విడాకుల తీసుకోవడానికి కారణం ఏంటో చెప్పిన ప్రగతి.. ఆ టైమ్‌లో నగలు అమ్ముకున్నానంటూ హాట్‌ ఆంటీ ఆవేదన..

సోషల్‌ మీడియాలో ఫుల్‌ జోష్‌లో ఉండే నటి ప్రగతి తన లైఫ్‌లోని మరో యాంగిల్స్ ని బయటపెట్టింది. తాను సినిమాల్లో పడ్డ ఇబ్బందులను, ఇటీవల కరోనా సమయంలో ఎదుర్కొన్న గడ్డు పరిస్థితులను వెల్లడించింది.  

నటి ప్రగతి(Pragathi) సినిమాల్లో అమ్మ, ఆంటీ పాత్రలు పోషిస్తూ ఆకట్టుకుంటుంది. మరోవైపు సోషల్‌ మీడియాలో తన ఫిట్‌నెస్‌ వీడియోలను, మాస్‌ డాన్సు వీడియోలను షేర్‌ చేస్తూ రచ్చ చేస్తుంది. ఐదు పదుల్లోకి అడుగుపెడుతున్నా తన నాటీ తనాన్ని వదులుకోని ప్రగతి తాజాగా ఎమోషనల్‌ అయ్యారు. తన కరోనా ఇబ్బందులను వెల్లడించి షాక్‌కి గురి చేశారు. 

తాను కరోనా సమయంలో అవకాశాలు లేక ఆర్థిక ఇబ్బందులు ఫేస్‌ చేసిందట. లాక్‌ డౌన్ టైమ్‌లో షూటింగ్‌ లు లేవు. దీంతో ఆర్థిక ఇబ్బందులు ఎదురయ్యాయి. తన వద్ద ఉన్న నగలు తాకట్టు పెట్టి ఆ గడ్డు పరిస్థితుల నుంచి బయటపడ్డానని తెలిపింది. స్టార్‌ క్యారెక్టర్‌ ఆర్టిస్టుగా రాణించే ప్రగతి పరిస్థితే ఇలా ఉంటే జూ.ఆర్టిస్టులు, ఇతర కార్మికుల పరిస్థితి ఎంత దయనీయంగా ఉండేదో అర్థం చేసుకోవచ్చు. తాజాగా `టెన్‌10`కి ఇచ్చిన ఇంటర్వ్యూలో ఈ విషయాలను వెల్లడించింది ప్రగతి. 

ఇక తన తండ్రి చిన్నప్పుడే చనిపోయాడని, తాను అమ్మతో కలిసి పెరిగానని, దీంతో అన్నీ తానే చూసుకోవాల్సి వచ్చిందని చెప్పింది. ఈ క్రమంలో తనకు తానే బాస్‌ అనే ఫీలింగ్‌ వచ్చిందని పేర్కొంది. మరోవైపు తన పెళ్లి, విడాకులపై స్పందించింది నటి ప్రగతి. తాను హీరోయిన్‌గా చేసే సమయంలో రెయిన్‌ సాంగ్‌లో ట్రాన్స్ పరెంట్‌ శారీ ధరించాల్సి ఉంది. అది నచ్చక సినిమా నుంచి తప్పుకున్న ప్రగతి పెళ్లి చేసుకుంది. తనకు కుమారుడు, కూతురు పుట్టారు. ఆ తర్వాత భర్తతో వచ్చిన విభేదాల వల్ల తాను విడాకులు తీసుకున్నట్టు చెప్పింది. పెళ్లి లైఫ్‌ సాఫీగా సాగేందుకు చాలా కష్టపడ్డానని కానీ కుదరలేదని, దీంతో డైవర్స్ తీసుకున్నట్టు చెప్పింది. 

తనకు ఇప్పుడు 22ఏళ్ల బాబు, 14ఏళ్ల కూతురు ఉన్నారని తెలిపారు ప్రగతి. వాళ్లే తన ప్రపంచమని పేర్కొంది. తాను ఏం చేసినా ముగ్గురం కలిసే నిర్ణయం తీసుకుంటామని, వాళ్లు తనని అర్థం చేసుకునేంత గొప్ప వాళ్లు కావడం సంతోషంగా ఉందని చెప్పింది. అయితే పెళ్లి అనేది తాను తొందరపడి తీసుకున్న నిర్ణయమని, దానివల్ల చాలా స్ట్రగుల్స్ ఫేస్‌చేశానని పేర్కొంది. తాను తీసుకునే నిర్ణయాల్లో 60శాతం కోపంలో తీసుకున్నవే అని, అవి తనకు చాలా ఇబ్బంది పెట్టాయని చెప్పింది ప్రగతి. 

ఇదిలా ఉంటే భర్తతో విడిపోయిన తర్వాత సొంతంగా బతకాలనుకున్నప్పుడు నగలు అమ్మి ఓ సింగిల్‌ బెడ్‌ రూమ్‌ కి షిఫ్ట్ అయ్యానని, అప్పుడు కుమారుడిని చూసుకోవాల్సి పరిస్థితి ఉంది. చేతిలో డబ్బు లేదు, రేపేంటి? అనే మదన పడే సమయంలో పృథ్వీరాజ్‌ అనే నిర్మాత తనకు టెలివిజన్‌ సీరియల్‌(మాల్గుడి డేస్‌)లో అవకాశం ఇప్పించారని, ఆ సమయంలో తనకు పది వేల రూపాయల చెక్‌ తన చేతిలో పెట్టడంతో ఆ ఆనందానికి అవద్దుల్లేవని, ఊపిరి పీల్చుకున్నానని, ఇప్పుడు ఎన్ని లక్షలు సంపాదించినా, ఆ పది వేల చెక్‌ని మాత్రం తన జీవితంలో ఎప్పుడూ మర్చిపోలేనని పేర్కొంది ప్రగతి. ఆద్యంతం ఎమోషనల్‌గా ఈ విషయాలను పంచుకుంటూ గుండె బరువెక్కించింది. 

ప్రస్తుతం క్యారెక్టర్‌ ఆర్టిస్టుగా రాణిస్తుంది ప్రగతి. హీరో, హీరోయిన్లకి అమ్మగా, ఆంటీగా, అక్కగా చేస్తుంది. ఇటీవల `ఎఫ్‌ 3` సినిమాలో ఆంటీగా మెప్పించింది. మెహరీన్‌, తమన్నాలకు అమ్మగా, వెంకటేష్‌, వరుణ్‌లకు ఆంటీగా తనదైన కామెడీతో నవ్వులు పూయించింది. అందమైన అమ్మ పాత్రలకు కేరాఫ్‌గా నిలుస్తుంది. మరోవైపు జిమ్‌లో హాట్‌ వర్కౌట్‌లో దుమారం రేపుతుంది. యంగ్‌ హీరోలకు సైతం పోటీనిస్తుందీ హాట్‌ ఆంటీ.