Guppedantha Manasu: శైలేంద్రకు చెమటలు పట్టిస్తున్న రిషి.. విశ్వనాధానికి గతం చెప్పేసిన వసుధార?

Guppedantha Manasu: స్టార్ మా లో ప్రసారమవుతున్న సీరియల్ ప్రేక్షకుల హృదయాలను గెలుచుకొని మంచి రేటింగ్ ని సంపాదించుకుంటుంది. తమ్ముడు జీవితంతో ఆటలాడుతున్న ఒక అన్న కథ ఈ సీరియల్. ఇక ఈరోజు  ఆగస్టు 9 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో వసుధార విన్న వాయిస్ శైలేంద్రది అని చెప్తే నమ్మడు రిషి. సాక్ష్యాలు కూడా చూపిస్తాను అంటుంది వసుధార. నా మీద అభియోగం మోపినప్పుడు కూడా సాక్ష్యాలు చూపించారు కదా ఇప్పుడు కూడా అలాగే చూపిస్తారు అంటూ శైలేంద్రని వెనకేసుకొస్తూ వసుధారకి చివాట్లు పెడతాడు రిషి.

 ఇంతలో ఎస్సై పిలవడంతో స్పృహలోకి వస్తుంది వసుధార ఇంతసేపు భ్రమలో ఉన్నట్టు గ్రహిస్తుంది. ఇందులో రిషి కూడా లోపలికి వచ్చి ఏం జరిగింది అని అడుగుతాడు. అతను మాట్లాడాడు వాయిస్ మేడం గుర్తుపట్టారేమో అని అడుగుతున్నాను అంటాడు ఎస్ఐ. నిజం చెప్పిన నమ్మరు అనుకున్న వసుధార బాగా తెలిసిన వాయిస్ లాగా ఉంది కానీ ఎవరిదో అర్థం కావట్లేదు అంటుంది. 

సరే అవన్నీ నేను చూసుకుంటాను అని చెప్పి ఆ రౌడీ ఫోన్ తీసుకొని వెళ్ళిపోతాడు ఎస్సై. సీన్ కట్ చేస్తే  తన ప్లాన్ మళ్లీ ఫెయిల్ అయినందుకు ప్రెస్టేట్  అవుతాడు శైలేంద్ర. వీడు ప్రతిసారి తప్పించుకుంటున్నాడు విషయం తెలియక ముందే వీడు నాకు చెమటలు పట్టిస్తున్నాడు ఇంకా తెలిసిందంటే ఏం చేస్తాడో నిజం తెలియక ముందే వాడి ఊపిరి తీసేయాలి అనుకుంటాడు శైలేంద్ర.

సీన్ కట్ చేస్తే క్లాసులో ఉన్న హరీష్ కి నేను మీతో మాట్లాడాలి అని మెసేజ్ పెడుతుంది వసుధార. నేను క్లాసులో ఉన్నాను రావడం అవ్వదు అంటాడు రిషి. ఇప్పుడు కాదు సార్ క్లాసులు అయిపోయిన తర్వాత అంటుంది వసుధార. నీతో మాట్లాడవలసిన అవసరం లేదు అంటాడు రిషి. కానీ నాకు ఉంది నీ గురించే మాట్లాడాలి మీరు నాతో మాట్లాడకపోతే మాత్రం నేను నేరుగా మీ ఇంటికి వచ్చేస్తాను  అని చెప్పి ఫోన్ పెట్టేస్తుంది వసుధార.

తరువాత ఇంటికి వెళ్ళిపోతున్నరిషి ని దారిలో ఆపి ఆఖరిసారిగా అడుగుతున్నాను మీతో మాట్లాడాలి అని అడుగుతుంది. నేను మాట్లాడను అని మొండిగా చెప్పి అక్కడ నుంచి వెళ్ళిపోతాడు రిషి. సీన్ కట్ చేస్తే వసుధార విశ్వనాథం వాళ్ళ ఇంటికి వచ్చి రిషిని గట్టిగా పిలుస్తుంది. విశ్వనాథం వాళ్లు ఎందుకు ఏమిటి అని అడుగుతున్నా వినిపించుకోదు.

ఈలోపు పొగరు వచ్చేసింది అనుకుంటూ రిషి కిందికి వచ్చేస్తాడు. మాట్లాడాలని చెప్పాను కదా ఎందుకు వచ్చేసారు అని అడుగుతుంది వసుధార. నేనెందుకు నీతో మాట్లాడాలి నాకు ఇష్టం లేదు అయినా ఇలా నేరుగా వచ్చేయడం ఏంటి అంటూ కోప్పడతాడు రిషి. నాతో ఎందుకు మాట్లాడాలో.. నేనెవరో మీకు తెలియదా అంటూ కోపంగా అడుగుతుంది వసుధార. అయినా నా మీద అజమాయిషి చేస్తున్నావ్ ఏంటి నీకేం హక్కు ఉంది అంటాడు రిషి. ఇదిగో నా హక్కు అంటూ తన ఎంగేజ్మెంట్ రింగ్ చూపిస్తుంది వసుధార.

ఏంటది అని అడుగుతాడు విశ్వనాథం. ఇది మా ఎంగేజ్మెంట్ రింగ్ సార్ అని వసుధార చెప్పేసరికి ఏంజెల్, విశ్వనాథం ఇద్దరు షాక్ అవుతారు. స్పృహలోకి వచ్చిన రిషి కారు సడన్గా ఆపుతాడు. ఇంతసేపు నేను బ్రమలో ఉన్నానా అనుకుంటాడు. నేను ఆ వసుధారతో మాట్లాడకపోతే తను ఇంటికి వచ్చినా వచ్చేస్తుంది. అక్కడ వాళ్ళందరికీ గతాన్ని చెప్పేస్తుంది అనుకుంటూ వసుధార  ఇంటికి వెళ్తాడు.

అక్కడ చక్రపాణి తో మాట్లాడుతూ ఉండగా అప్పుడే వసుధార  కూడా కాలేజీ నుంచి ఇంటికి వస్తుంది. రిషి ని చూసి షాక్ అవుతుంది. ఏదో మాట్లాడాలి అన్నావ్ కదా మన గతం తెలియని వాళ్ళ ముందు మాట్లాడుకునే కంటే మన గతం తెలిసిన వాళ్ళ ముందు మాట్లాడుకుంటే మంచిదని ఇక్కడికి వచ్చాను అంటాడు రిషి. మహేంద్ర సార్ నాకు ఫోన్ చేశారు మీ గురించే కంగారు పడుతున్నారు.

మిమ్మల్ని జాగ్రత్తగా చూసుకోమని నాకు చెప్పారు అంటుంది వసుధార. ఆ ఫోన్ ఏదో నాకే చేయొచ్చు కదా అంటాడు రిషి. బాధలో ఉన్న వాళ్ళకి ఓదార్పు కావాలి మీకు ఫోన్ చేస్తే చిరాకు పడతారని నాకు చేసి ఉంటారు. వాళ్ల దృష్టిలో మీరు వేరు నేను వేరు కాదు అంటుంది వసుధార. తర్వాత ఏం జరిగిందో రేపటి ఎపిసోడ్ లో చూద్దాం.