బుర్కినా ఫాసోలోని గోల్డ్ మైనింగ్ సైట్ లో పేలుడు.. 59 మంది మృతి..100 మందికి పైగా గాయ‌లు

నైరుతి బుర్కినా ఫాసోలోని బంగారు మైనింగ్ సైట్ లో సోమవారం భారీ పేలుడు సంభ‌వించింది. ఈ ప్ర‌మాదంలో 59 మంది మరణించారు. 100 మందికి పైగా గాయాల‌పాల‌య్యారు. సైట్‌లో నిల్వ చేసిన బంగారాన్ని చికిత్స చేయడానికి ఉపయోగించే రసాయనాల వల్ల ఈ పేలుడు సంభవించినట్లు భావిస్తున్నారు. Gbomblora గ్రామంలో ఈ పేలుడు చోటు చేసుకుంది. 

ఈ ఘ‌ట‌న‌పై ప్ర‌త్య‌క్ష సాక్షులు వివ‌రాలు వెల్ల‌డించారు. మధ్యాహ్నం 2 గంటల ప్రాంతంలో మొదటి పేలుడు సంభవించిందని పేలుడు సమయంలో సైట్‌లో ఉన్న ఫారెస్ట్ రేంజర్ సన్సన్ కంబూ తెలిపారు. ప్రజలు ప్రాణాల కోసం పరుగులు తీయడంతో మరిన్ని పేలుళ్లు సంభవించాయని ఆయన చెప్పారు. ‘‘నేను ప్రతిచోటా మృతదేహాలను చూశాను. ఇది భయంకరమైనది”  అని ఆయ‌న ఆవేద‌న వ్య‌క్తం చేశారు. 

బుర్కినా ఫాసో ఆఫ్రికాలో అత్యంత వేగంగా అభివృద్ధి చెందుతున్న బంగారు ఉత్పత్తిదారు, ప్రస్తుతం ఖండంలో ఐదవ అతిపెద్ద దేశం. ఈ దేశం ప్ర‌ధానంగా  బంగారం ఎగుమ‌తిపైనే ఆధార‌ప‌డుతోంది. ఈ బంగారు ప‌రిశ్ర‌మ‌లో సుమారు 1.5 మిలియన్ల మంది ఉద్యోగులు ప‌ని చేస్తున్నారు. 2019లో దీని విలువ 2 బిలియన్ డార్లుగా ఉంది. 

Gbomblora వంటి చిన్న బంగారు గనులు ఇటీవలి సంవత్సరాలలో పెరిగాయి, దేశవ్యాప్తంగా ఇలాంటి చిన్న గ‌నులు దాదాపు 800పైగా ఉన్నాయి. దక్షిణాఫ్రికాకు చెందిన ఇన్‌స్టిట్యూట్ ఫర్ సెక్యూరిటీ స్టడీస్ ప్రకారం.. చాలా బంగారం పొరుగున ఉన్న టోగో, బెనిన్, నైజర్, ఘనాకు అక్రమంగా రవాణా చేయబడుతోంది.

2016 నుండి దేశంలో దాడులకు పాల్పడిన అల్-ఖైదా, ఇస్లామిక్ స్టేట్‌తో సంబంధం ఉన్న జిహాదీలు కూడా చిన్న తరహా గనులను ఉపయోగిస్తున్నారని నివేదిక‌లు చెబుతున్నాయి. ఈ సమూహాలు బంగారం మైన్స్ క‌లిగి ఉన్న వారిపై పన్ను విధించడం ద్వారా నిధులను సేకరిస్తాయి. ఫైటర్లను రిక్రూట్ చేయడానికి, ఆశ్ర‌యం పొందేందుకు గని సైట్‌లను ఉపయోగించుకుంటాయి.

ఈ చిన్న తరహా గనులు పరిశ్ర‌మ‌ల కంటే తక్కువ నిబంధనలను కలిగి ఉన్నాయి. ఇలా ఉండ‌టం మరింత ప్రమాదకరమని మైనింగ్ నిపుణులు చెబుతున్నారు.  ‘‘ హస్తకళా,  చిన్న స్థాయి మైనింగ్ రంగంలో పరిమిత నియంత్రణ చాలా ప్రమాదాలను పెంచుతుంది. ఇలా చిన్న స్థాయి మైన్స్ ల కోసం పేలుడు పదార్ధాలు వంటివి దేశంలోకి తరచుగా అక్రమంగా రవాణా చేయబడుతున్నాయి. చట్టవిరుద్ధంగా వాటిని ఉపయోగిస్తున్నారు.’’ అని గ్లోబల్ ఇనిషియేటివ్ సీనియర్ విశ్లేషకుడు మార్సెనా హంటర్ అన్నారు.