వింకీ బ్యూటీ ప్రియా ప్రకాష్ వారియర్‌ ఓవర్‌ నైట్‌లో స్టార్‌ అయిపోయింది. ఆ ఇమేజ్‌ని కరెక్ట్ గా ఉపయోగించుకుని అవకాశాలను దక్కించుకుంటుంది. ఇటీవల `ఇష్క్`తో తెలుగు ఆడియెన్స్ ముందుకొచ్చిందీ భామ.
ఒక్క కన్నుగీటుతో దేశ వ్యాప్తంగా పాపులర్‌ అయ్యింది ప్రియా ప్రకాష్ వారియర్‌. ప్రియా కన్నుకొట్టిన విధానానికి కుర్రాళ్లంతా ఫిదా అయిపోయారు. కుర్రాళ్ల డ్రీమ్‌ గర్ల్ అయిపోయిందీ భామ.
మలయాళ సినిమాలోని పాటతో వచ్చిన క్రేజ్‌తో అనేక సినిమా ఆఫర్లు వచ్చాయి. అల్లు అర్జున్ సైతం ఆమెని అభినందించారు. ఆమె నటించిన సినిమా ఈవెంట్‌కి గెస్ట్ గా వెళ్లాడు బన్నీ.
ఈ ఏడాది రెండు సినిమాలతో ఆడియెన్స్ ముందుకొచ్చింది. నితిన్‌తో `చెక్‌` చిత్రంలో నటించింది. ఆయనకు లవ్‌ ఇంట్రెస్ట్ గా మెరిసింది. కానీ ఈ సినిమా పరాజయం చెందలేదు.
మరోవైపు ఇటీవల తేజ సజ్జాతో కలిసి `ఇష్క్` సినిమాలో మెరిసింది. ఓ రకంగా ఆమెకిది పూర్తి స్థాయి డెబ్యూ చిత్రమని చెప్పొచ్చు. కానీ ఈ చిత్రం కూడా డిజప్పాయింట్‌ చేసింది.
మరోవైపు మలయాళం, హిందీ సినిమాలతో ప్రస్తుతం బిజీగానే ఉంది ప్రియా ప్రకాష్ వారియర్‌. బాలీవుడ్‌లోనూ రెండు సినిమాలు చేస్తున్నట్టు ఇటీవల పేర్కొంది.
ఇదిలా ఉంటే ప్రియా ప్రకాష్ వారియర్‌కి గురించిన ఓ వార్త సోషల్‌ మీడియాలో వైరల్‌ అవుతుంది. అదే ఆమె ఒక్కో పోస్ట్ కి తీసుకునే రెమ్యూనరేషన్‌. బేసిక్‌గా ఓ స్థాయి ఇమేజ్‌, పాపులారిటీ వచ్చాక తారలు ఏం చేసినా హైలైట్‌గానే నిలుస్తుంది.
వారు సోషల్‌ మీడియాలో చేసే ప్రతి పోస్ట్ లక్షల మందికి రీచ్‌ అవుతుంది. అంత మంది నెటిజన్లు వారిని ఫాలో అవుతుంటారు. అలా ఏడు మిలియన్ల ఫాలోవర్స్ కలిగిన ప్రియా ప్రకాష్ వారియర్‌కి సోషల్‌ మీడియాలో విపరీతమైన డిమాండ్‌ ఉంది.
తన ఫాలోయింగ్‌ని దృష్టిలో పెట్టుకుని ప్రియా ప్రకాష్ ప్రమోషన్‌కి సంబంధించిన ఏదైనా ప్రొడక్ట్ కోసం ఒక్క పోస్ట్ పెట్టాలంటే ఏకంగా ఐదు లక్షలు తీసుకుంటుందట. దాదాపు స్టార్‌ హీరోయిన్ల స్థాయిలో ఈ అమ్మడు పారితోషికం తీసుకుంటుండటం ఇప్పుడు హాట్‌ టాపిక్‌ అవుతుంది.
ప్రియా ప్రకాష్ వారియర్‌ సైతం తనకున్న క్రేజ్‌ని ఈ రకంగా వాడుకుంటుందని నెటిజన్లు కామెంట్‌ చేస్తున్నారు. వెలుగున్నప్పుడు ఇల్లు చక్కపెట్టుకోవడమంటే ఇదేనేమో అంటూ సెటైర్లు వేస్తున్నరు సోషల్‌ మీడియా అభిమానులు.
సినిమాలకు పారితోషికం విషయంలో మాత్రం ఫ్లెక్సీబుల్‌గానే ఉంటుందట. హీరోయిన్‌గా నిలబడే విషయంలో వచ్చే ఆఫర్లని బట్టి, సినిమా స్థాయిని బట్టి తాను రెమ్యూనరేషన్‌ తీసుకుంటుందని టాలీవుడ్‌ టాక్‌.