శతృఘ్న సిన్హా తన సోదరుడు లఖన్ సిన్హా కుమార్తె ప్రీతీ సిన్హా కమలా హ్యారీస్ కు బాగా దగ్గర అని చెబుతూ ఒక ఫొటోను షేర్ చేశారు. ఈ ఫొటోలో కమలా హ్యారిస్... ప్రీతి సిన్హా పక్కపక్కనే నిలుచుని కనిపిస్తున్నారు.
అమెరికా అధ్యక్ష ఎన్నికల్లో భారతసంతతికి చెందిన కమలా హ్యారిస్ విజయం భారతీయులకూ ఎంతో సంతోషాన్ని కలిగించింది. అగ్రదేశానికి మొట్ట మొదటి మహిళా వైస్ ప్రెసిండెంట్ అవ్వడంతో భారత్ నుంచి ఆమెకు అభినందనలు వెల్లువెత్తుతున్నాయి.
ఈ నేపధ్యంతో బాలీవుడ్ సెలబ్రిటీలు ఎందరో ఆమెకు తమ శుభాకాంక్షలు తెలియజేశారు. అయితే నటుడు, రాజకీయనాయకుడు అయిన శత్రుఘ్నసిన్హా ఓ ఫొటోను షేర్ చేస్తూ మరీ తన అభినందనలు పంచుకున్నారు.
శతృఘ్న సిన్హా తన సోదరుడు లఖన్ సిన్హా కుమార్తె ప్రీతీ సిన్హా కమలా హ్యారీస్ కు బాగా దగ్గర అని చెబుతూ ఒక ఫొటోను షేర్ చేశారు. ఈ ఫొటోలో కమలా హ్యారిస్... ప్రీతి సిన్హా పక్కపక్కనే నిలుచుని కనిపిస్తున్నారు.
ఈ ఫొటోతో పాటు కమలాహ్యారిస్ ను ఉద్దేశించి 'హృదయపూర్వక అభినందనలు! జోబైడెన్ తో కలిసిి మీరు అద్భుతమైన, అత్యంత అర్హమైన విజయాన్ని సాధించారు. ఈ విజయంతో ప్రపంచం ఆనందంగా ఉంది. ఆమె అద్భుతమైన మేధో సంపత్తి కలిగిన తెలివైన వ్యక్తి కమలాహారిస్.. అలాంటి వ్యక్తి సాధించిన విజయాన్ని మనం మర్చి పోకూడదు. కుడోస్.. అంటూ ట్వీట్ చేశారు. ఇప్పుడీ ఫొటో సోషల్ మీడియాలో వైరల్ గా మారుతోంది.