#OG ఫారిన్ షెడ్యూల్ డిటేల్స్: ఏ దేశం? పవన్ జాయినింగ్ ఎప్పుడంటే...

పవన్ కల్యాణ్,   సుజీత్ కాంబోలో రూపొందుతున్న  #OG పై అభిమానుల్లో చాలా ఎక్సపెక్టేషన్స్ ఉన్నాయి.  ఈ నేపధ్యంలో ఈ చిత్రానికి సంభందించిన ఓ ఆసక్తికరమైన విషయం ఒకటి బయిటకు వచ్చింది.  

Pawan Kalyan, OG

వరుస సినిమాలు, రాజకీయ యాత్రలతో పవర్‌స్టార్ పవన్ కల్యాణ్ ఫుల్ బిజీగా ఉన్న సంగతి  తెలిసిందే.   ఆయన నటించి బ్రో సినిమా రీసెంట్ గా రిలీజైంది. తన మేనల్లుడు సాయి ధరమ్ తేజ్‍తో కలిసి సముద్రఖని దర్శకత్వంలో చేసిన ఈ మూవి అనుకున్న రిజల్ట్ ని ఇవ్వలేకపోయింది. ఈ నేపధ్యంలో పవన్ నుంచి రాబోయే చిత్రాలు ఉస్తాద్ భగత్‍సింగ్, ఓజీలపైనే అందరి దృష్టి  ఉంది.  ముఖ్యంగా  ఓజీ (ఒరిజినల్ గ్యాంగ్‍స్టర్) కు విపరీతమైన క్రేజ్ ఉంది. పవన్ కూడా ఈ సినిమాని బాగా నమ్మి చేస్తున్నారు. అందుకు సాక్షం ఎక్కువ డేట్స్ కేటాయించటమే.

సుజీత్ డైరెక్ట్ చేస్తున్న ఈ యాక్షన్ థ్రిల్లర్ మూవీలో గ్యాంగ్‍స్టర్‌ పాత్రను పవన్ పోషిస్తున్నారు. దీంతో అభిమానుల్లో చాలా ఆసక్తి నెలకొని ఉంది. ఈ మూవీ షూటింగ్ వేగంగా సాగుతోంది. ఓజీలో పవర్ స్టార్‌ను గ్యాంగ్‍స్టర్ అవతార్‌లో చూడాలని ఫ్యాన్స్ తహతహలాడుతున్నారు. కాగా, ఈ మూవీ గురించి క్రమంగా అప్‍డేట్లు, లీక్‍లు వస్తున్నాయి. ఈ క్రమంలో తాజాగా ఓజీ సినిమా గురించి ఆసక్తికర సమాచారం బయటికి వచ్చింది.

అదేమిటంటే...ఈ సినిమా కోసం పవన్ రీఎంట్రీలో ఫస్ట్ టైమ్ ..ఫారిన్ షెడ్యుల్ కు పవన్ వెళ్తున్నట్లు సమాచారం. #TheyCallHimOG కోసం ఆయన ఎక్కువ కాల్ షీట్స్ కేటాయించారు.  సుజీత్ ఈ ఫారిన్ షెడ్యూల్ ని చాలా పవర్ ఫుల్ యాక్షన్ ఎపిసోడ్స్ తో ప్లాన్ చేసినట్లు సమాచారం.

ఇక ఆ ఫారిన్ కంట్రీ మరేదో కాదు థాయిల్యాండ్. అక్కడ 30 రోజులు కంటిన్యూ షెడ్యూల్ జరగనుందని తెలుస్తోంది. ఈ మేరకు ఇప్పటికే ఏర్పాట్లు జరుగుతున్నట్లు వినికిడి. దాంతో పవన్ ఈ ఆగస్ట్ , సెప్టెంబర్ లో పెండింగ్ షూటింగ్ లు, పొలిటికల్ యాక్టివిటీస్ పూర్తి చేయనున్నారు. 

అలాగే ఓజీ మూవీ 1950ల బ్యాక్‍డ్రాప్‍లో రూపొందుతోందని టాక్ . ఆ కాలంలోని పెద్ద గ్యాంగ్‍స్టర్ పాత్రలో పవన్ నటిస్తున్నారని తెలుస్తోంది. అయితే ఈ బ్యాక్‍డ్రాప్ గురించి అధికారిక ప్రకటన రాలేదు. కానీ ఇండస్ట్రీ వర్గాల నుంచి అందుతున్న  సమాచారం మాత్రమే. 1950 బ్యాక్‍డ్రాప్‍లో కథ కాబట్టే వింటేజ్ గ్యాంగ్‍స్టర్ లుక్‍లో పవన్ కనిపిస్తున్నారు. ట్రైలర్, కానీ టీజర్ కానీ వస్తే ఈ బ్యాక్‍డ్రాప్ అంశంపై త్వరలోనే పూర్తి క్లారిటీ వచ్చే అవకాశం ఉంది.

అలాగే ఖైదీ సినిమా ద్వారా బాగా ఫేమస్ అయిన తమిళ నటుడు అర్జున్ దాస్.. ఓజీ సినిమాలో నటిస్తున్నాడు. అర్జున్ దాస్‍ను ఆహ్వానిస్తూ ఓజీ చిత్ర టీమ్ అధికారికంగా కూడా ట్వీట్ చేసింది. ఓజీ మూవీలో పవన్ కల్యాణ్‍కు జోడీగా అరుల్ మోహన్ నటిస్తోంది.  ఇక ఓజీ మూవీని డీవీవీ దానయ్య నిర్మిస్తున్నారు.

 సాహో వంటి హై యాక్షన్‌ ఎంటర్‌టైనర్‌ తర్వాత దాదాపు నాలుగేళ్లు గ్యాప్‌ తీసుకుని సుజీత్‌ ఈ సినిమాను సిద్ధం చేయటం విశేషం. దానికి తోడు పవన్‌కు సుజీత్‌ వీరాభిమాని కావడంతో ఈ సినిమా ఏ లెవల్లో ఉంటుందో అని అభిమానులందరూ ఇప్పటి నుండి ఎక్స్‌పెక్టేషన్స్‌ పెట్టుకుంటున్నారు.   ఆర్‌ఆర్‌ఆర్‌ ఫేమ్‌ డి.వి.వి దానయ్య ఈ సినిమాను భారీగా నిర్మిస్తున్నాడు. వీలైనంత త్వరగా షూటింగ్‌ పూర్తి చేసి  ఈ సినిమాను రిలీజ్‌ చేయాలని మేకర్స్ ప్లాన్‌ చేస్తున్నారట.

ఇక పవన్ కళ్యాణ్ లో సెట్స్ లో చాలా సందడిగా ఉండటం యూనిట్ మొత్తానికి ఎనర్జీని ఇస్తున్నది. ఈ సందర్భంగా ఆ ఫొటోలను అభిమానులతో పంచుకుంటున్నారు. ఆ ఫొటో కొద్ది క్షణాల్లోనే నెట్టింట వైరల్ గా మారుతున్నాయి.  పవన్ నయా లుక్స్ కు ఫ్యాన్స్ ఫిదా అవుతున్నారు.