ఇవి పరిశీలించాకే స్మార్ట్ టీవీ కొనండి బాస్.. : లేదంటే బుక్కైపోతారు 

ఇప్పుడు ఇంటింటికో స్మార్ట్ టీవీ కామన్ అయిపోయింది. మన నిత్యజీవితంలో భాగంగా మారిన  స్మార్ట్ టీవీ కొనుగోలు చేసేముందు మనం కొన్ని అంశాలు చెక్ చేసుకోవాల్సిందే. మెయిన్ గా ​​​​​​​బడ్జెట్‌కే సరిపోయే స్మార్ట్ టీవీ కావాలా? కొనడానికి ముందు చూసుకోవాల్సిన 5 ముఖ్యమైన ఫీచర్ల గురించి తెలుసుకోండి. డిస్‌ప్లే క్వాలిటీ, కనెక్టివిటీ ఆప్షన్లు, స్మార్ట్ ఫీచర్లు వంటివి ఇందులో ఉన్నాయి. మీ బడ్జెట్‌లోనే పర్ఫెక్ట్ టీవీని కొనుక్కోండి!

బడ్జెట్ స్మార్ట్ టీవీ కొనుగోలు చిట్కాలు

ఇప్పుడు బేసిక్ టీవీల ధరలు ₹10,000 లలోలభిస్తున్నాయి. ఇంత తక్కువ ధరకే టీవీలు దొరుకుతున్నప్పుడు, వాటి ఫీచర్లను తనిఖీ చేసుకోవడం చాలా ముఖ్యం. గూగుల్‌లో స్మార్ట్ టీవీల కోసం వెతికితే, ఆఫర్ల వరదే. వివిధ డీల్స్ చూపించే వీడియోలు, యాడ్స్ కనిపిస్తాయి. ధరను మాత్రమే చూసి, వివరాలు తెలుసుకోకుండా టీవీ కొంటే, త్వరగా పాడైపోయే అవకాశం ఉంది. కాబట్టి, టీవీ కొనడానికి ముందు ఏయే అంశాలు తనిఖీ చేయాలో తెలుసుకుందాం.

ఆన్‌లైన్‌లో స్మార్ట్ టీవీ ఆఫర్లు

ఫ్లిప్‌కార్ట్, అమెజాన్ వంటి ఆన్‌లైన్ ప్లాట్‌ఫామ్‌లలో డిస్కౌంట్లు పెద్ద ఎత్తున ఉంటున్నాయి. స్మార్ట్‌ఫోన్లు, స్మార్ట్‌వాచీలు, హెడ్‌ఫోన్లు, స్మార్ట్ టీవీలు తక్కువ ధరకే లభిస్తున్నాయి. బ్రాండెడ్ స్మార్ట్ టీవీలు కూడా ₹10,000 లోపు దొరుకుతున్నాయి. 32 అంగుళాల నుంచి 65 అంగుళాల వరకు స్మార్ట్ టీవీలు ₹10,000 లోపు దొరుకుతాయి. అయితే, అన్నీ మంచి క్వాలిటీతో ఉండవు. చాలా టీవీలు త్వరగా పాడైపోతాయి, ముఖ్యంగా డిస్‌ప్లే, బ్రాడ్‌కాస్ట్, సౌండ్ విషయంలో.

స్మార్ట్ టీవీ కొనుగోలు చిట్కాలు

డిస్కౌంట్లను మాత్రమే చూసి, ఫీచర్లను పట్టించుకోకుండా టీవీ కొంటే ఇబ్బందులు తప్పవు. స్మార్ట్ టీవీ కొనేటప్పుడు ఈ అంశాలను తనిఖీ చేస్తే సమస్యలు రావు. డిస్‌ప్లే ప్యానెల్: స్మార్ట్ టీవీకి డిస్‌ప్లే చాలా ముఖ్యం. మంచి డిస్‌ప్లే క్వాలిటీ, క్లారిటీని ఇస్తుంది. LCD, TFT, AMOLED, OLED, IPS లేదా QLED ప్యానెల్‌లను 4K లేదా అల్ట్రా HD రిజల్యూషన్‌తో చూసుకోండి.

కనెక్టివిటీ, RAM, స్టోరేజ్

కనెక్టివిటీ ఆప్షన్లు: చాలా స్మార్ట్ టీవీలు USB పరికరాలపై ఆధారపడి ఉంటాయి. 2-3 HDMI, USB పోర్టులు ఉన్నాయని నిర్ధారించుకోండి. RAM & స్టోరేజ్: ఎక్కువ RAM, స్టోరేజ్ ఉంటే పనితీరు సజావుగా ఉంటుంది. కనీసం 32GB స్టోరేజ్ ఉన్న టీవీని ఎంచుకోండి. వారంటీ & అప్‌డేట్స్: కొనడానికి ముందు వారంటీని తనిఖీ చేయండి. తాజా అప్‌డేట్స్ ఉన్న టీవీలను ఎంచుకోండి.