ఎన్టీఆర్‌ ని ఇంకా మర్చిపోని సమీరా రెడ్డి.. ఆ విషయంలో గర్వంగా ఉందంటూ ఆ రోజులు గుర్తుచేసుకున్న మాజీ లవర్‌..

ఎన్టీఆర్‌ మాజీ లవర్ సమీరా రెడ్డి.. తారక్‌పై క్రేజీ కామెంట్స్ చేసింది. అప్పటి రోజులను, ఆయన్ని గుర్తు చేసుకుంటూ ఎగ్జైట్‌ అయ్యింది సమీరా రెడ్డి.   

సమీరా రెడ్డి బాలీవుడ్‌ని ఓ ఊపు ఊపేసిన గ్లామర్‌ బ్యూటీ. అక్కడ కమర్షియల్‌ హీరోయిన్‌గా స్టార్‌ ఇమేజ్‌ని సొంతం చేసుకుంది. తెలుగులో ఆమె కేవలం మూడు సినిమాలే చేసింది. కానీ అందులోనూ రెండు ఎన్టీఆర్‌తోనే కావడం విశేషం. ఆయనతో `నరసింహుడు`, `అశోక్` మూవీస్‌ చేసింది. ఇక చిరంజీవితో `జైచిరంజీవి` సినిమాలో మెరిసింది.

తెలుగులోనూ గ్లామర్‌ హీరోయిన్‌గా మెరిసింది. అందాల విందులో నెక్ట్స్ లెవల్‌ షో చేసింది. ఆమె నటించిన మూడు సినిమాలు ఆడలేదు. దీంతో మళ్లీ తెలుగు సినిమాలు చేయలేదు. ఐరన్‌ లెగ్ ముద్రతో మళ్లీ బాలీవుడ్ కి బ్యాక్‌ అయ్యింది. అయితే ఇక్కడ ఎన్టీఆర్‌తో లవ్‌ లో ఉన్నట్టు రూమర్లు వచ్చాయి. ఈ ఇద్దరు డీప్‌ లవ్‌లో ఉన్నట్టు పుకార్లు నడిచాయి. ఎన్టీఆర్‌ సైతం పరోక్షంగా ఓ ఇంటర్వ్యూలో తన లవ్‌ గురించి చెప్పాడు. 

అయితే సమీరా రెడ్డి, ఎన్టీఆర్‌ పెళ్లికి కూడా రెడీ అయ్యారని, హరికృష్ణ వార్నింగ్‌ ఇవ్వడంతో తారక్‌ వెనక్కి తగ్గాడని సమాచారం. అప్పట్లో ఈ ఇద్దరి మధ్య లవ్‌ స్టోరీ నడిచిందని రూమర్స్ మాత్రం ఇప్పటికీ వినిపిస్తూనే ఉంటాయి. అయితే దీనికి తగ్గట్టుగానే సమీరా రెడ్డి ఎన్టీఆర్‌పై ప్రశంసలు కురిపించడం విశేషం. ఆ రోజులు గుర్తుచేసుకుంటూ ఫుల్‌ ఖుషీ అయ్యింది. ఎన్టీఆర్‌ జర్నీ చూస్తుంటే గర్వంగా ఉందని చెప్పింది. 

`ఆర్ఆర్‌ఆర్‌` సినిమా అద్భుతంగా ఉందని, ఆ మూవీతో ఇండియాకి ఆస్కార్‌ రావడం చాలా హ్యాపీగా ఉందని, అదొక గ్రేట్‌ వర్క్ అని చెప్పింది. రాజమౌళి అద్భుతమైన సినిమా చేశాడని, ఆయనతో వర్క్ చేయాలని ఉందని తెలిపింది.  `ఆర్‌ఆర్‌ఆర్‌` సినిమాతో తారక్‌ ఇంటర్నేషనల్‌ వైడ్‌గా పాపులర్‌ అయ్యాడని, అది గర్వంగా ఉందని చెప్పింది సమీరా రెడ్డి. అంతేకాదు ఆ సినిమాలోని `నాటు నాటు` పాట అంటే తన కూతురు, కొడుక్కి చాలా ఇష్టం అని, ఇంట్లో డాన్స్ కూడా చేస్తున్నారని తెలిపింది సమీరా రెడ్డి. 

తెలుగు సినిమాల్లో పనిచేయడం గొప్ప విషయమని తెలిపింది, తన నాన్న తాను తెలుగు సినిమాలు చేయడం, చిరంజీవి, ఎన్టీఆర్‌తో పనిచేయడం పట్ల ఆయన గర్వంగా ఫీలవుతాడని, నా కూతురు చిరంజీవి, ఎన్టీఆర్‌తో చేసిందని గర్వంగా చెప్పుకుంటాడని, అదే నాకు బెస్ట్ మూమెంట్ అని వెల్లడించింది సమీరా రెడ్డి. ఇప్పటికీ `జై చిరంజీవి` చిత్రంలోని జై జై గణేశా సాంగ్‌ తన ఇంట్లో మారు మోగుతూనే ఉంటుందని, అలాగే ఎన్టీఆర్‌తో చేసిన సినిమాల పాటలు కూడా ఇంట్లో వింటూనే ఉంటామని చెప్పింది సమీరా రెడ్డి. 

సమీరా రెడ్డి.. 2014లో ముంబయికి చెందిన వ్యాపారి అక్షయ్‌ వార్డే ని వివాహం చేసుకుంది. వీరికి ఇద్దరు పిల్లలు. పెళ్లి తర్వాత సినిమాలకు దూరమైంది సమీరా రెడ్డి. ఆమె పూర్తిగా ఫ్యామిలీ లైఫ్‌కే పరిమితమయ్యింది. కానీ సోషల్‌ మీడియాలో మాత్రం బిజీగా ఉంటుంది. కామెడీ వీడియోలు, రీల్స్ చేస్తూ ఆడియెన్స్ ని అలరిస్తూనే ఉంది. చాలా స్టఫ్‌ ఇస్తుంది.