సుధీర్ పెళ్లి ఫిక్స్ చేసిన పెద్దలు, మరదలితో నిశ్చితార్థం పూర్తి ?.. పాపం రష్మీ, పోస్టులు వైరల్

జబర్దస్త్ షోతో బుల్లితెరపై సుధీర్ తిరుగులేని ఫాలోయింగ్ సొంతం చేసుకున్నాడు. తింగరోడిగా కనిపిస్తూనే కామెడీ పంచ్ లతో సుధీర్ కడుపుబ్బా నవ్వించడం చూశాం. ఇక సుధీర్, రష్మీ మధ్య కెమిస్ట్రీ ఆడియన్స్ ని ఎంతగా అలరించిందో ప్రత్యేకంగా చెప్పనవసరం లేదు. అయితే ఇతర ఛానల్స్ లో అవకాశాలు రావడం, హీరోగా కూడా బిజీ అవుతుండడంతో ఆ మధ్యన సుధీర్ జబర్దస్త్ ని వదిలేశాడు. 

గాలోడు, సాఫ్ట్ వేర్ సుధీర్ లాంటి చిత్రాలతో హీరోగా మారాడు. రష్మీతో కెమిస్ట్రీ సుధీర్ కి బాగా అడ్వాంటేజ్ అయింది. మంచి ప్రచారం కల్పించేలా చేసింది. సుధీర్, రష్మీ మధ్య నిజంగా కెమిస్ట్రీ ఉందో లేదో అనేది మిలియన్ డాలర్ ప్రశ్న. కానీ ఆన్ స్క్రీన్ లో మాత్రం వీరిద్దరో లవ్ బర్డ్స్ లాగే బిహేవ్ చేశారు. వీరిద్దరి పెళ్లి గురించి కుప్పలు తెప్పలుగా ఎన్నో రూమర్స్ వచ్చాయి. చివరకు సుధీర్ జబర్దస్త్ కి దూరం కావడంతో రష్మీ పరిస్థితి ఏంటి అంటూ మీమ్స్ వైరల్ అయ్యాయి. 

అయితే ఇటీవల రష్మీ హార్ట్ బ్రేక్ అయ్యే న్యూస్ వైరల్ అవుతోంది అంటూ నెటిజన్లు పోస్ట్ లు చేశారు. సుధీర్ తన సొంత మరదలిని పెళ్లి చేసుకోబోతున్నట్లు ప్రచారం జరిగింది. ఈ ప్రచారానికి బలం చేకూర్చే విధంగా తాజాగా మరో రూమర్ వైరల్ అవుతోంది. సుధీర్ పెళ్లిని కుటుంబ సభ్యులు ఫిక్స్ చేశారని.. అతడి మరదలితో నిశ్చితార్థం కూడా పూర్తయినట్లు వార్తలు వస్తున్నాయి. 

ఇది పెద్దలు కుదిర్చిన వివాహం అంటూ ప్రచారం జరుగుతోంది. ఇప్పుడు రష్మీ పరిస్థితి ఏంటి అంటూ మరోసారి నెటిజన్లు ట్రెండ్ చేస్తున్నారు. రష్మీ గతంలో చేసిన కామెంట్స్ ని వైరల్ చేస్తున్నారు. మా ఇద్దరి మధ్య ఎలాంటి బంధం అయినా ఉండొచ్చు. అందరికీ వివరించలేం. కొన్ని విషయాలు నేను సీక్రెట్ గా ఉంచాలి. నాలోనే దాచుకోవాలి. కానీ ఒక్కటి మాత్రం నిజం మేమిద్దరం ఆఫ్ స్క్రీన్ లో ఎలా ఉంటామో ఆన్ స్క్రీన్ పై కూడా అదే కనిపిస్తుంది. 

భవిష్యత్తులో ఏమైనా జరగొచ్చు అంటూ రష్మీ చేసిన వ్యాఖ్యలు వైరల్ అవుతున్నాయి. జబర్దస్త్ షోలో భాగంగా వీరిద్దరూ ఎన్నోసార్లు పెళ్లి గెటప్స్ లో కనిపించారు. అయితే తన పెళ్లి , నిశ్చితార్థం వార్తలపై సుధీర్ మాత్రం ఇంతవరకు స్పందించలేదు. 

సుధేర్ ప్రస్తుతం GOAT, కాలింగ్ సహస్ర అనే చిత్రాలతో బిజీగా ఉన్నాడు. నెటిజన్లు సుధీర్ పెళ్లిపై ఫన్నీ కామెంట్స్ కురిపిస్తున్నారు. రష్మిని ఆన్ స్క్రీన్ పై అన్ని సార్లు పెళ్లి చేసుకున్నావు.. కానీ రియల్ లైఫ్ లో ఒక్కసారిగా ఇంత పెద్ద షాక్ ఇచ్చావు ఏంటి సుధేర్ అన్నా అంటూ పోస్ట్ లు పెడుతున్నారు.