బాలీవుడ్ హాట్ కపుల్స్లో ఒకరైన నేహా ధూపియా, అంగద్ బేడీల లవ్ స్టోరీ వెనుక ఉన్న అసలు కథ ఇప్పుడు బయటపడింది. 8 ఏళ్ల వన్ సైడ్ లవ్, అనుకోని ప్రెగ్నెన్సీ, ఆ తర్వాత హడావుడిగా పెళ్లి.. ఈ బంధానికి సంబంధించిన పూర్తి కథ మీకోసం.
అంగద్ బేడీ దాదాపు 8 ఏళ్ల పాటు నేహా ధూపియా వెంటపడ్డాడట. ఈ విషయాన్ని భారతీ సింగ్, ఆమె భర్త హర్ష్ లింబాచియా పోడ్కాస్ట్లో అంగద్ స్వయంగా చెప్పాడు. "నేను 8 ఏళ్లు నేహా వెంటపడ్డాను. ప్రయత్నిస్తూనే ఉన్నాను, కానీ ఆమె ఎప్పుడూ ఓకే చెప్పలేదు. తన పనిలో చాలా బిజీగా ఉండేది" అని అంగద్ తెలిపాడు. ఈ వన్ సైడ్ లవ్ చాలా కాలం పాటు సాగింది.
26
తొలిచూపులోనే మనసు పారేసుకున్న అంగద్
నేహాను మొదటిసారి కలిసిన సందర్భాన్ని అంగద్ గుర్తుచేసుకున్నాడు. "నేను ఆమెను మొదటిసారి చూసినప్పుడు, తను ట్రెడ్మిల్పై పరుగెత్తుతోంది. నేను వెనుక నిలబడి చూస్తూ.. వావ్, ఎంత మంచి ఫామ్ అని అనుకున్నాను. ఆమె రన్నింగ్ ఫామ్తోనే నేను ప్రేమలో పడిపోయాను" అని అంగద్ చెప్పాడు。
36
నేహా ఫోకస్ అంతా కెరీర్పైనే
మరోవైపు నేహా ధూపియా తన ఫోకస్ మొత్తం కెరీర్పైనే పెట్టింది. "నేను కేవలం నా పనిపైనే దృష్టి పెట్టేదాన్ని. ఉదయాన్నే లేవడం, వ్యాయామం చేయడం, పనికి వెళ్లడం. దారిలో ఎవరైనా ఆసక్తికరమైన వ్యక్తి తగిలితే సరే, కానీ నా ఫోకస్ మాత్రం కెరీరే" అని ఆమె చెప్పింది. అందుకే అంగద్ ప్రయత్నాలు చాలా కాలం ఫలించలేదు.
నేహాకు దగ్గరవ్వాలనే ఉద్దేశంతో ఆమెతో కలిసి ఒక సినిమా కూడా చేశానని అంగద్ చెప్పాడు. "ఆమె నాకు కథ కూడా చెప్పకుండా సినిమాకి రమ్మంది, నేను వెళ్ళిపోయాను. సెట్లో ఆమెతో సమయం గడిపేవాడిని, కానీ వాళ్ల అమ్మ కూడా అక్కడే ఉండేది. దాంతో నేను వాళ్ల అమ్మతోనే ఎక్కువ సమయం గడపడం మొదలుపెట్టాను" అని అంగద్ సరదాగా చెప్పాడు。
56
ప్రెగ్నెన్సీనే మా కథకు టర్నింగ్ పాయింట్
నేహా ధూపియా గర్భవతి అని తెలియడమే వారి బంధంలో పెద్ద మలుపు. "దేవుడి దయవల్ల నేను ప్రెగ్నెంట్ అయ్యాను, అదే మా లవ్ స్టోరీకి కారణమైంది. మేము వెతుకుతున్న ప్రేమ మా దగ్గరే ఉందని అప్పుడు తెలిసింది" అని నేహా చెప్పింది. "నేను ప్రెగ్నెంట్ అయ్యాను, అందుకే ఇక పెళ్లి చేసేసుకుందాం అనుకున్నాం. మా కూతురే మమ్మల్ని కలిపింది" అని ఆమె వివరించింది.
66
నేహా ధూపియా హ్యాపీ ఫ్యామిలీ
నేహా ధూపియా, అంగద్ బేడీ మే 10, 2018న గురుద్వారాలో రహస్యంగా పెళ్లి చేసుకున్నారు. పెళ్లయిన ఆరు నెలల తర్వాత నవంబర్లో వారికి కూతురు మెహర్ పుట్టింది. ఆ తర్వాత 2021లో కొడుకు గురిక్ జన్మించాడు. ప్రస్తుతం ఈ జంట తమ ఫ్యామిలీ లైఫ్లో సంతోషంగా ఉన్నారు.
