Brahmamudi: అపర్ణకు చివాట్లు పెట్టిన సీతారామయ్య.. కావ్యపై చెయ్యొత్తిన రాజ్!

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ మంచి రేటింగ్ ని సంపాదించుకుంటూ టాప్ సీరియల్ సరసన స్థానం సంపాదించుకుంటుంది. కోడలు కొడుకుని ఎక్కడ ఎగరేసుకు పోతుందో అని భయపడుతున్న ఒక అత్త కథ ఈ సీరియల్. ఇక ఈరోజు ఆగస్టు 17 ఎపిసోడ్ లో ఏం జరిగిందో చూద్దాం.  

 ఎపిసోడ్ ప్రారంభంలో ఇల్లు అమ్మటానికి బయలుదేరుతాడు కృష్ణమూర్తి. మన కష్టాలను చూసి ఏ దేవుడు ఆదుకోవడం లేదు అని బాధపడుతుంది కనకం. ఇంతలోనే కావ్య వాళ్ళు రావడం చూసి షాక్ అవుతారు కృష్ణమూర్తి దంపతులు. కారు దిగిన కావ్య వెనక సీట్ లో ఉన్న తన బ్యాగ్ తీసుకుని భర్తని ఒకసారి లోపలికి వచ్చి తండ్రిని పలకరించి వెళ్ళమంటుంది. నాకు ఆఫీసులో పని ఉంది నేను రాను అంటాడు రాజ్.

 ఇదంతా చూస్తున్న కృష్ణమూర్తి దంపతులు కూతుర్ని అత్తారింటి నుంచి పంపించేశారు అనుకుని మరింత కంగారు పడిపోయి మీకు ఇది భావ్యం కాదు అల్లుడుగారు అంటూ రాజ్ ని అంటాడు కృష్ణమూర్తి. కారు దిగివచ్చిన రాజ్ మధ్యలో నేనేం చేశాను అంటాడు. కాసేపు కృష్ణమూర్తి దంపతులు ఏం మాట్లాడుతున్నారో అర్థం కాదు కావ్య దంపతులకు. రాజ్ వచ్చింది కావ్యని వదిలేయటానికి కాదని కేవలం డ్రాప్ చేయడానికి వచ్చాడని..

 కావ్య బొమ్మలు చేయటానికి సీతారామయ్య వాళ్ళు ఒప్పుకున్నారని తెలుసుకొని సంతోషపడతారు కృష్ణమూర్తి దంపతులు. కనకం రాజ్ ని ఇంట్లోకి రమ్మంటే ఆఫీసుకు టైం అయిపోతుంది వెళ్లిపోతాను అంటాడు రాజ్. అయితే కావ్య ఫోన్ చూపించి బ్లాక్ మెయిల్ చేస్తుంది. చచ్చినట్టు లోపలికి వెళ్తాడు రాజ్. మరోవైపు సీతారామయ్య దగ్గరికి వచ్చిన అపర్ణ కావ్య పద్ధతి ఏమీ బాగోలేదు అంటుంది. నువ్వు తనని సరిగా అర్థం చేసుకోవడం లేదమ్మా తనకి ఉన్నది పొగరు కాదు కేవలం ఆత్మ అభిమానం.

ఈ ఇంట్లో జరిగిన గొడవలు వల్ల వాళ్ళిద్దరి మధ్య ఎక్కడ దూరం పెరుగుతుందో అని రాజ్ ని  డ్రాప్ చేయమని చెప్పాను. అలా అయినా వాళ్ళు కాసేపు కబుర్లు చెప్పుకుంటారని నా ఉద్దేశం. అత్త కోడల్ని కూతురు లాగా చూడాలి నువ్వు కనీసం కోడల్లాగా చూడటానికి కూడా ఇష్టపడటం లేదు అందుకే ఆమెని అర్థం చేసుకోలేకపోతున్నావు అంటూ అపర్ణకి చీవాట్లు పెడతాడు సీతారామయ్య. మరోవైపు అనామికని అజ్ఞాతం నుంచి బయటకు తీసుకురావడానికి కవితలు రాయటం కోసం కలర్ పేపర్స్, పెన్సిల్స్ తండ్రిని తెమ్మని చెప్తాడు కళ్యాణ్.

సరే అంటాడు ప్రకాష్. మరోవైపు ఆలోచనలో ఉన్న అపర్ణ దగ్గరికి వచ్చిన రుద్రాణి అపర్ణ మనసు విరిచేలాగా మాట్లాడుతుంది. నువ్వు రాజ్ గురించి ఎన్ని చెప్పినా నాకు భయం లేదు ఎందుకంటే వాడు నా పెంపకంలో పెరిగాడు అంటుంది అపర్ణ. ఎంతైనా వాడు కూడా సగటు మగవాడే కదావదిన, మొదటిసారి వెళ్లి వచ్చేసరికి  భార్యకి సపోర్టుగా మారిపోయాడు ఇక ఇప్పుడు మళ్ళీ వెళ్ళాడు అంటే ఇంకెంత మారిపోతాడో, అయినా ఇంటి దగ్గర వరకు వెళ్లిన అల్లుడిని లోపలికి పిలవకుండా కనకం ఊరుకుంటుందా అంటూ అపర్ణని రెచ్చగొడుతుంది రుద్రాణి.

మరోవైపు రాజ్ కి ఉప్మా చేసి పెడుతుంది కనకం. ఆ ఉప్మా తినడం ఇష్టం లేని రాజ్ నువ్వు కూడా తిను అంటూ బలవంతంగా కావ్యకి తినిపిస్తాడు. అది చూసిన కనకం వాళ్ళు అల్లుడు ప్రేమతో తినిపిస్తున్నాడేమో అనుకొని సిగ్గుపడి అక్కడ నుంచి వెళ్ళిపోతారు. ఈ లోపు కాంట్రాక్టర్ శ్రీను వచ్చి కాంటాక్ట్ తీసుకోమని చెప్తాడు. మాకు ఈ కాంట్రాక్ట్ అక్కర్లేదు మళ్ళీ మధ్యలో ఎవరో వచ్చి కాంట్రాక్ట్ ఆపేయమంటే మీరు ఆపేస్తారు అప్పుడు మేము ఏమైపోవాలి అంటుంది కావ్య. అలా జరగదు అంటాడు శ్రీను. నమ్మకం ఏమిటి నాకు బాండ్ పేపర్ మీద రాసి ఇవ్వండి అంటుంది.

తప్పనిసరి పరిస్థితిలో శ్రీను బాండ్ పేపర్ రాసిస్తాడు. సాక్షి సంతకంగా రాజ్ పెడతాడు. కాంట్రాక్టు త్వరగా పూర్తి చేయండి అని చెప్పి శ్రీను అక్కడి నుంచి వెళ్ళిపోయిన తర్వాత ఉప్మా తినమంటుంది కావ్య. నాకు వద్దు అంటూ అక్కడ నుంచి బయటికి వచ్చిన రాజ్ పొరపాటున మట్టిలో కాలు వేసేస్తాడు. తరువాయి భాగంలో నా కొడుకుని మీలో కలిపేసుకుంటున్నావు అంటూ కావ్యని తిడుతుంది అపర్ణ. మీకు మేమిద్దరం కలిసి పోతామని భయం.. అసలు మీరు ఆయనకి కన్న తల్లేనా అంటూ కావ్య కూడా రాష్ గా మాట్లాడుతుంది. ఆ మాటలకి కోపంతో రగిలిపోయిన రాజ్ కావ్యని కొట్టడానికి చెయ్యెత్తుతాడు.