`ఢీ` షోలో ప్రియమణి, సుడిగాలి సుధీర్‌ విశ్వరూపం.. రజనీ, రమ్యకృష్ణలను అచ్చు దింపుతూ `నరసింహ`ని చూపించారు

`ఢీ` షోలో రజనీకాంత్‌ `నరసింహ` సినిమాని చూపించారు సుడిగాలి సుధీర్‌, ప్రియమణి. అచ్చం వారి పాత్రల్లోకి పరకాయ ప్రవేశం చేశారు. రజనీ మేనరిజంగా సుధీర్‌ రెచ్చిపోగా, రమ్యకృష్ణగా ప్రియమణి రక్తికట్టించింది. విశ్వరూపం చూపించారు.  

ప్రదీప్‌ మాచిరాజు హోస్ట్ చేస్తున్న `ఢీ` షోలో సుడిగాలి సుధీర్‌, హైపర్‌ ఆది, రష్మి, దీపికా పిల్లి కింగ్స్, క్వీన్స్ టీమ్‌లకు లీడర్లుగా ఉన్నారు. ప్రియమణి, పూర్ణ, గణేష్‌ మాస్టర్‌ జడ్జ్ లుగా వ్యవహరిస్తున్నారు. 

నెక్ట్స్ ఎపిసోడ్‌కి సంబంధించిన ప్రోమో విడుదలైంది. ఇందులో ఈ సారి సరికొత్తగా ట్రై చేశారు. రజనీకాంత్‌, రమ్యకృష్ణ, సౌందర్య నటించిన `నరసింహ` సినిమాలోని హైలైట్‌ సన్నివేశాలను రీమిక్స్ చేశారు.

ఇందులో నరసింహగా నటించిన రజనీ పాత్రని సుడిగాలి సుధీర్‌, నీలాంబరిగా నటించిన రమ్యకృష్ణ పాత్రని ప్రియమణి పోషించింది. రజనీకాంత్‌ నచ్చాడనే విషయాన్ని చెబుతూ రమ్యకృష్ణ స్టయిలీష్‌ సీన్లని, రజనీ మార్క్ మేనరిజాన్ని ఇందులో చూపించారు. 

`నువ్వెంతో అదృష్టవంతుడివి.. నాకే నువ్వు నచ్చావే.. ` అని ప్రియమణి చెప్పగా, సుధీర్‌ రజనీ స్టయిల్‌లో `ఓహ్‌..` అని చెప్పడం, `మీ చెల్లికి, మా అన్నయ్యకి జరిగే నిశ్చితార్థం రోజు మన అభిప్రాయం చెప్పు ఓకే.. నువ్వు సిగ్గు పడతాం. నేనే చెప్తాను` అని ప్రియమణి చేసి వెళ్లిపోతుండగా,

సుధీర్‌.. రజనీ మ్యానరిజాన్ని యదాతథంగా దించుతూ.. `మేడం జస్ట్ మినిట్‌.. మీ ఇష్టాన్ని చెప్పారు. నా ఇష్టాన్ని వినలేదు. మీరు నాకు నచ్చలేదు` అని చెప్పడంతో ప్రియమణి కోపానికి గురవుతూ కళ్లజోడు తీసేస్తుంది. అప్పుడు సుధీర్‌ స్టయిల్‌గా గ్లాసెస్‌ పెట్టుకోవడం హైలైట్‌గా నిలిచింది. 

మరోవైపు `మెరిసేటి పువ్వా.. శృంగార వీర` పాటకి మరో జడ్జ్ పూర్ణ డాన్స్ చేసింది. శారీలో ఆమె అద్భుతంగా డాన్స్ చేయగా, రజనీ స్టయిల్‌లో సుధీర్‌ మరోసారి తన మేనరిజాన్ని చూపిస్తూ డాన్స్ లు చేయడం హైలైట్‌గా నిలిచింది.

`ఢీ` షోలో ఇది హైలైట్‌గా నిలిచింది. డాన్సర్ల డాన్సులు గూస్‌బమ్స్ తెప్పిస్తే, సుధీర్‌, ప్రియమణి, పూర్ణలు చేసిన సందడి మరింత హైలైట్‌గా నిలిచింది. నెక్ట్స్ ఎపిసోడ్‌పై అంచనాలను పెంచేశాయి. ప్రస్తుతం ఈ ప్రోమో విపరీతంగా ఆకట్టుకోవడం విశేషం. 

ఇందులో ఓ రకంగా ప్రియమణి, సుధీర్‌ తమ నట విశ్వరూపం చూపించారు. రజనీ, రమ్యకృష్ణల హవభావాలను అద్బుతంగా పలికించి ఫిదా చేశారు.

సుధీర్‌ ఫ్యాన్స్ కామెంట్లతో విరుచుకుపడుతున్నారు. ప్రోమోలోనే ఇలా ఉంటే, ఇక ఎపిసోడ్‌లో ఏ రేంజ్‌లో ఉంటుందో అంటూ కామెంట్ చేస్తున్నారు. సుధీర్‌కి ఓటేసుకుంటున్నారు.