గోర్ల గురించి ఈ విషయాలు తెలిస్తే నోరెళ్లబెట్టేస్తారు..

గోర్లను అందమైన నెయిల్ పాలిష్ తో అందంగా తయారుచేస్తాం. మనలో చాలా మంది వీటిని కేవలం అలంకరణ భాగంగానే చూస్తాం.. కానీ గోర్ల గురించి మనకు తెలియని ఎన్నో ఉన్నాయి. గోర్ల గురించి ఎన్నో ఆశ్చర్యకరమైన విషయాలున్నాయి తెలుసా? అవేంటంటే?  

Image: Getty

గోర్లు ఎంత వేగంగా పెరుగుతాయంటే? 

మీకు తెలుసా? మన గోర్లు నెలకు సగటున 3.5 మిల్లీమీటర్లు పొడవు పెరుగుతాయి. అయితే మన గోర్లు పెరగడమనేది  వయస్సు, లింగం, హార్మోన్లతో సహా ఎన్నో విషయాల వల్ల ప్రభావితం అవుతుంది. అయితే ప్రెగ్నెన్సీ సమయంలో గోర్లు చాలా ఫాస్ట్ గా పెరుగుతాయట. అయినప్పటికీ.. ఆడవారితో పోలిస్తే మగవారికే గోర్లు వేగంగా పెరుగుతాయట. అంతేకాదు అనారోగ్యం తర్వాత కూడా గోర్లు కూడా వేగంగా పెరుగుతాయి. చలికాలంలో కంటే ఎండాకాలంలోనే గోర్లు వేగంగా పెరుగుతాయి ఎప్పుడైనా గమనించారా? విచిత్రమేంటంటే.. మన వేళ్లు ఎంత పొడుగ్గా ఉంటే మన గోర్లు కూడా అంత వేగంగా పెరుగుతాయి. మధ్య గోరు వేగంగా పెరుగుతుంది. అయితే బొటనవేలి గోర్లు మాత్రం చాలా నెమ్మదిగా పెరుగుతాయి.

ఆహారం గోళ్ల ఆరోగ్యాన్ని ప్రభావితం చేస్తుంది

మన జుట్టు, గోర్లు రెండూ కెరాటిన్ అనే ప్రోటీన్ నుంచే తయారువుతాయి. అందుకే మీరు ఆరోగ్యకరమైన ఆహారాలు, విటమిన్లను తీసుకుంటే మీ జుట్టు పెరగడంతో పాటుగా మీ గోర్లు కూడా పెరుగుతాయి. అలాగే ఆరోగ్యంగా ఉంటాయి. బలంగా పెరుగుతాయి. అయితే జంక్ ఫుడ్ గోర్ల ఆరోగ్యాన్ని దెబ్బతీస్తుంది. 

Image: Getty

గోర్లతో ఆరోగ్యం 

అవును మన గోర్లు కూడా మన ఆరోగ్యం గురించి ఎన్నో విషయాలను వెల్లడిస్తాయి తెలుసా? గోర్ల పరీక్ష ద్వారా ప్రమాదకరమైన వ్యాధలును గుర్తించొచ్చట. మీ గోర్లు నీలం రంగులో ఉంటే ఇది ఊపిరితిత్తుల క్యాన్సర్ కు సంకేతం కావొచ్చంటున్నారు నిపుణులు. ఇక గోర్లు పసుపు రంగులో ఉంటే మీరు శ్వాసకోశ వ్యాధితో బాధపడుతున్నట్టు. అయితే గోర్లు కూడా ఎన్నో సమస్యలకు కారణమవుతాయి. మొత్తం చర్మ సమస్యల్లో గోరు సమస్యలు 10% ఉన్నాయని నిపుణులు చెబుతున్నారు. 

పరీక్షలు లేదా ఒత్తిడి.. 

చాలా మంది ఒత్తిడిగా ఫీలైనప్పుడు గోర్లు కొరుకుతూ ఉంటారు. కానీ ఈ ఒత్తిడి మీ గోర్లను దెబ్బతీయడమే కాకుండా నిద్రలేమి, శరీరంలో పోషకాల లోపం, గోర్లు, జుట్టు పెరగకుండా చేస్తుంది. అందుకే దీన్ని బ్యూటీ స్లీప్ అంటారు. 

చనిపోయిన తర్వాత గోళ్లు పెరగవు

మనం చనిపోయిన తర్వాత కూడా మన గోర్లు పెరుగుతూనే ఉంటాయని చాలా మంది చెప్తూ ఉంటారు. కానీ ఇది కేవలం ఒక పుకారు మాత్రమే. ఎందుకంటే మన గోర్లు పెరగడానికి రక్తం అవసరం. కాబట్టి మనం చనిపోయిన తర్వాత అవి పెరగనే పెరగవు. చనిపోయిన తర్వాత చర్మం కుంచించుకుపోయి గోర్లు పొడవుగా కనిపిస్తాయంతే. అందుకే ఇవి పెరుగుతాయని పుకారు పుట్టింది. 

తెల్లని మచ్చలకు కాల్షియానికి సంబంధం లేదు

చాలా మంది గోర్లపై తెల్లని మచ్చలు ఏర్పడతాయి. గోరు గాయానికి ఇది సంకేతం. గోర్లను కొరికే వారికే ఇలాంటి మచ్చలు ఎక్కువగా కనిపిస్తాయి. ఈ మచ్చలు సంక్రమణకు సంకేతం కావొచ్చు లేదా నెయిల్ పాలిష్ కు అలెర్జీ  కావొచ్చంటున్నారు నిపుణులు.