Ram Charan: రాంచరణ్, ఉపాసన వెడ్డింగ్ యానవర్సరీ సెలెబ్రేషన్స్.. సమంత, కాజల్ విషెస్ చూశారా.. 

నేడు రాంచరణ్, ఉపాసన దంపతులు తమ 10వ వెడ్డింగ్ యానవర్సరీ సెలెబ్రేట్ చేసుకుంటున్నారు.

మెగా పవర్ స్టార్ రాంచరణ్ ఆర్ఆర్ఆర్ చిత్రంతో నార్త్ లో క్రేజీ స్టార్ గా మారిపోయాడు. రాంచరణ్ పోషించిన రామరాజు పాత్ర నార్త్ లో బాగా క్లిక్ అయింది. ఆ తర్వాత రాంచరణ్ తన తండ్రి చిత్రం ఆచార్యలో కీలక పాత్రలో నటించాడు. ఆచార్య చిత్రం బాక్సాఫీస్ వద్ద దారుణంగా పరాజయం చెందింది. ప్రస్తుతం రాంచరణ్ దిగ్గజ దర్శకుడు శంకర్ దర్శకత్వంలో పాన్ ఇండియా చిత్రంలో నటిస్తున్నాడు.   

బిజీ షెడ్యూల్ లో కూడా రాంచరణ్ ఫ్యామిలీకి సమయం కేటాయిస్తున్నాడు. నేడు రాంచరణ్, ఉపాసన దంపతులు తమ 10వ వెడ్డింగ్ యానవర్సరీ సెలెబ్రేట్ చేసుకుంటున్నారు. ఇటీవల చరణ్, ఉపాసన ఇద్దరూ చిన్న వెకేషన్ కి కూడా వెళ్లారు. నేడు వారి మ్యారేజ్ యానవర్సరీ కావడంతో బ్యూటిఫుల్ ఫోటో షూట్ లో పాల్గొన్నారు. 

ఈ ఫొటోస్ ని ఉపాసన సోషల్ మీడియాలో షేర్ చేసింది. రాంచరణ్ సూట్ ధరించగా.. ఉపాసన లాంగ్ గౌన్ లో మెరిసిపోతోంది. ఇద్దరూ మేడ్ ఫర్ ఈచ్ అదర్ అన్నట్లుగా వెలిగిపోతున్నారు. 

ఉపాసన పోస్ట్ కి సెలెబ్రటీలు స్పందిస్తున్నారు. 'మీ ఇద్దరికీ హ్యాపీ యానవర్సరీ. మీ జీవితంలో సంతోషం, చిరునవ్వులు ఎప్పటికి ఉండాలి' అంటూ కాజల్ అగర్వాల్ కామెంట్ పెట్టింది. నా ఫేవరిట్ పర్సన్స్ ఇద్దరికి హ్యాపీ వెడ్డింగ్ యనవర్సరీ అంటూ సమంత కామెంట్ పెట్టింది. అలాగే సానియా మీర్జా కూడా చరణ్, ఉపాసనకు పెళ్లి రోజు శుభాకాంక్షలు తెలిపింది. 

రాంచరణ్, ఉపాసన వివాహం 2012లో ఇదే రోజున వైభవంగా జరిగింది. పెళ్ళైనప్పటి నుంచి వీరిద్దరూ అన్యోన్యంగా జీవిస్తున్నారు. ఉపాసన.. రాంచరణ్ ని ముద్దుగా మిస్టర్ సి అని పిలుస్తుందట. 

ఇదిలా ఉండగా మెగా ఫ్యాన్స్ ప్రస్తుతం ఆర్సీ 15 మూవీ కోసం ఎదురుచూస్తున్నారు. దిగ్గజ దర్శకుడు తొలిసారి చేస్తున్న తెలుగు మూవీ కావడంతో అంచనాలు భారీగా ఉన్నాయి. శంకర్ మార్క్ సందేశం, నెవర్ బిఫోర్ యాక్షన్, డ్రామా అంశాలతో ఈ చిత్రం ఉండబోతున్నట్లు తెలుస్తోంది.