#Agent:రీషూట్ చేద్దామని సురేంద్రరెడ్డి, నాగ్ మాత్రం .....
By Surya Prakash | First Published Aug 21, 2022, 2:43 PM ISTఅఖిల్ హీరోగా నటిస్తున్న చిత్రం ‘ఏజెంట్’. సురేందర్ రెడ్డి దర్శకత్వం వహిస్తున్న ఈ సినిమాలో సాక్షి వైద్య హీరోయిన్‌. ఏకే ఎంటర్‌టైన్‌మెంట్స్, సురేందర్ 2 సినిమా పతాకాలపై రామబ్రహ్మం సుంకర నిర్మిస్తున్న ఈ సినిమా తెలుగు, తమిళం, కన్నడ, మలయాళం, హిందీ భాషల్లో విడుదల కానుంది.
అక్కినేని అఖిల్ హీరోగా ఇండస్ట్రీలోకి అడుగుపెట్టిన తరువాత సరైన సక్సెస్ ఇప్పటిదాకా రాలేదనే చెప్పాలి. ప్లాఫ్ లేదా ఏవరేజ్ అన్నట్లుగా ఆడాయి. ఎట్టకేలకు తన నాల్గో సినిమా 'మోస్ట్ ఎలిజిబుల్ బ్యాచిలర్'తో హిట్ అందుకున్నాడు. ఈ సినిమా మంచి వసూళ్లను కూడా రాబట్టింది.ఆ హిట్ ని నిలబెట్టుకునే ప్రయత్నంలో పడ్డాడు ఈ యంగ్ హీరో. తన కొత్త సినిమా 'ఏజెంట్'తో మాస్ హిట్ అందుకోవాలని చూస్తున్నాడు.
దర్శక,రచయిత వక్కంతం వంశీ అందించిన కథతో దర్శకుడు సురేందర్ రెడ్డి ఈ సినిమాను రూపొందిస్తున్నాడు. ఇందులో అఖిల్ సీక్రెట్ ఏజెంట్ పాత్రలో కనిపించనున్నాడు. దానికి తగ్గట్లే కొత్త లుక్ లో కనిపించబోతున్నారు. ఇదిలా ఉండగా.. ఇప్పుడు ఈ చిత్రం గురించి ఓ ఆసక్తికరమైన వార్త మీడియాలో హల్ చల్ చేస్తోంది. అదేమిటంటే....ఈ సినిమా రషెష్ చూసిన సురేంద్రరెడ్డి, కొన్ని సీన్స్ రీషూట్ చేయాలని భావిస్తున్నారని సమాచారం. అయితే నిర్మాతలు, హీరో తండ్రి నాగార్జున ఈ సీన్స్ నిచూసి బాగున్నాయని..రీషూట్ అవసరం లేదని చెప్పారట. అయితే సురేంద్రరెడ్డి మాత్రం తను పూర్తిగా సంతృప్తిపడే దాకా ఓకే చెయ్యలేనని చెప్పేసారట. ఇది ఓ ప్రక్కన అఖిల్ కు ఆనందం కలిస్తోందిట. మరో ప్రక్క సినిమా లేటు అవుతుందని బాధపడుతున్నారట.
Latest Videos
ఇక రీసెంట్ గా ఈ సినిమా టీజర్ ను రిలీజ్ చేస్తే మంచి రెస్పాన్స్ వచ్చింది. ఈ టీజర్ అక్కినేని ఫ్యాన్స్ కి ఐఫీస్ట్ అనే చెప్పాలి. ఆ రేంజ్ లో ఉంది. 'ది మోస్ట్ నోటోరియస్.. మోస్ట్ రూత్ లెస్ పేట్రియాట్' అనే డైలాగ్ తో టీజర్ మొదలైంది. ఈ పదాలతో అఖిల్ క్యారెక్టర్ ఎలా ఉండబోతుందో చెప్పేశారు. ఫుల్ యాక్షన్ సీన్స్ తో టీజర్ ని నింపేశారు.
హై వోల్టేజ్ స్పై థ్రిల్లర్‌గా తెరకెక్కుతున్న ఈ యాక్షన్ ఎంటర్టైనర్ విడుదల తేదీ సరిగ్గా కన్ఫర్మ్ కావటం లేదు. మరో సారి వాయిదా పడుతుందని టాక్. ఎ.కె.ఎంట‌ర్‌టైన్మెంట్ బ్యాన‌ర్‌పై అనీల్ సుంకర ఈ సినిమాను నిర్మిస్తున్నారు. ఈ స్పై థ్రిల్ల‌ర్‌లో అఖిల్ జోడీగా సాక్షి వైద్య న‌టిస్తుంది. ఈ సినిమా మలయాళ నటుడు మమ్ముట్టి కీలకపాత్ర పోషిస్తున్నారు. పాన్ ఇండియా లెవెల్ లో సినిమాను రిలీజ్ చేయబోతున్నారు. ఈ చిత్రానికి హిప్ హాప్ తమిజా సంగీతం అందించగా, రసూల్ ఎల్లోర్ ఛాయాగ్రహకుడిగా పని చేస్తున్నారు. నవీన్ నూలి ఎడిటర్‌గా, అవినాష్ కొల్లా ఆర్ట్ డైరెక్టర్‌గా వ్యవహరిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి