ప్రభాస్ సినిమా చూసి పిచ్చెక్కిపోయిన బాలీవుడ్ బ్యూటీ.. వెంటనే గ్రీన్ సిగ్నల్

యంగ్ రెబల్ స్టార్ ప్రభాస్ పేరు బాలీవుడ్ లో మారుమోగుతోంది. బాలీవుడ్ స్టార్స్ కి సైతం సాధ్యం కానీ విధంగా ప్రభాస్ భారీ బడ్జెట్ పాన్ ఇండియా చిత్రాలతో దూసుకుపోతున్నాడు. బాలీవుడ్ భామలంతా ప్రభాస్ తో రొమాన్స్ చేసేందుకు రెడీ అవుతున్నారు. 

ప్రభాస్ నటించిన గత చిత్రాలు కూడా బాలీవుడ్ లో హాట్ టాపిక్ గా మారాయి. ఆరడగుల కటౌట్ తో ఉండే ప్రభాస్ బాహుబలికి ముందు ఎలాంటి చిత్రాలు చేశాడు అక్కడి నిర్మాతలు ఆరా తీస్తున్నారు. 

ఛత్రపతి లాంటి బ్లాక్ బస్టర్ మూవీ బాలీవుడ్ లో రీమేక్ కు రెడీ అవుతోంది. కాకపోతే అందులో నటిస్తున్నది మన తెలుగు హీరో బెల్లంకొండ శ్రీనివాస్. ప్రభాస్ సినిమా అంటే చాలు.. బాలీవుడ్ ప్రేక్షకుల్లో క్రేజ్ పెరిగిపోతోంది. తాజాగా ఛత్రపతి రీమేక్ చిత్రానికి కూడా మంచి బజ్ ఉంది. 

ఇప్పటికే ఈ చిత్రం హైదరాబాద్ లో ప్రారంభం అయింది. చిన్నపాటి మార్పులతో వివి వినాయక్ ఈ చిత్రాన్ని తెరకెక్కిస్తున్నారు. ఇక ఒరిజినల్ వర్షన్ లో ప్రభాస్ కు జోడిగా శ్రీయ నటించిన సంగతి తెలిసిందే. హిందీ రీమేక్ లో ఓ క్రేజీ బాలీవుడ్ బ్యూటీని వివి వినాయక్ ఫైనల్ చేశారు. 

ఆమె ఎవరో కాదు బాలీవుడ్ లో 'సోను కె టిటు కి స్వీటీ' లాంటి బస్టర్ చిత్రంలో నటించిన హాట్ బ్యూటీ నుస్రత్ భరూచా. ఈ 36ఏళ్ళ హీరోయిన్ 28ఏళ్ళ బెల్లంకొండ శ్రీనివాస్ తో రొమాన్స్ కు రెడీ అయిపోయింది. ఆమె లుక్స్ చూశాక ఛత్రపతి రీమేక్ లో పర్ఫెక్ట్ గా సెట్ అవుతుందని వినాయక్ భావించారట. 

అందుకే ఏజ్ గ్యాప్ ఉన్నా నుస్రత్ నే ఫైనల్ చేశారు. మొదట వివి వినాయక్ ఆమెని కలసి ఛత్రపతి రీమేక్ గురించి వివరించారట. దీనితో నుస్రత్.. ప్రభాస్ ఛత్రపతి చిత్రాన్ని చూసింది. ఈ మూవీ చూడగానే నుస్రత్ ఫిదా అయినట్లు టాక్. అందుకే వెంటనే గ్రీన్ సిగ్నల్ ఇచ్చిందట. 

ఈ చిత్రం కమర్షియల్ గా తనకు మంచి బ్రేక్ ఇస్తుందని నుస్రత్ భావిస్తున్నట్లు తెలుస్తోంది. ఇప్పటికే ఆమె ఛత్రపతి రీమేక్ షెడ్యూల్ లో జాయిన్ అయినట్లు చెబుతున్నారు. త్వరలోనే అఫీషియల్ గా చిత్ర యూనిట్ నుస్రత్ పేరును ప్రకటించనున్నట్లు తెలుస్తోంది.