దాసరాజు రామారావు కవిత : చిట్టిగుట్ట
By Siva Kodati | First Published Mar 3, 2024, 2:07 PM ISTపాప ఏడుపు ఎలా తగ్గింది ? గ్రైఫ్ వాటర్ పట్టారా! లేక తాత వీపు గుర్రమెక్కిందా!! తెలుసుకోవాలంటే టెక్సాస్ నుండి దాసరాజు రామారావు రాసిన కవిత ' చిట్టిగుట్ట ' ఇక్కడ చదవండి
పాప ఏడ్చింది-
ఇంట్లో బొమ్మలు అలిగినయి
ఏసీకి గొంతు నులిమినట్లున్నది
వెండిగిన్నెలో పాలబువ్వ నీరు నీరైయింది
మొగులు దిగులుగా విషాద భైరవాన్నే ఎత్తుకొన్నది
Latest Videos
undefined
కడుపు నొప్పా? కాదేమో!
కసురు మాట తగిలిందేమో
పాప నవ్వింది-
ఆట వస్తువుల ఆట మొదలైంది
వెన్నెల ఉద్విగ్నమై, పరిమళం చిమ్మింది
గోరుముద్దలు మరింత తీపి కెక్కినయి
గగన మొగంలో హిందోళం చిందేసింది
నొప్పి తగ్గిందా?
గ్రైఫ్ వాటర్ పట్టారా!
లేదులే..
తాత వీపు గుర్రమెక్కింది గదా!!
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి