తెలంగాణాలో జరగనున్న జి హెచ్ ఎం సీ ఎన్నికల వేళ రాజకీయ వేడి రగిలింది. బీజేపీకి మద్దతు తెలుపుతూ ఎన్నికల నుండి ఉపసంహరించుకున్న పవన్ కళ్యాణ్ ని ఆయన తీవ్రంగా తప్పుబట్టారు. ఒకప్పుడు మోడీని తిట్టి, ఇప్పుడు పొగుడుతున్న పవన్ రాజకీయాలలో ఊసరవెల్లిలా కనిపిస్తున్నారని అన్నారు.
undefined
ఈ మాటలను తప్పుబడుతూ నాగబాబు ప్రకాష్ రాజ్ పై ఆరోపణలు చేశాడు. డబ్బుల కోసం, డేట్స్ విషయంలో నిర్మాతలు ఇబ్బంది పెట్టే ప్రకాష్ రాజ్ కి సంస్కారం లేదన్నాడు. ఒళ్ళు దగ్గర పెట్టుకొని మాట్లాడని హెచ్చరించారు.
undefined
ఈ నేపథ్యంలో ఓ ఛానల్ కి ఇచ్చిన ఇంటర్వ్యూలో ప్రకాష్ రాజ్ తన వ్యాఖ్యలను సమర్ధించుకున్నారు. ఎంతో రాజకీయ భవిష్యత్ ఉన్న పవన్ కళ్యాణ్ బీజేపీతో చేరి తన స్థాయి తగ్గించుకుంటున్నాడు అన్నారు.
undefined
లోకల్ లీడర్స్ ని ప్రోత్సహించాలని, తెలుగువాడిగా ఉండు అని సలహా ఇచ్చాడు. మన ఇంటి సమస్య మనమే మాట్లాడుకోవాలి అంటూ...జాతీయ పార్టీల పెత్తనానని ప్రకాష్ రాజ్ వ్యతిరేకించాడు.
undefined
మంచి వయసు, ఇమేజ్ ఉన్న పవన్, ఓపిక పడితే మంచి భవిష్యత్ ఉంటుంది అన్నాడు. బీజేపీ వాళ్లు పవన్ పవర్ ని లాగేసుకుంటారని, అతన్ని రాజకీయంగా తొక్కేస్తారని ప్రకాష్ రాజ్ అన్నారు. వాళ్ళు చెప్పారని ఎన్నికల నుండి తప్పుకోవడం ఏంటని అన్నాడు. గెలుపోటములు తరువాత ముందు పోరాడాలని, ప్రశ్నించాలని ప్రకాష్ రాజ్ అన్నారు.
undefined
ఇప్పటికే ప్రకాష్ రాజ్ వ్యాఖ్యలకు జనసేన నాయకులు, పవన్ అభిమానులు మండిపడుతున్నారు. ప్రకాష్ రాజ్ ట్వీట్స్ కి కామెంట్స్ రూపంలో తమ ఆగ్రహాన్ని తెలియజేస్తున్నారు. మరోమారు ప్రకాష్ రాజ్ పవన్ పై సీరియస్ అలిగేషన్స్ చేయగా, నాగబాబు మరియు జన సైనికులు ఎలా స్పందిస్తారో చూడాలి.
undefined