భక్త ప్రహ్లాద(1932): తెలుగు చలన చిత్ర చరిత్రలో తొలి ఇండస్ట్రీ హిట్ భక్త ప్రహ్లాద. 1932లో ఈ చిత్రం 25 వేలు వసులు చేసింది. తెలుగులో పూర్తిస్థాయిలో వచ్చిన తొలి టాకీ చిత్రం ఇదే.
undefined
మాయాబజార్ : తెలుగు సినిమా ఖ్యాతికి అందరికి తెలియజేసిన తొలి చిత్రం మాయాబజార్. ఎన్టీఆర్, ఏఎన్నార్, సావిత్రి, ఎస్వీ రంగారావు లాంటి హేమా హేమీలు ఈ చిత్రంలో నటించారు. 1957లో విడుదలైన ఈ చిత్రం 75 లక్షలు వసూలు చేసింది.
undefined
దసరా బుల్లోడు :1971లో రిలీజైన ఈ చిత్రం కమర్షియల్ బ్లాక్ బస్టర్ గా నిలిచింది. ఈ చిత్రంలో ఏఎన్నార్, వాణిశ్రీ, చంద్రకళ ప్రధాన పాత్రల్లో నటించారు. అప్పట్లోనే ఈ చిత్రం కోటిన్నర వసూళ్లు రాబట్టింది.
undefined
అల్లూరి సీతా రామరాజు : సూపర్ స్టార్ కృష్ణ అల్లూరి పాత్రలో నటించిన ఈ చిత్రం ఓ చరిత్ర. బాక్సాఫీస్ వద్ద ఈ చిత్రం 2 కోట్లు రాబట్టింది.
undefined
అడవి రాముడు : స్వర్గీయ ఎన్టీఆర్ నటించిన ఈ చిత్రం రాఘవేంద్ర రావు దర్శకత్వంలో తెరక్కింది. ఈ చిత్రంలో పాటలు, ఎన్టీఆర్ నటన తెలుగు ప్రేక్షకులని ఉర్రూతలూగించాయి. ఈ చిత్రం 3 కోట్ల కలెక్షన్లు రాబట్టింది.
undefined
ఖైదీ :మెగాస్టార్ సినీ జీవితాన్ని మలుపు తిప్పిన చిత్రం ఇది. కోదండరామిరెడ్డి తెరక్కించిన ఈ చిత్రంలో చిరంజీవి తిరుగులేని నటన కనబరిచాడు. ఈ చిత్రం రూ. 4 కోట్ల వసూళ్లు రాబట్టి చరిత్ర సృష్టించింది.
undefined
పసివాడి ప్రాణం : చిరంజీవి తన జైత్ర యాత్రని కొనసాగిస్తూ పసివాడి ప్రాణం చిత్రంతో మరో ఇండస్ట్రీ హిట్ అందుకున్నాడు. ఈ చిత్రం 4.5 కోట్లు రాబట్టింది.
undefined
యముడికి మొగుడు : 80వ దశకం చివర్లో మెగాస్టార్ హవాకు తిరుగులేకుండా పోయింది. బాక్సాఫీస్ వద్ద తన దూకుడు కొనసాగించిన చిరు యముడికి మొగుడు చిత్రంతో మరో ఇండస్ట్రీ హిట్ తన ఖాతాలో వేసుకున్నాడు. ఈ చిత్రం 5 కోట్లు రాబట్టడం విశేషం.
undefined
ముద్దుల మావయ్య : నందమూరి బాలకృష్ణ తొలిసారి బాక్సాఫీస్ వద్ద తన పంజా విసిరిన చిత్రం ఇది. ఈ చిత్రంలో బాలయ్యకు జంటగా విజయశాంతి నటించింది. బాక్సాఫీస్ వద్ద ముద్దుల మావయ్య వసూళ్లు 5.5 కోట్లు.
undefined
జగదేక వీరుడు అతిలోక సుందరి : దర్శకేంద్రుడు రాఘవేంద్ర రావు తెరక్కించిన దృశ్యకావ్యం ఈ చిత్రం. ఈ చిత్రంలో చిరంజీవి- శ్రీదేవి జోడి, ఇళయరాజా సంగీతం చేసిన మ్యాజిక్ అంతా ఇంతా కాదు. బాక్సాఫీస్ వద్ద ఈ చిత్రం 6 కోట్లు రాబట్టింది.
undefined
గ్యాంగ్ లీడర్ : తెలుగు కమర్షియల్ చిత్రాల్లో సరికొత్త బెంచ్ మార్క్ క్రియేట్ చేసిన చిత్రం గ్యాంగ్ లీడర్. ఈ చిత్రంతో సౌత్ లో అత్యధిక రెమ్యునరేషన్ తీసుకునే హీరోగా చిరంజీవి అవతరించాడు. గ్యాంగ్ లీడర్ చిత్రం మాస్ ప్రేక్షకులని అలరిస్తూ 7 కోట్ల వసూళ్లు కొల్లగొట్టింది.
