సుధీర్‌ బాబు ప్రయోగం, పౌరాణిక కథతో `జటాధర`, ఇలా హిట్‌ పడిందో లేదో తగ్గడం లేదుగా!

సుధీర్‌ బాబు సక్సెస్‌ కోసం చాలా కాలంగా స్ట్రగుల్‌ అవుతున్న నేపథ్యంలో ఇటీవల ఓ హిట్ పడింది. అంతే ఇప్పుడు రూట్‌ మార్చి మైండ్‌ బ్లోయింగ్‌ స్టోరీతో రాబోతున్నాడు.   

యంగ్‌ హీరో సుధీర్‌ బాబుకి చాలా రోజుల తర్వాత హిట్ పడింది. ఇటీవల ఆయన `హరోంహర` చిత్రంతో హిట్‌ అందుకున్నారు. కెరీర్‌ పరంగా కొంత రిలీఫ్‌ అయ్యాడు. అంతేకాదు కథల ఎంపికలోనూ పంథా మార్చుకున్నాడు. రొటీన్‌ సినిమాలను పక్కన పెట్టిన ప్రయోగాత్మక చిత్రాలకు ప్రయారిటీ ఇస్తున్నాడు. అందులో భాగంగా ఇప్పుడు ఓ ప్రయోగం చేస్తున్నాడు. పౌరాణిక కథలుచేస్తున్నారు. తాజాగా ఆయన `జటాధర` పేరుతో మూవీ చేస్తున్నారు. ఇది పౌరాణిక, ఫాంటసీ, డ్రామా మేళవింపుగా రూపొందుతున్న పాన్‌ ఇండియా చిత్రం కావడం విశేషం. 

వైవిధ్య‌మైన సినిమాలు, పాత్ర‌ల‌తో మెప్పిస్తోన్న సుధీర్ బాబు హీరోగా ఈ సూప‌ర్ నేచుర‌ల్ థ్రిల్ల‌ర్ ‘జటాధర’ రూపొందుతుంది.  అనౌన్స్‌మెంట్ నుంచి పాన్ ఇండియా సినీ ప్రేక్ష‌కుల‌ను ఆక‌ట్టుకుని భారీ అంచ‌నాలు క్రియేట్ చేసుకున్న ఈ చిత్రం 2025 శివ‌రాత్రి విడుద‌ల‌కు స‌న్న‌ద్ధ‌మ‌వుతుంది.

ఈ సినిమా నుంచి విడుద‌లైన కొత్త పోస్ట‌ర్ సినిమాపై ఎక్స్‌పెక్టేష‌న్స్‌ను మ‌రింత‌గా పెంచుతోంది. పౌరాణిక‌, ఫాంట‌సీ, డ్రామా అంశాల క‌ల‌యిక‌గా ఈ చిత్రం తెర‌కెక్కుతోంద‌ని విడుద‌లైన పోస్ట‌ర్ చూస్తుంటేనే అర్థ‌మ‌వుతుంది. అలాగే అందులో సుధీర్ బాబు స‌రికొత్త లుక్‌తో, శ‌క్తివంత‌మైన పాత్ర‌లో క‌నిపించ‌బోతున్నార‌ని తెలుస్తుంది. 

ప్రేర‌ణ అరోరా స‌మ‌ర్ప‌ణ‌లో సుధీర్ బాబు ప్రొడ‌క్ష‌న్ బ్యాన‌ర్‌పై `జ‌టాధ‌ర` చిత్రం తెరకెక్కుతుందగా, వెంకట్‌ కళ్యాణ్‌ దర్శకత్వం వహిస్తున్నారు. విడుదల చేసిన కొత్త లుక్ లో సూప‌ర్ నేచుర‌ల్ శ‌క్తితో అద‌ర‌గొట్టే లుక్‌లో సుధీర్ బాబు క‌నిపిస్తున్నారు. దీని గురించి సుధీర్ బాబు మాట్లాడుతూ, `జ‌టాధ‌ర‌` ఫ‌స్ట్ లుక్ పోస్ట‌ర్‌కు వ‌చ్చిన ఆద‌ర‌ణ చూసి ఆశ్చ‌ర్య‌పోయాను.

ఇంత గొప్ప స్పంద‌న రావ‌డంతో సంతోష‌మేసింది. ఈ సినిమాలోకి అడుగు పెట్ట‌టం అనేది ఓ స‌రికొత్త ప్ర‌పంచాన్ని నాకు ప‌రిచ‌యం చేసింది. శాస్త్రీయ‌త‌, పౌరాణిక అంశాల క‌ల‌యిక స్క్రిప్ట్‌ను రాశారు. ఈ రెండు జోన‌ర్స్‌కు చెందిన ప్ర‌పంచాల‌ను రేపు ఆడియెన్స్ వెండితెర‌పై చూస్తున్నప్పుడు ఓ స‌రికొత్త సినిమా అనుభూతిని పొందుతారు. 

ఓ సినిమా స‌క్సెస్‌కైనా కార‌ణం బ‌ల‌మైన స్క్రిప్ట్‌. దీనికి మంచి టీమ్ తోడైతే అది మంచి సినిమాగా ప్రాణం పోసుకుంటుంది. మా సినిమా విష‌యంలో అదే జ‌రుగుతుంది. విజువ‌ల్‌గా, ఎమోష‌న‌ల్‌గా ఓ అద్భుత‌మైన సినిమాను ఆమె తెర‌కెక్కిస్తున్నారు. ఈ మూవీకి సంబంధించిన సెకండ్ పోస్ట‌ర్ పౌరాణిక ప్రపంచాన్ని తెలియజేస్తుంది. ప్రేక్ష‌కుల‌ను ఆశ్చ‌ర్య‌ప‌రిచేలా ఉండే అంశాలు ఎన్నో ఈ సినిమాలో ఉండ‌బోతున్నాయి` అని తెలిపారు. 

భారీ బ‌డ్జెట్‌తో అంచ‌నాల‌ను మించేలా ఓ అద్భుత‌మైన స‌రికొత్త చిత్రాన్ని రూపొందించ‌టానికి నిర్మాత‌లు ప్రేర‌ణ అరోరా, శివివ‌న్ నారంగ్‌, నిఖిల్ నంద‌, ఉజ్వ‌ల్ ఆనంద్  ప్రయత్నిస్తున్నారు. సినిమాలో హీరోయిన్‌గా ఓ ప్ర‌ముఖ బాలీవుడ్ స్టార్ హీరోయిన్ న‌టించ‌నుంది. అలాగే ప్ర‌తినాయ‌కి పాత్ర‌లో బాలీవుడ్ స్టార్ న‌టించనుంది.

ఆ వివ‌రాల‌ను మేక‌ర్స్ త్వ‌ర‌లోనే ప్ర‌క‌టించ‌నున్నారు. ప్రస్తుతం ఈ మూవీ ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. త్వ‌ర‌లోనే సినిమా షూటింగ్ హైద‌రాబాద్‌లో ప్రారంభం కానుంది. ఇటీవల `హరోంహ‌ర‌`తో హిట్ కొట్టిన సుధీర్ బాబు అక్టోబ‌ర్ 11న `మా నాన్న సూప‌ర్ హీరో` సినిమాతో ప్రేక్ష‌కుల ముందుకు రాబోతున్నారు.