నాగ మణికంఠ షేడ్స్ ఒక్కొక్కటిగా బయటకు వస్తున్నాయి. సోనియాను ఎవరూ లేని చోట తీసుకెళ్లిన మణికంఠ ఒక హగ్ లాగించేశాడు. కెమెరాలు ఉన్నాయని ఫీలైపోయాడు.
మొదటి వారమే కావాల్సినంత కంటెంట్ ఇచ్చి ప్రేక్షకుల దృష్టిలో పడ్డాడు నాగమణికంఠ. మనోడు అమాయకుడు అనుకుంటే రోజు రోజుకు స్ట్రాంగ్ గా తయారవుతున్నారు. లేడీ కంటెస్టెంట్స్ కి ఇష్టం ఉన్నా లేకున్నా, కౌగిలించుకుంటూ వారికి చిరాకు తెప్పిస్తున్నాడు.
నాగ మణికంఠ సింపతీ గేమ్ ఆడుతున్నాడనే అపవాదు మూటగట్టుకున్నాడు. మొదటి వారమే ట్రాజిక్ ఫ్యామిలీ స్టోరీ ప్రేక్షకుల ముందు పెట్టాడు. తండ్రి బాల్యంలోనే చనిపోతే, అమ్మ రెండో పెళ్లి చేసుకుంది. పెంపుడు తండ్రి వలన అవమానాలు, కష్టాలు పడ్డాను. తల్లి దహన సంస్కారాల కోసం అడుక్కున్నాను, అంటూ విషాదగాథ బయటపెట్టాడు.
పల్లవి ప్రశాంత్ వలె నాగ మణికంఠ మొదటి వారం నుండే సింపతీ కార్డు కోసం ట్రై చేస్తున్నాడని సోషల్ మీడియాలో విమర్శలు వినిపించాయి. ఇక విగ్ తీసేస్తూ కన్నీళ్లు పెట్టుకున్న నాగ మణికంఠ వీడియో ఓ రేంజ్ లో వైరల్ అయ్యింది. పలువురు సదరు వీడియోను ట్రోల్ చేశారు. ఈ పరిణామాలతో నాగ మణికంఠ మాత్రం ప్రేక్షకుల దృష్టిలో పడ్డాడు.
చిన్న చిన్న విషయాలకు కన్నీళ్లు పెట్టుకునే నాగ మణికంఠలో మరో యాంగిల్ కూడా ఉంది. వీలు దొరికితే లేడీ కంటెస్టెంట్స్ ని హగ్ చేసుకుంటాడు. యష్మి గౌడను పదే పదే హగ్ చేసుకుంటుంటే, ఆమె రియాక్ట్ అయ్యింది. నాకు కంఫర్ట్ గా లేదు. కౌగిలించుకోవద్దని చెప్పింది.
మరో లేడీ కంటెస్టెంట్ సోనియాను మిగతా కంటెస్టెంట్స్ కి దూరంగా తీసుకెళ్లి, అడిగిమరీ హగ్ చేసుకున్న వీడియో సోషల్ మీడియాలో వైరల్ అవుతుంది. కెమెరాలు ఉన్నాయని నాగ మణికంఠ తెగ బాధపడ్డాడు. కెమెరాలు లేకపోతే ఏం చేసేవాడివి? అంటూ నెటిజెన్స్ కామెంట్స్ పెడుతున్నాడు.
సోనియాను నాగ మణికంఠ... అక్క అని పిలుస్తాడు. అక్క భావన కలిగిన అమ్మాయిని హగ్ చేసుకోవడానికి చాటుకు వెళ్లాల్సిన అవసరం లేదు కదా.. అనేది ఇక్కడ సందేహం. సోనియాను పక్కకు తీసుకెళ్లిన నాగ మణికంఠ '' నాకు ఒక హగ్ కావాలి'' అన్నాడు. ''నీకు హగ్ ఇస్తే నా ఎనర్జీ మొత్తం పోతుంది. గేమ్ ఆడలేను'' అని సోనియా అంది.
''అయ్యో ఎక్కడ చూసినా కెమెరాలు ఉన్నాయి'' అని నాగ మణికంఠ బాధపడ్డాను. అనంతరం ఇద్దరూ హగ్ చేసుకున్నారు. ఈ వీడియో వైరల్ అవుతుండగా నాగ మణికంఠ మరోసారి ట్రోల్ అవుతున్నాడు. కెమెరాల ముందు కన్నీరు పెట్టుకునే నాగ మణికంఠ, కెమెరాల వెనుక కౌగిలింతలు లాగించేస్తున్నాడని ఆడియన్స్ ఎద్దేవా చేస్తున్నారు.
మరోవైపు సోనియా గేమ్ ఎవరికీ అర్థం కావడం లేదు. మొదట్లో ఆమె నిఖిల్ తో సన్నిహితంగా ఉంది. కొద్దిరోజులుగా పృథ్విరాజ్ కి దగ్గరవుతున్న సూచనలు కనిపిస్తున్నాయి. నీకు యష్మి అంటే ఇష్టం అట కదా.. అని పృథ్విరాజ్ ని అడిగింది. ఆమె మాటల్లో ఈర్ష్య కనిపించింది.
అయితే సోనియా ప్రణాళికలో భాగంగానే ఇదంతా చేస్తుందనే వాదన ఉంది. హౌస్లో స్ట్రాంగ్ కంటెస్టెంట్స్ గా ఉన్న నిఖిల్, విష్ణుప్రియ, పృథ్విరాజ్ లను ఆమె టార్గెట్ చేసిందని, ఒక్కొక్కరినీ ట్రాప్ లో పడేస్తుందని ఆడియన్స్ అంచనా వేస్తున్నారు.
నాగ మణికంఠ సైతం స్ట్రాంగ్ ప్లేయర్ అనే భావన మిగతా కంటెస్టెంట్స్ లో ఉంది. ఈ విషయాన్ని సోనియా ఓ సందర్భంలో బయటపడి చెప్పింది. వాడు ఒక ప్రణాళిక ప్రకారమే గేమ్ ఆడుతున్నాడు. మనమే వెర్రి పప్పలం అని, నిఖిల్, అభయ్ లతో చెప్పింది. ఇక ఎవరు స్ట్రాంగ్? ఎవరు వీక్? అనేది తెలియాలంటే ఇంకొన్ని రోజులు వెయిట్ చేయాలి..