బిగ్ బాస్ తెలుగు 8 మరోసారి షాకింగ్ ఎలిమినేషన్ తప్పదన్న వాదన వినిపిస్తోంది. ఎనిమిది నామినేషన్స్ లో ఉండగా టాప్ సెలెబ్ ఓటింగ్ లో వెనుకబడ్డారట. మరి ఈ వారం ఎలిమినేట్ అయ్యేది ఎవరో చూద్దాం..
బిగ్ బాస్ తెలుగు సీజన్ 8 మూడో వారంలో అడుగుపెట్టింది. 14 మంది కంటెస్టెంట్స్ తో మొదలైన లేటెస్ట్ సీజన్ నుండి ఇద్దరు ఎలిమినేట్ అయిన సంగతి తెలిసిందే. మొదటి వారం బేబక్క నిష్క్రమించింది.
బేబక్క ఎలిమినేషన్ పై అందరూ ఊహించిందే. పెద్దగా చర్చ జరగలేదు. అయితే శేఖర్ బాషా ఎలిమినేషన్ ప్రేక్షకులకు ఒకింత షాక్ అని చెప్పాలి. శేఖర్ బాషా గేమ్ పరంగా సత్తా చాటాడు. తనదైన కామెడీతో ఎంటర్టైనర్ గా పేరు తెచ్చుకున్నాడు. శేఖర్ బాషా ఫైనల్ కి వెళ్లడం ఖాయమని ప్రేక్షకులు భావించారు.
శేఖర్ బాషాను కంటెస్టెంట్స్ ఎలిమినేట్ చేయడం మరొక ఆసక్తికర పరిణామం. ఆదిత్య ఓం, శేఖర్ బాషాలలో ఒకరు ఎలిమినేట్ కావాల్సి ఉంది. కంటెస్టెంట్స్ ఎవరు బిగ్ బాస్ ఇంటిని వీడాలి నిర్ణయించాలని హోస్ట్ నాగార్జున ఆదేశించాడు. మెజారిటీ కంటెస్టెంట్స్ శేఖర్ బాషాకు వ్యతిరేకంగా ఓటు వేశారు. దాంతో ఆయన ఎలిమినేట్ అయ్యాడు.
శేఖర్ బాషా భార్య ఇటీవల ప్రసవించింది. కంటెస్టెంట్స్ శేఖర్ బాషాను ఇంటికి పంపడానికి ఇది కూడా ఒక కారణం. అతడికి అబ్బాయి పుట్టాడు. ఇక మూడో వారానికి గాను విష్ణుప్రియ, ప్రేరణ, నైనిక, యష్మి, నాగ మణికంఠ, అభయ్, పృథ్విరాజ్, సీత నామినేట్ అయ్యారు. సోమవారం నుండి ఓటింగ్ లైన్స్ ఓపెన్ అయ్యాయి.
ఇక సోషల్ మీడియా సమాచారం ప్రకారం ఈసారి కూడా షాకింగ్ ఎలిమినేషన్ తప్పదని అంటున్నారు. టాప్ సెలెబ్ ఇంటిని వీడనున్నారట. విష్ణుప్రియ ఓటింగ్ లో ముందంజలో ఉందట. ఆమెకు అత్యధికంగా ఓట్లు పోల్ అవుతున్నాయట. గేమ్ సంగతి ఎలా ఉన్నా... విష్ణుప్రియకు ఉన్న పాపులారిటీ రీత్యా ఓట్లు పడుతున్నాయి.
నాగ మణికంఠ ఓటింగ్ లో రెండో స్థానంలో ఉన్నాడని సమాచారం. నాగ మణికంఠకు పెద్దగా ఫేమ్ లేదు. అయినప్పటికీ ప్రేక్షకులు అతడికి భారీగా ఓట్లు వేస్తున్నారు. అతనిది సింపతీ గేమ్ అంటూ ప్రారంభంలో భారీగా ట్రోల్ చేశారు. ఏదేమైనా అతనికి ఓట్లు పోల్ అవుతున్నాయి. ఇక మూడో స్థానంలో కిరాక్ సీత ఉందట.
సీరియల్ నటి యష్మి గౌడ స్ట్రాంగ్ ప్లేయర్ గా అవతరిస్తుంది. ముక్కుసూటిగా మాట్లాడుతూ, జెన్యూన్ ప్లేయర్ అనే నమ్మకం ప్రేక్షకుల్లో కలిగిస్తుంది. యష్మి నాలుగో స్థానంలో ఉందట. ఆమె తర్వాత నైనిక ఐదో స్థానంలో ఉన్నట్లు సమాచారం. ఆరో స్థానంలో మరో సీరియల్ నటి ప్రేరణ ఉన్నారట.
చివరి రెండు స్థానాల్లో పృథ్విరాజ్, అభయ్ నవీన్ ఉన్నారని సమాచారం. అభయ్ కంటే మెరుగైన పొజీషన్ లో పృథ్విరాజ్ ఉన్నాడట. లేటెస్ట్ ట్రెండ్ ప్రకారం ఈ వారం ఎలిమినేట్ అయ్యేది అభయ్ నవీన్ అంటున్నారు. మిగతా కంటెస్టెంట్స్ తో పోల్చుకుంటే అభయ్ నవీన్ పేరున్న సెలెబ్. ఆయన పలు చిత్రాలు, సిరీస్లలో నటించాడు.
గేమ్ పరంగా అభయ్ నవీన్ పెద్దగా ప్రభావం చూపడం లేదు. అతడు మంచి ఎంటర్టైనర్ అవుతాడని ప్రేక్షకులు భావించారు. కానీ అలా జరగలేదు. అభయ్ నవీన్ తన మార్క్ క్రియేట్ చేయలేకపోయాడు. అది ఆయనకు మైనస్ అని చెప్పాలి. ఈ వారం అభయ్ హౌస్ ని వీడటం ఖాయం అనే మాట గట్టిగా వినిపిస్తోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి