Ram Charan: అమ్మాయి విషయంలో రామ్‌ చరణ్‌ వీక్‌నెస్‌ ఏంటో తెలుసా? ఇప్పటికీ అదే ఫీలింగ్‌

Ram Charan: రామ్‌ చరణ్‌ గ్లోబల్‌ స్టార్‌గా రాణిస్తున్నారు. మ్యారేజ్‌ అయ్యింది, కూతురు క్లీంకార కూడా జన్మించింది. కానీ ఆయనలో అమ్మాయిల విషయంలో ఓ వీక్‌నెస్‌ ఉందట.   

Ram Charan

Ram Charan: మెగా పవర్‌స్టార్‌ రామ్‌ చరణ ఇటీవల `గేమ్‌ ఛేంజర్‌` సినిమాతో పెద్ద ఫెయిల్యూర్‌ని చవిచూశారు. సంక్రాంతికి విడుదలైన ఈ మూవీ పెద్ద డిజాస్టర్‌ అయిన విషయం తెలిసిందే. ఏకంగా శంకర్‌ దర్శకత్వంలో రూపొందిన ఈ మూవీ బాక్సాఫీసు వద్ద డీలా పడింది. సంక్రాంతి సీజన్‌, రామ్‌ చరణ్‌ ఇమేజ, శంకర్‌ డైరెక్షన్‌, భారీ కాస్టింగ్‌ కూడా ఈ మూవీని కాపాడలేకపోయాయి. నిర్మాతలకు దారుణమైన నష్టాలను తీసుకొచ్చాయి. 

RamCharan

నెమ్మదిగా ఈ మూవీ ఇచ్చిన షాక్‌ నుంచి బయటపడుతున్న రామ్‌ చరణ్‌.. నెక్ట్స్ సినిమా షూటింగ్‌లో బిజీ అవుతున్నారు. ప్రస్తుతం బుచ్చిబాబు దర్శకత్వంలో `ఆరసీ16` పేరుతో ఓ మూవీ రూపొందుతున్న విషయం తెలిసిందే. ఇటీవలే ఈ మూవీ షూటింగ్‌ ప్రారంభమైంది.  ఈ మూవీ షూటింగ్‌ లో రామ్‌ చరణ్‌ పాల్గొంటున్నారు. దీనికి సంబంధించిన లేటెస్ట్ ఫోటో ఒకటి ప్రస్తుతం సోషల్‌ మీడియాలో వైరల్‌ అవుతుంది. ఉత్తరాంధ్ర బ్యాక్‌ డ్రాప్‌లో పీరియడ్‌ మూవీగా తెరకెక్కుతుంది. స్పోర్ట్స్ డ్రామాగా దీన్ని తెరకెక్కిస్తున్నారు. క్రికెట్‌ ప్రధానంగా సాగుతుందట. ఇందులో రామ్‌ చరణ్‌తోపాటు కన్నడ స్టార్‌ శివ రాజ్‌ కుమార్‌ కీలక పాత్ర పోషిస్తున్నారు. జాన్వీ కపూర్‌ హీరోయిన్‌గా నటిస్తుంది. 

RamCharan

ఇదిలా ఉంటే రామ్‌ చరణ్‌కి సంబంధించిన ఓ ఆసక్తికర విషయం బయటకు వచ్చింది. ఆయన అమ్మాయిలకు సంబంధించి ఓ షాకింగ్‌ విషయం బయటపెట్టాడు. లేడీస్‌కి సంబంధించి తనలో ఉన్న వీక్‌నెస్‌ని వెల్లడించారు చరణ్‌. ఆయనకు అమ్మాయిలంటే సిగ్గు అట. వారితో ఈజీగా మూవ్‌ కాలేదట. స్కూల్‌, కాలేజీలో కూడా అమ్మాయిలతో మాట్లాడేవాడు కాదట. తనంతట తాను అమ్మాయిలతో మాట్లాడటమనేది కలే అని తెలిపారు చరణ్‌. 

కాలేజీలో ఉన్నప్పుడు కూడా అమ్మాయిల జోలికి వెళ్లేవాడు కాదట. తన పనేదో తానుచూసుకుని వచ్చేవాడట. ఇప్పటికీ ఆ వీక్‌నెస్‌ ఉందని, ఇప్పుడు కూడా అమ్మాయిలతో మాట్లాడటమంటేకాస్త సిగ్గుగా ఉంటుందన్నారు చరణ్‌. అయితే సినిమాల్లో మాత్రం తప్పదు కాబట్టి, ముందు నుంచే ప్రిపేర్‌ అవుతాం కాబట్టి వారితో మాట్లాడుతుంటాను అని వెల్లడించారు రామ్‌ చరణ్‌.  

RamCharan

రామ్‌ చరణ్‌ 2012లో అపోలో ఆసుపత్రి అధిపతి ప్రతాప్‌ సి రెడ్డి మనవరాలు ఉపాసననిపెళ్లి చేసుకున్న విషయం తెలిసిందే. వీరికి రెండేళ్ల క్రితం కూతురు క్లీంకార జన్మించారు. ఇప్పటి వరకు కూతురుని పరిచయం చేయలేదు చరణ్‌. ఆమె నాన్న అని పిలిచినప్పుడు పరిచయం చేస్తానని తెలిపారు.