బిగ్ బాస్ హౌస్లో తల్లీ కూతుళ్లు సురేఖావాణి-సుప్రీత? నాన్ స్టాప్ ఎంటర్టైన్మెంట్ గ్యారంటీ!

తెలుగు రాష్ట్రాల్లో బిగ్ బాస్ ఫీవర్ మొదలైపోయింది. కంటెస్టెంట్స్ లిస్ట్ లో కొన్ని క్రేజీ పేర్లు వినిపిస్తున్నాయి. సురేఖావాణి, సుప్రీత ఎంపికయ్యారంటూ సమాచారం అందుతుంది.   

బిగ్ బాస్ సీజన్ 6 అట్టర్ ప్లాప్. అందుకు అనేక కారణాలు ఉన్నాయి. ముఖ్యంగా షోలో పసలేదు. కంటెస్టెంట్స్ ఎంపికలోనే తప్పు చేసిన మేకర్స్, అవే పాత గేమ్స్, టాస్క్స్ తో కొత్తదనం చూపించలేకపోయారు. అలాగే నాగార్జున హోస్టింగ్ కూడా విమర్శలపాలైంది. 

సింగర్ మోహన భోగరాజు, కార్తీక దీపం ఫేమ్ శోభిత శెట్టి, శ్వేతా నాయుడు, ఈటీవీ ప్రభాకర్ వంటి కొన్ని పేర్లు తెరపైకి వచ్చాయి. క్రేజీ నటి సురేఖావాణి తన కూతురు సుప్రీతతో హౌస్లోకి వెళుతున్నారనే ప్రచారం గట్టిగా నడుస్తుంది. సురేఖావాణి నటిగా అందరికీ పరిచయమే. ఇటీవల ఆమె ఇంస్టాగ్రామ్ లో హాట్ వీడియోలు, ఫోటోలు షేర్ చేస్తూ మరింత పాప్యులరిటీ రాబట్టింది.

ఇక సురేఖావాణి కూతురు కూడా సోషల్ మీడియా సెలబ్రిటీ. ఈమెకు సోషల్ మీడియాలో లక్షల మంది ఫాలోవర్స్ ఉన్నారు. హెరోయిన్ మాదిరి ఫ్యాన్స్ తో ఆన్లైన్ చాట్ చేస్తుంటుంది. లైఫ్ లో చిన్న చిన్న వివాదాలు కూడా ఉన్నాయి. ఇటీవల నిర్మాత కేపీ చౌదరి డ్రగ్స్ కేసులో అరెస్టయ్యాడు. అతనితో సన్నిహిత సంబంధాలున్న సురేఖావాణి పేరు తెరపైకి వచ్చింది.

సురేఖావాణితో తరచుగా కేపీ చౌదరి మాట్లాడతాడని, వందల సంభాషణలు నమోదయ్యాయని సమాచారం బయటకు వచ్చింది. కేపీ చౌదరి సుప్రీతకు కూడా తెలుగు. కేపీ చౌదరితో సురేఖావాణి దిగిన ఫోటోలు సైతం బయటపడ్డాయి. బిగ్ బాస్ షోకి సురేఖావాణి-సుప్రీత సరైన ఎంపికని పలువురు భావిస్తున్నారు. ఈ తల్లీ కూతుళ్లు ఎంపికయ్యారనే ప్రచారం జరుగుతుంది. 

దీనిపై అధికారిక సమాచారం అందాల్సి ఉంది. ఇక సీజన్ 7 కి హోస్ట్ మారతాడని ప్రచారం జరిగింది. కానీ మేకర్స్ మరలా నాగార్జుననే ఆశ్రయించారు. చెప్పాలంటే మరొక ఆప్షన్ లేకపోవడంతో నాగార్జున వెంట పడుతున్నారు. ఎన్టీఆర్, రానా వంటి నటులు సినిమాల్లో బిజీగా ఉన్నారు.