డాషింగ్ డైరెక్టర్ పూరి జగన్నాధ్, రౌడీ హీరో విజయ్ దేవరకొండ కాంబోలో వచ్చిన లైగర్ చిత్రంపై సోషల్ మీడియాలో విపరీతంగా నెగిటివిటీ స్ప్రెడ్ అవుతోంది.
డాషింగ్ డైరెక్టర్ పూరి జగన్నాధ్, రౌడీ హీరో విజయ్ దేవరకొండ కాంబోలో వచ్చిన లైగర్ చిత్రంపై సోషల్ మీడియాలో విపరీతంగా నెగిటివిటీ స్ప్రెడ్ అవుతోంది. గురువారం ప్రేక్షకుల ముందుకు వచ్చిన ఈ చిత్రం తొలి షో నుంచే డిజాస్టర్ టాక్ సొంతం చేసుకుంది. రిలీజ్ కి ముందు హైప్ విపరీతంగా పెంచడం.. కథపై ఫోకస్ పెట్టకపోవడంతో ఫ్యాన్స్ తీవ్ర నిరాశకి గురవుతున్నారు.
లైగర్ చిత్రానికి వస్తున్న నెగిటివ్ రెస్పాన్స్ ఇప్పుడు మరో మూవీపై ప్రభావం చూపుతోంది. విజయ్ దేవరకొండ లైగర్ తర్వాత పూరి దర్శకత్వంలో మరో చిత్రంలో నటించేందుకు సైన్ చేశాడు. పూరి జగన్నాధ్ డ్రీమ్ ప్రాజెక్ట్ 'జనగణమన'లో విజయ్ దేవరకొండ హీరోగా నటిస్తున్నాడు. పూజా హెగ్డేని హీరోయిన్ గా ఎంపిక చేశారు. ఒక షెడ్యూల్ కూడా షూట్ జరిగినట్లు తెలుస్తోంది.
లైగర్ ప్రీ రిలీజ్ ఈవెంట్ లో పూరి మాట్లాడుతూ.. లైగర్ కన్నా డబుల్ బడ్జెట్ తో జనగణమన తెరకెక్కిస్తున్నాం అని ప్రకటించాడు. కానీ ఊహించని విధంగా లైగర్ డిజాస్టర్ టాక్ సొంతం చేసుకుంది. దీనితో 'జనగణమన' ఆగిపోయినా ఆశ్చర్యం అవసరం లేదు అని నెటిజన్లు అంటున్నారు. ఇదే అదునుగా మహేష్ ఫ్యాన్స్ పూరి జగన్నాధ్ ని టార్గెట్ చేసి ట్రోల్ చేస్తున్నారు.
జనగణమన చిత్రాన్ని భారీ బడ్జెట్ లో మహేష్ బాబుతో తెరకెక్కించాలని పూరి కొన్నేళ్ల క్రితం భావించాడు. అనౌన్స్ మెంట్ కూడా జరిగింది. కానీ ఆ చిత్రం ఆగిపోయింది. ఆ తర్వాత పూరి ఓ ఇంటర్వ్యూలో.. మహేష్ బాబు తాను హిట్స్ లో ఉన్నప్పుడు మాత్రమే సినిమా చేస్తాడు అని బాహాటంగానే విమర్శించాడు. ప్రస్తుతం తాను ఫ్లాప్స్ లో ఉండడం వల్ల జనగణమన చేయడం లేదని పూరి విమర్శించారు.
లైగర్ రిజల్ట్ ఇలా కావడంతో మహేష్ ఫాన్స్ గట్టిగానే ట్రోల్ చేస్తున్నారు. పూరి పూరి జగన్నాధ్ స్క్రిప్ట్స్ పై ఫోకస్ పెట్టడం చాలా ఏళ్ళక్రితమే ఆగిపోయింది అని అంటున్నారు. ఇలాంటి చెత్త సినిమాలు తీస్తూ మహేష్ బాబు డేట్స్ ఇవ్వడం లేదు అని మాట్లాడతావా అంటూ మహేష్ ఫ్యాన్స్ ఎద్దేవా చేస్తున్నారు.
కానీ కామన్ ఆడియన్స్ మాత్రం పూరి జగన్నాధ్ కి సపోర్ట్ గా మాట్లాడుతున్నారు. పూరి ప్రస్తుతం కథలపై ఫోకస్ పెట్టడం లేదు నిజమే. కానీ మహేష్ బాబుని పూరి ఎప్పుడూ డిసప్పాయింట్ చేయలేదు. పోకిరితో మహేష్ కి కొత్త స్టార్ డమ్ అందించాడు. పోకిరి అంత బ్లాక్ బస్టర్ హిట్ కాకున్నా బిజినెస్ మ్యాన్ కూడా హిట్ గా నిలిచింది. బిజినెస్ మ్యాన్ లో మహేష్ మ్యానరిజమ్స్ గమ్మత్తుగా ఉంటాయి. ఇప్పుడు ఫ్లాప్స్ ఇస్తున్నాడని పూరిని మహేష్ ఫ్యాన్స్ ట్రోల్ చేయడం సబబు కాదు అంటున్నారు.
ఏది ఏమైనా పూరి జగన్నాధ్ కాస్త బ్రేక్ తీసుకుని స్ట్రాంగ్ స్క్రిప్ట్ తో కమ్ బ్యాక్ ఇవ్వాలని సూచిస్తున్నారు. జనగణమన విషయంలో సందిగ్దత కొనసాగుతుందా.. లేక పూరి, విజయ్ ధైర్యంగా ముందడుగు వేస్తారా అనేది వేచి చూడాలి.