్లలకు దొరికే విజ్ఞాన వినోదం
అందంగా ముస్తాబైన బొమ్మల కొలువు
బొమ్మలన్నీ ఒకచోట చేర్చిన వైనం!!
Latest Videos
అతివల ఆర్భాటం
పతంగులతో పిల్లల ఆటలు
భోగి పండ్లతో చిన్నారుల కేరింతలు
సంతోషాల లోగిళ్ళు
ఉత్సాహపు పొంగళ్లు
సంబరాల సంక్రాంతి
రవి ఉత్తరాయణ క్రాంతి
అంబరాన్నంటే ఆనంద కాంతి
అందరికీ కావాలి శాంతి!!
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి