ఆలియా భట్ వద్దంది.. రష్మిక మందన్నా సై అంది, ఎన్టీఆర్ జోడీగా ఫిక్స్ అయినట్టేనా..?

ఆలియా భట్ వదిలేసింది.. రష్మిక మందన్నా అందుకుంది. ఇంతకీ ఆలియా వదులుకుంది.. రష్మిక అందుకుంది ఏంటంటే..? ఎన్టీఆర్ పక్కన ఛాన్స్. తారక్ 30 సినిమాలో హీరోయిన్ గా ఆలియా బదులు రష్మిక ఫిక్స్ అంట. ఇది ఎంత వరకూ నిజం..?  

ఆర్ఆర్ఆర్  భారీ సక్సెస్ తరువాత బాలీవుడ్ తో  యన్టీఆర్ క్రేజ్ అమాంతం పెరిగింది. దాంతో ఆయన నటించబోయే సినిమాపై దేశమంతా  ఆసక్తి నెలకొంది. కొరటాల శివ దర్శకత్వంలో రూపొందుతున్న ఈ సినిమా జూన్ లో సెట్స్ పైకి వెళ్ళబోతోంది. ఇది యన్టీఆర్ కెరీర్ లో 30వ సినిమా కావడంతో ఫ్యాస్స్ కూడా  ఇంట్రెస్ట్ గా గమనిస్తున్నారు. ఇక ఈ సినిమాను  యన్టీఆర్ ఆర్ట్స్ , యువసుధ ఆర్ట్స్ సంయుక్తంగా నిర్మిస్తున్నారు. 

జనతాగ్యారేజ్ లాంటి బ్లాక్ బస్టర్ తర్వాత తారక్, కొరటాల కాంబినేషన్‌లోని రెండో సినిమా కావడంతో భారీ అంచనాలు నెలకొన్నాయి. కొరటాల తారక్ ను ఈసారి ఎలా చూపిస్తాడా అని అంతా వెయిట్ చేస్తున్నారు. ఇక  ఈ సినిమాలో యన్టీఆర్ సరసన  హీరోయిన్ గా బాలీవుడ్ బ్యూటీ ఆలియా భట్ ను ముందుగా ఫిక్స్ చేశారు మేకర్స్. 

ట్రిపుల్ ఆర్ తరువాత తారక్ రేంజ్ మారిపోవడంతో.. ఈ సినిమాలో బాలవుడ్ హీరోయిన్ అయితే బాగుంటుంది అని ముందుగానే అనుకున్నారు దాంతో మేకర్స్ కూడా ఆల్మోస్ట్ ఆమెనే హీరోయిన్ అని చెప్పేశారు. అఫీషియల్ అనౌన్స్ మెంట్ ఒక్కటే మిగిలి ఉండగా... ఆలియా భట్ ఈ ప్రాజెక్ట్ నుంచి తప్పుకున్నట్టు సమాచారం. ఇటీవల రణబీర్ కపూర్ ను పెళ్ళిచేసుకున్న ఆలియా భట్.  తన భర్తతలో కొంత కాలు ఫ్యామిలీ లైఫ్ ను ఎంజాయ్ చేయడంకోసం ఈసినిమాను వదులుకున్నట్టు సమాచారం. 

ఇక ఆలియా భట్ ప్లేస్ ను కన్నడ బ్యూటీ రష్మికా మందన్నతో రీ ప్లేస్ చేయాలని చూస్తున్నారట మేకర్స్.  రీసెంట్ గా పుష్ప సినిమాతో పాన్ ఇండియా స్థాయిలోఇమేజ్ పెంచుకుంది రష్మిక మందన్నా. ఆ సినిమా తర్వాత తమిళ హీరో విజయ్ తో పాన్ ఇండియా సినిమలో సెలక్ట్ అయ్యింది. ప్రస్తుతం వరుస సక్సెలతో దూసుకెళుతున్న ఆమె యన్టీఆర్30 లో  హీరోయిన్ గా తీసుకుంటే బాగుంటింది అని మేకర్స్ ఆలోచించారట. 

ఇక పాన్ ఇండియా స్థాయిలో మల్టీ లాంగ్వేజ్ లో రిలీజ్ కాబోతున్న ఈ సినిమాకి పాన్ ఇండియా ఇమేజ్ తెచ్చుకున్న పెయిర్ నటించనుండడంతో ఫ్యాన్స్ కూడా ఖుషీ అవుతారని మేకర్స్ భావిస్తున్నారు. పుష్పతో రష్మిక, ట్రిపుల్ ఆర్ తో తారక్ ఇద్దరూ మంచి ఇమేజ్ ఉన్నవారే కావడంతో ఓవర్ ఆల్ గా సినిమాకు మంచి ఇమేజ్ వస్తుందని నమ్ముతున్నారట దర్శకుడు. 

మరి నిజంగానే రష్మికా ఈ సినిమాలో నటిస్తుందో లేదో తెలియాలంటే  అఫీషియల్ అనౌన్స్ మెంట్ వరకూ ఆగాల్సిందే. ఇక తెలుగులో రష్మికా ఫుల్ బిజీ. పుష్ప2తో పాటూ దుల్కర్ సల్మాన్ – హను రాఘవపూడి ప్రాజెక్ట్ లోనూ నటిస్తోంది. ఇప్పుడు విజయ్ – వంశీ పైడిపల్లి – దిల్ రాజు ప్రాజెక్ట్ లో భాగమైంది.  అదే సమయంలో పుష్ప సక్సెస్ తర్వాత రెమ్యూనరేషన్ కూడా పెంచేసింది. 

రష్మిక పెద్ద కమర్షియల్ ప్రాజెక్ట్‌లు మరియు పాన్-ఇండియన్ సినిమాలలో భాగం కావాలని కోరుకుంటుంది, దాంతో  ఆమె గ్రాఫ్ మరింత ఎక్కువగా పెంచుకోవాలని ప్లాన్ చేస్తోంది. దానిలో భాగంగానే తారక్ సినిమా ఒప్పుకున్నట్టు సమాచారం. ఇక  మిడిల్ రేంజ్ ఎంటర్‌టైనర్‌లు చేయడానికి రీసెంట్ గా ఆమె చేసిన ప్రయత్నం  ఫలించలేదు. అందులోభాగంగా చేసిన  ఆడాళ్లూ మీకు జోహార్లు లాంటి సినిమాలు బాక్సాఫీస్ లో బోల్తా కొట్టాయి.