undefined
చంటి :వెంకటేష్, మీనా జంటగా రవిరాజా పినిశెట్టి దర్శకత్వంలో తెరకెక్కిన ఈ చిత్రం ఓ క్లాసిక్. ఇళయరాజా సంగీతానికి తెలుగు ప్రేక్షకులు ఫిదా అయ్యారు. 1992లో విడుదలైన చంటి బాక్సాఫీస్ వద్ద 9 కోట్లు రాబట్టింది.
undefined
ఘరానామొగుడు : ఘరానామొగుడు చిత్రం తో చిరు మరో ఇండస్ట్రీ హిట్ ని సొంతం చేసుకున్నాడు. ఈ చిత్రం 10 కోట్ల వసూళ్లు రాబట్టింది.
undefined
పెదరాయుడు :మోహన్ బాబు డ్యూయెల్ రోల్ లో, భానుప్రియ, సౌందర్య హీరోయిన్లుగా నటించిన ఈ చిత్రం ఎవర్గ్రీన్ హిట్ గా నిలిచింది. మోహబ్ బాబు పేరిటి నమోదైన ఏకైక ఇండస్ట్రీ హిట్ ఈ చిత్రం. బాక్సాఫీస్ వద్ద పెదరాయుడు 12 కోట్లు రాబట్టింది.
undefined
సమరసింహారెడ్డి :బాలయ్య బాక్సాఫీస్ వద్ద తిరుగులేని సత్తా ప్రదర్శించిన చిత్రం సమరసింహారెడ్డి. ఈ చిత్రంలో బాలయ్య వన్ మ్యాన్ షో చూడొచ్చు. బాక్సాఫీస్ వద్ద ఈ చిత్రం 16 కోట్లు రాబట్టింది.
undefined
నరసింహనాయుడు :నరసింహనాయుడు చిత్రంతో బాలయ్య ఫ్యాక్షన్ చిత్రాలకు బ్రాండ్ అంబాసిడర్ గా మారిపోయాడు. నరసింహ నాయుడు ప్రభంజనం సృష్టిస్తూ 22 కోట్ల వసూళ్లు రాబట్టింది.
undefined
ఖుషి :అప్పటివరకు హిట్స్ సాధిస్తూ యువతలో క్రేజ్ సంపాదించుకుంటూ వస్తున్న పవన్ ఖుషి చిత్రంతో అదరగొట్టేశాడు. చిరంజీవి, బాలయ్య లాంటి హేమాహేమీలు ఫామ్ లో ఉన్న సమయంలో ఇండస్ట్రీ హిట్ కొట్టి యూత్ ఐకాన్ గా మారిపోయాడు. ఈ చిత్రం 24 కోట్ల వసూళ్లు రాబట్టింది.
undefined
ఇంద్ర : మెగాస్టార్ చిరంజీవి ఫ్యాక్షన్ నేపథ్యంలో నటించిన చిత్రం ఇది. ఇంద్ర సంచలనం సృష్టిస్తూ అత్యధిక సెంటర్స్ లో 100 రోజులు ఆడింది. ఏకంగా ఈ చిత్రం 33 కోట్లు రాబట్టింది.
undefined
పోకిరి : డాషింగ్ డైరక్టర్ పూరి జగన్నాధ్ ఈ చిత్రం మహేష్ బాబు ఇమేజ్ ని ఒక్కసారిగా మార్చేశాడు. మహేష్ కు మాస్ లో తిరుగులేని ఫాలోయింగ్ తెచ్చిపెట్టిన చిత్రం ఇది. పోకిరి బాక్సాఫీస్ వద్ద సెన్సేషన్ క్రియేట్ చేస్తూ 40 కోట్లు రాబట్టింది.
undefined
మగధీర : దర్శక ధీరుడు రాజమోళి, రాంచరణ్ కాంబినేషన్ లో వచ్చిన మగధీర తెలుగు సినిమా చరిత్రలో ఆశ్చర్యపోయే రికార్డులు క్రియేట్ చేసింది. 78 కోట్ల షేర్ సాధించిన ఈ చిత్రం తెలుగు సినిమాకు కూడా 100 కోట్లు సాధ్యమే అనే నమ్మకాన్ని పెంచింది.
undefined
అత్తారింటికి దారేది : పవన్ కళ్యాణ్, త్రివిక్రమ్ కాంబినేషన్ లో వచ్చిన ఈ ఫ్యామిలీ ఎంటర్టైనర్ మగధీర రికార్డులని అధికమిస్తూ 80 కోట్ల వసూళ్లు రాబట్టింది.
undefined
బాహుబలి : తెలుగు సినిమా సత్తాని యావత్ దేశంతో పాటు ప్రపంచానికి తెలియజేసిన చిత్రం బాహుబలి. రాజమౌళి నలువైపుల నుంచి ప్రశంసలు అందుకున్నాడు. బాహుబలి 1.. 600 కోట్లు సాధించగా, బాహుబలి 2.. 1700 కోట్లు కొల్లగొట్టి ఇండియాలో అతిపెద్ద విజయంగా నిలిచింది.
undefined