OTT: ఓటీటీలోకి కామెడీ సిరీస్.. సేవ్ ది టైగర్స్ 3 స్ట్రీమింగ్ ఎందులో, ఎప్పట్నుంచి అంటే
OTT: కామెడీ, ట్రెండీ అంశాలు, ఫ్యామిలీ ఎలిమెంట్లతో రూపొందిన వెబ్ సిరీస్ `సేవ్ ది టైగర్స్`. ఇప్పటికే రెండు సీజన్లు వచ్చి ఆకట్టుకున్నాయి. ఇప్పుడు మూడో సీజన్ రాబోతుంది.
`సేవ్ ది టైగర్స్` అనే వెబ్ సిరీస్ కామెడీగా సాగుతూ నవ్వులు పూయించింది. ఫ్యామిలీ ఎంటర్టైనర్గా తెరకెక్కిన ఈ సిరీస్ ఇప్పటికే విశేష ఆదరణ పొందింది. రెండు సీజన్లలో సక్సెస్ అయ్యింది. ఈ క్రమంలో ఇప్పుడు మూడో సీజన్ రాబోతుంది. ఇది జియో హాట్ స్టార్లో రాబోతుండటం విశేషం. మొదటి రెండు సీజన్లలో సరదా, హాస్యం, అదిరిపోయే డైలాగులు, రిలేషన్షిప్ డ్రామాతో ప్రేక్షకులను ఆకట్టుకున్న ఈ సిరీస్ మూడో సీజన్ రానుండటంతో దీనిపై భారీ అంచనాలు నెలకొన్నాయి. 2023లో వచ్చిన ‘సేవ్ ది టైగర్స్’ ఫ్రాంచైజీ ఫ్యామిలీ ఆడియెన్స్కు బాగా కనెక్ట్ అయ్యింది. తాజాగా రూపొందుతోన్న `సేవ్ ది టైగర్స్ సీజన్ 3` కి మహి వి.రాఘవ్, ప్రదీప్ అద్వైతం షో రన్నర్స్. ఈ సీజన్ మరింత అసక్తికరమైన ట్విస్టులు, కొత్త పాత్రలతో ప్రేక్షకులను అలరించటానికి సన్నద్ధమవుతోంది. దీనికి సంబంధించిన పోస్టర్ని రిలీజ్ చేశారు.
కాస్మిక్ ట్విస్ట్తో సేవ్ ది టైగర్స్ సీజన్ 3..
తాజాగా రిలీజ్ చేసిన ‘సేవ్ ది టైగర్స్ సీజన్ 3’ పోస్టర్ చూస్తుంటే కథలో ఆసక్తికరమైన కాస్మిక్ ట్విస్ట్ ఉండబోతుందనే విషయం తెలుస్తోంది. రెండు వైవిధ్యమైన ప్రపంచాల మధ్య జరిగే ప్రత్యేకమైన సోషల్ ఎక్స్పెరిమెంట్ కథను ఇందులో హైలైట్గా చూపించబోతున్నట్టు తెలుస్తోంది. దీనిపై టీమ్ స్పందిస్తూ, మూడు జంటలు.. అందులోని భర్తలు పడే ఇబ్బందులు.. వారి చుట్టూ తిరిగే కామెడీ డ్రామాకు కాస్మిక్ ట్విస్ట్ అనేది ఎగ్జయిటింగ్ కాన్సెప్ట్గా మారింది. ఇది కథను సరికొత్త విధానం చూపించటంతో పాటు సమాజంపై అర్థవంతమైన కామెంట్కి అవకాశం ఉంది. దీంతో ప్రేక్షకులు మరోసారి నవ్వులు, రిలేషన్షిప్ సమస్యలు, సరదా, కామెడీ డ్రామా ఇలా అన్నీ అంశాలు కలిసున్న ఆల్ ఇన్ వన్ ప్యాకేజ్గా సీజన్3ని ఎంజాయ్ చేయొచ్చు.