ఐకాన్ స్టార్ అల్లు అర్జున్ మరికొద్ది రోజుల్లోనే పుష్ప 2 చిత్రంతో హంగామా చేయబోతున్నారు. పాన్ ఇండియా స్థాయిలో ఈ చిత్రం ఎంత పెద్ద విజయం దక్కించుకుంది అని అభిమానులు, చిత్ర పరిశ్రమ ఉత్కంఠగా ఎదురుచూస్తున్నారు.
ఐకాన్ స్టార్ అల్లు అర్జున్ మరికొద్ది రోజుల్లోనే పుష్ప 2 చిత్రంతో హంగామా చేయబోతున్నారు. పాన్ ఇండియా స్థాయిలో ఈ చిత్రం ఎంత పెద్ద విజయం దక్కించుకుంది అని అభిమానులు, చిత్ర పరిశ్రమ ఉత్కంఠగా ఎదురుచూస్తున్నారు. ఇక బన్నీ తన పర్సనల్ లైఫ్ లో భార్య స్నేహారెడ్డి, పిల్లలతో అన్యోన్యంగా జీవిస్తున్నారు.
తరచుగా అల్లు అర్జున్ తన ఫ్యామిలీని వెకేషన్స్ కి తీసుకునివెళుతుంటాడు. అల్లు స్నేహ కూడా సోషల్ మీడియాలో యాక్టివ్ గా ఉంటారు. అయితే యంగ్ రెబల్ స్టార్ ప్రభాస్, ఐకాన్ స్టార్ అల్లు అర్జున్ ఇండస్ట్రీలో బెస్ట్ ఫ్రెండ్స్ గా ఉన్నారు. ప్రభాస్, అల్లు అర్జున్ ఇద్దరూ కేవలం నెలల వ్యవధిలోనే ఇండస్ట్రీలోకి అడుగుపెట్టారు. దీనితో అప్పటి నుంచి ఇద్దరి మధ్య మంచి రిలేషన్ ఉంది.
సందర్భం వచ్చినప్పుడల్లా ప్రభాస్ ఆరడుగుల బంగారం అంటూ అల్లు అర్జున్ ప్రశంసిస్తుంటాడు. అల్లు అర్జున్, ప్రభాస్ మధ్య గతంలో ఆసక్తికర సంఘటన జరిగింది. దీని గురించి ప్రభాస్ ఓ ఇంటర్వ్యూలో కామెంట్స్ చేశారు. దిల్ రాజు నిర్మాణంలో ప్రభాస్ నటించిన మిస్టర్ పర్ఫెక్ట్ చిత్రం. ఈ మూవీ విషయంలో ప్రభాస్ చాలా టెన్షన్ పడ్డాడట. ఎందుకంటే ఇది కుటుంబ కథా చిత్రం. భారీ ఫైట్స్ లాంటివి ఉండవు. ఎమోషన్స్ కనెక్ట్ అయితేనే హిట్ లేకుంటే షాక్ తప్పదు అని ప్రభాస్ భావించారు.
రిలీజ్ కంటే ముందుగా ఇండస్ట్రీ ప్రముఖుల కోసం దిల్ రాజు ప్రివ్యూ ప్రదర్శించారు. కానీ ప్రభాస్ మాత్రం రాలేదు. సెలెబ్రిటీల నుంచి పాజిటివ్ రెస్పాన్స్ వచ్చింది. ప్రివ్యూ చూడగానే ప్రభాస్ కి ఫస్ట్ ఫోన్ చేసిన స్టార్ హీరో అల్లు అర్జున్. సినిమా అదిరిపోయింది డార్లింగ్. ఫస్ట్ హాఫ్ సూపర్ గా ఉంది. సెకండ్ హాఫ్ కూడా బావుంది. ప్రభాస్ కి మాత్రం లేడీస్ కి ఈ చిత్రం ఎలా కనెక్ట్ అయిందో తెలుసుకోవాలని ఉత్కంఠ. వాళ్ళకి నచ్చితే సినిమా హిట్. దీనితో మీ వైఫ్ కి నచ్చిందా ఈ సినిమా అని అల్లు అర్జున్ ని ప్రభాస్ అడిగారు.
చాలా బాగా నచ్చింది. సెకండ్ హాఫ్ చూసి ఏడ్చేసింది అని అల్లు అర్జున్ చెప్పారు. అయితే సినిమా సూపర్ హిట్.. లేడీస్ కి కనెక్ట్ అయితే చాలు అని ప్రభాస్ అనుకున్నాడు. బన్నీ మాత్రం.. డార్లింగ్ ఫస్ట్ మూడు రోజులు సూపర్ హిట్ టాక్ వస్తుందని ఆశించవద్దు. ఎందుకంటే ఈ సినిమా నెమ్మదిగా పికప్ అవుతుంది అని అల్లు అర్జున్ చెప్పాడట. అల్లు అర్జున్ చెప్పినట్లుగానే నెమ్మదిగా మిస్టర్ పర్ఫెక్ట్ చిత్రం బ్లాక్ బస్టర్ హిట్ అయింది. అప్పటి కొద్ది రోజుల ముందే అల్లు అర్జున్, స్నేహ లకు వివాహం జరిగింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి