Romania Helicopter Crash: రొమేనియాలో కుప్ప‌కూలిన ఆర్మీ హెలికాప్టర్..ఏడుగురు సైనికుల మృతి

Romania Helicopter Crash: తూర్పు రొమేనియాలోని నల్ల సముద్రం సమీపంలో ఆ దేశ‌ ఆర్మీ హెలికాప్టర్ కుప్ప‌కూలింది. ఈ ప్ర‌మాదంలో ఏడుగురు సైనికులు మరణించినట్టు రొమేనియా రక్షణ మంత్రిత్వ శాఖ ప్ర‌క‌టించింది. తప్పిపోయిన ఫైటర్ జెట్ మరియు దాని పైలట్ కోసం వెతుకుతున్న సమయంలో ఈ ప్ర‌మాదం జ‌రిగింద‌ని స‌మాచారం.  

Romania Helicopter Crash: తూర్పు రొమేనియాలోని నల్ల సముద్రం సమీపంలో ఆర్మీ హెలికాప్టర్ కుప్ప‌కూలింది. ఈ ప్ర‌మాదంలో ఏడుగురు సైనికులు మరణించినట్టు రొమేనియా రక్షణ మంత్రిత్వ శాఖ ప్ర‌క‌టించింది. బుధవారం IAR 330 ప్యూమా హెలికాప్టర్ ఎయిర్ బేస్ నుంచి దాదాపు 20:21కి బయలుదేరింది. బ‌యలు దేరిన 20 నిమిషాల‌కే జెట్ కంట్రోల్ టవర్‌తో రేడియో సంబంధాన్ని కోల్పోయింది. రాడార్ నుండి అదృశ్యమైంది. 20:44 సమయంలో రాడార్ నుండి అదృశ్యమైందని జాతీయ రక్షణ మంత్రిత్వ శాఖ తెలిపింది.

IAR 330-Puma హెలికాప్టర్ ఎయిర్‌ఫీల్డ్‌కు 11 కిలోమీటర్ల (ఏడు మైళ్లు) దూరంలో ఉన్న గురా డోబ్రోగేయ్ ప్రాంతంలో కూలిపోయింద‌ని అధికారులు తెలిపారు. తప్పిపోయిన ఫైటర్ జెట్ , దాని పైలట్ కోసం వెతుకుతున్న సమయంలో ఈ ప్ర‌మాదం జ‌రిగింద‌ని అధికారులు పేర్కొన్నారు. ఈ ప్రమాదంలో ఏడుగురు సైనిక సిబ్బంది ప్రాణాలు కోల్పోయారని రక్షణ మంత్రిత్వ శాఖ ఫేస్‌బుక్ ద్వారా తెలిపింది. మిగ్ 21 లాన్స్‌ఆర్ ఎయిర్‌క్రాఫ్ట్ పైలట్ కోసం సెర్చ్ అండ్ రెస్క్యూ ఆపరేషన్స్ ఇంకా కొనసాగుతున్నాయని పేర్కొంది. ఈ ప్ర‌మాదంపై మంత్రిత్వ శాఖ ప్రతినిధి జనరల్ కాన్‌స్టాంటిన్ స్పాను మాట్లాడుతూ..ప్రతికూల వాతావరణ పరిస్థితుల వ‌ల్ల‌నే ఈ ప్ర‌మాదం జ‌రిగింద‌ని, ఈ ప్ర‌మాదాల‌పై  రెండు విచారణ కమిషన్‌లను ఏర్పాటు చేసామని చెప్పారు.

MiG 21 LanceR ప్ర‌మాదాలు

2018లో కూడా ఇలాంటి ప్ర‌మాద‌మే జ‌రిగింది. రొమేనియన్ ఎయిర్ ఫోర్స్ నుంచి బ‌య‌లు దేరిన  MiG21 లాన్సర్ ఫైటర్ జెట్ కాసేప‌టికే  క్రాష్ అయింది.  ఈ ప్ర‌మాదంలో ఇద్ద‌రు చ‌నిపోయారు. రొమేనియన్ వైమానిక దళం ఆధునీకరిస్తున్నప్పటికీ..  వైమానిక దళం ఎయిర్ పోలీసింగ్ మిషన్ల కోసం సోవియట్ కాలం నాటి మిగ్‌లపై ఆధారపడుతుంది.