`పుష్ప 2` సరికొత్త సంచలనం సృష్టించింది. `బాహుబలి 2` రికార్డులను బ్రేక్‌ చేసింది. కానీ అక్కడ మాత్రం ఇది డిజాస్టర్ అంటున్నారు. చాలా దారుణమైన రిజల్ట్ ఫేస్‌ చేసిందంటున్నారు.
అల్లు అర్జున్‌ నటించిన `పుష్ప 2` సినిమా కలెక్షన్ల వర్షం కురిపిస్తున్న విషయం తెలిసిందే. సుకుమార్‌ రూపొందించిన ఈ చిత్రం భారీ వసూళ్ల దిశగా రన్‌ అవుతుంది. ఈ క్రమంలో సరికొత్త రికార్డులు క్రియేట్‌ చేస్తుంది. సినిమా విడుదలై 32 రోజులు అవుతుంది. ఆల్మోస్ట్ నెల రోజుల్లో ఈ మూవీ ఇండియన్‌ సినిమా రికార్డులను బ్రేక్‌ చేసింది.
ఇండియన్‌ సినిమాల్లో అత్యధిక వసూళ్లని రాబట్టిన చిత్రాల్లో `దంగల్‌`, `బాహుబలి 2` ఉన్నాయి. తాజాగా `బాహుబలి 2` రికార్డులను బ్రేక్‌ చేసింది `పుష్ప 2`. ఈ మూవీ ఆదివారంతో రూ.1831 కోట్లు వసూలు చేసింది. `బాహుబలి 2` రూ.1810 కోట్ల రికార్డుని బ్రేక్‌ చేసింది. దీంతో అత్యధిక వసూళ్లని రాబట్టిన ఇండియన్‌ మూవీస్‌లో `పుష్ప 2` రెండో స్థానంలో నిలిచింది. సుమారు రెండువేల కోట్లతో `దంగల్‌` మొదటి స్థానంలో ఉన్న విషయం తెలిసిందే.
read more: వాటిలో ఏది టచ్‌ చేసినా దెబ్బలే.. చిరంజీవి నటుడిగా మారడం వెనుక అసలు కారణాలు
అల్లు అర్జున్‌ నట విశ్వరూపంకు, సుకుమార్‌ వరల్డ్‌ క్లాస్‌ టేకింగ్‌, ప్రపంచ సినీ ప్రేమికులు ఫిదా అయిపోయారు. ముఖ్యంగా ఇండియాలో ఈ చిత్రం సృష్టించిన రికార్డుల పరంపరకు ఆకాశమే హద్దుగా ఉంది. సినిమా తొలి రోజు నుంచే 32 రోజు వరకు వసూళ్లలో వరుసగా ఇండియా ఆల్‌టైమ్‌ రికార్డులు సృష్టించిన తాజాగా ఈ చిత్రం కేవలం 32 రోజుల్లో 1831 కోట్లు వసూలు చేసి ఇండియా చరిత్రలో ఆల్‌టైమ్‌ రికార్డు సృష్ఠించింది.
ఇదిలా ఉంటే ప్రపంచ వ్యాప్తంగా విశేష ఆదరణ పొందిన ఈ మూవీ అక్కడ మాత్రం డిజాస్టర్ కావడం గమనార్హం. కేరళాలో ఇప్పటికే ఫ్లాప్‌ టాక్‌ని తెచ్చుకుంది. అడ్వాన్స్ ద్వారా ఇచ్చిన అమౌంట్‌ని కూడా రాబట్టుకోలేకపోయింది. తెలుగులోనూ అంతంత మాత్రంగానే ఆడుతుంది. తెలంగాణలో ఫర్వాలేదనిపించుకోగా, ఏపీలో లాస్‌లోనే ఉంది. కర్నాటకలో బాగానే ఆడింది.
కానీ తమిళనాట డిజాస్టర్ టాక్‌ని తెచ్చుకుంది. ఈ మూవీ అక్కడ 110కోట్లు కలెక్ట్ చేయాల్సి ఉంది. కానీ ఇప్పటి వరకు 70కోట్లు మాత్రమే వసూలు చేసింది. ఈ లెక్కన మరో నలభై కోట్లు లాస్‌లో ఉందని చెప్పొచ్చు. తాజాగా ఈ విషయాన్ని ప్రముఖ క్రిటిక్స్ మనోబాల విజయబాలన్‌ వెల్లడించారు. దీంతో ఇది షాకిస్తుంది.
`పుష్ప 2` కేవలం నార్త్ లోనే సంచలన విజయం సాధించింది. అక్కడే ఇది 800కోట్ల నెట్ సాధించింది. అత్యధిక కలెక్షన్లు సాధించిన సినిమాగా రికార్డు సృష్టించింది. ఓవర్సీస్‌లోనూ ఫర్వాలేదనిపించింది. కానీ నార్త్ అమెరికాలో మాత్రం ఇంకా బ్రేక్‌ ఈవెన్‌ కాలేదంటున్నారు. మొత్తంగా `పుష్ప 2` నిర్మాతలను, బయ్యర్లని హ్యాపీ చేయలేకపోయిందని చెప్పడంలో అతిశయోక్తి లేదు.
ఇటు కలెక్షన్ల పరంగా, అటు వివాదాలతోనూ మేకర్స్ కి డిజప్పాయింట్‌ చేస్తుందని చెప్పొచ్చు. ఇక బన్నీ సరసన రష్మిక మందన్నా హీరోయిన్‌గా నటించిన ఈ చిత్రాన్ని మైత్రీ మూవీ మేకర్స్ నిర్మించారు. ఇందులో ఫహద్‌ ఫాజిల్‌, సునీల్‌, అనసూయ, జగపతిబాబు కీలక పాత్రలు పోషించారు. డిసెంబర్‌ 5న ఈ మూవీ విడుదలైన విషయం తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి