Prema Entha Madhuram: ఆర్య తల పగలగొట్టించిన మాన్సీ.. దొంగల పాలైన బాబు!

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్ మంచి కథ కథనాలతో ప్రేక్షకుల హృదయాలని గెలుచుకుంటుంది. భర్త ప్రాణాలను కాపాడటం కోసం భర్తకు దూరంగా ఉండి ఇబ్బందులు పడుతున్న ఒక భార్య కథ ఈ సీరియల్. ఇక ఈరోజు జూన్ 12 ఎపిసోడ్ లో ఏం జరిగిందో చూద్దాం.  

 ఎపిసోడ్ ప్రారంభంలో ముద్దులు మురిపాలు అన్నీ ఇంటిబయటేనా పదండి ఇంట్లోకి వెళ్దాం అని చెప్పి ఆర్య దంపతులకు హారతి ఇచ్చి లోపలికి తీసుకువస్తుంది అంజలి. పిల్లల్ని ఎత్తుకొని ముద్దు చేస్తారు నీరజ్ వాళ్ళు. నేను బాబాయ్ ని అంటూ నీరజ్..నానమ్మని అంటూ శారదమ్మ.. అమ్మమ్మని అంటూ పద్దు అందరూ ముద్దులాడుతారు. నువ్వు పలకరించు మాన్సీ ఎంతైనా మాజీ పిన్నివి కదా అంటుంది అంజలి.

 పిన్నికి ఫ్యూజులు ఎగిరిపోయినట్లుగా ఉన్నాయి అంటూ వెటకారంగా మాట్లాడుతాడు నీరజ్. సమీపిస్తుంది అని పంతులుగారు చెప్పడంతో పీటల మీద కూర్చొని పిల్లలిద్దరికీ ఆరాధ్య, ఆదిత్య అని పేర్లు పెడతారు అను దంపతులు. అందరూ చప్పట్లు కొడతారు. ఒక్కసారిగా స్పృహలోకి వచ్చిన మాన్సీ భయపడుతూ చెమటలతో తడిచిపోయి ఉంటుంది.

ఇదంతా కలా..ఎప్పటికీ ఇలా జరగకూడదు. అను ఇంటికి రాకూడదు ఎందుకైనా మంచిది నా జాగ్రత్తలో నేనుండాలి అనుకుంటుంది. పూజకి వేళ అవుతుంది రావలసిన వాళ్ళు ఎవరైనా ఉన్నారా అంటారు పంతులుగారు. అవునండి నేను కూడా వాళ్ల కోసం ఎదురు చూస్తున్నాము అని బాధతో చెప్తుంది శారదమ్మ. నిరుత్సాహంగా ఉన్న జెండే దగ్గరికి వెళ్లి బాధపడకు ఆర్య తను కచ్చితంగా వస్తుంది.

 నీ మనసు బాధ తన మనసు వరకు వెళుతుంది నిరుత్సాహపడకు అని ధైర్యం చెప్తాడు జెండే. అదే సమయంలో అను ఆటో దిగుతుంది. అది ఆర్య మనసుకి తెలుస్తుంది గబగబా గేటు దగ్గరికి వస్తాడు. అను వచ్చినట్లు మాన్సీ కూడా గ్రహిస్తుంది. అప్పటికే సిద్ధంగా ఉంచిన పనిమనిషిని డాబా మీదకి పంపించి కరెక్ట్ గా ఆర్య నెత్తిమీద పూల కుండీ పడేయమని చెప్తుంది.

అను ఆటో దిగి లోపలికి రాబోతుంది. అదే సమయంలో ఆర్య కూడా బయటికి వస్తాడు. మాన్సీ చెప్పినట్లే చేస్తుంది పనిమనిషి. ఆర్య తల బద్దలై గట్టిగా కేక పెడతాడు. ఆ కేకలకి ఇంట్లో వాళ్ళందరూ వస్తారు. ఇదంతా చూస్తున్న అను కంగారు పడిపోతుంది. సోదమ్మ చెప్పిన మాటలు గుర్తుకు తెచ్చుకొని భయంతో వెనకడుగు వేస్తుంది. ఇంతలోనే అందరితోపాటు మాన్సీ కూడా ఆర్య దగ్గరికి వస్తుంది.

 అయ్యో బ్రో ఇన్ లాకి తల పగిలిపోయింది. డ్రైవర్.. కారు త్వరగా తీయు అంటూ అనుకి వినిపించేలాగా మాట్లాడుతుంది. అదే సమయంలో వెనక్కి వచ్చిన అనుని చూసి  ఎందుకమ్మా వెనక్కి వచ్చేసావు పదా లోపలికి వెళ్దాం అంటుంది బామ్మ. వద్దు బామ్మ లోపలికి వెళ్లొద్దు ఆయన ప్రాణాలతో ఉంటే చాలు మేము ఏమైపోయినా పర్వాలేదు అంటూ చెప్తున్నా వినిపించుకోకుండా గబగబా వెనక్కి తిరిగి వెళ్ళిపోతుంది అనుని అనుసరిస్తుంది బామ్మ.

ఆర్య కి ఫస్ట్ ఎయిడ్ చేసిన తర్వాత లోపలికి తీసుకెళ్లి పోతారు. హమ్మయ్య అంటూ రిలాక్స్ ఫీల్ అవుతుంది మాన్సీ. అందరూ లోపలికి వెళ్ళిన తర్వాత ముహూర్తం సమయం అయిపోయిందమ్మా నన్ను వెళ్లిపోమంటారా అంటారు పంతులుగారు. వెళ్లిపోమన్నట్లుగా తల ఊపుతుంది శారదమ్మ. జెండే నా మనసులోని బాధ తన మనసుకి చేరుతుందన్నావు అయినా ఎందుకు రాలేదు అని జెండేని అడుగుతాడు ఆర్య. బాధతో జెండే ఏమి సమాధానం చెప్పలేకపోతాడు. అక్కడి నుంచి బయటికి వెళ్లబోతాడు ఆర్య.  

 ఆర్య.. తలకి దెబ్బ తగిలింది అంటాడు జెండే. ప్రాణం పోలేదు కదా జెండే అని చెప్పి బాధతో బయటికి వెళ్ళిపోతాడు ఆర్య. అతనిని అనుసరిస్తారు నీరజ్, జెండే. మరోవైపు భర్త పరిస్థితిని తలుచుకుంటూ బాధపడుతూ రోడ్డు మీద నడుస్తూ ఉంటుంది అను. ఆమెని అనుసరిస్తుంది బామ్మ. ఇంతలో ఒక దొంగ బామ్మ చేతిలో ఉన్న బాబుని తీసుకొని పారిపోతాడు. అను చేతిలో బిడ్డని బామ్మ చేతిలో పెట్టి దొంగ వెనకాతల గట్టిగా కేకలు వేస్తూ  పరిగెడుతుంది అను. తరువాత ఏం జరిగిందో రేపటి ఎపిసోడ్ లో చూద్దాం.