విశాల్ 'మద గజ రాజా' : తెలుగులో డిజాస్టర్ ఎందుకైంది? ?

తమిళంలో భారీ విజయం సాధించిన 'మద గజ రాజా' చిత్రం తెలుగులో డబ్ చేసి విడుదలైంది. అయితే, తమిళంలో 50 కోట్లకు పైగా వసూలు చేసిన ఈ సినిమా తెలుగులో డిజాస్టర్ అయ్యింది.

తమిళంలో హిట్టైన సినిమాలను తెలుగులోకి రీమేక్ చేయటమో, డబ్బింగ్ చేయటమో చేస్తూంటారు. కొన్ని సార్లు ఆ సినిమాలు ఇక్కడ మన తెలుగులోనూ హిట్ అవుతూటాయి. అలా సంక్రాంతికి తమిళంలో విడుదలైన 'మద గజ రాజా' భారీ విజయం సాధించిన చిత్రాన్ని తెలుగులోకి డబ్ చేసి జనవరి 31 న తీసుకు వచ్చారు.

తమిళంలో సుమారు 50 కోట్లకు పైగా కలెక్ట్ చేసింది. విశాల్ హీరోగా సుందర్ సి దర్శకత్వం వహించిన ఈ సినిమా ప్రత్యకత ఏమిటంటే... 12 ఏళ్ళ తర్వాత విడుదల కావడం! ఇందులో అంజలి, వరలక్ష్మీ శరత్ కుమార్ హీరోయిన్లు. తెలుగులోనూ విశాల్ కు మార్కెట్ ఉండటంతో ఇక్కడ కూడా భారీగానే రిలీజ్ చేసారు..రిజల్ట్ ఏమిటో చూద్దాం. 

తమిళ స్టార్‌ విశాల్‌ 12 ఏళ్ల క్రితం నటించిన చిత్రం 'మదగజరాజా'(Madha Gaja Raja ). కొన్ని అనివార్య కారణాల వల్ల ఈ సినిమా విడుదల వాయిదా పడుతూ.. ఈ ఏడాది జనవరి 12 తమిళ్‌లో రిలీజై పెద్ద విజయం సాధించింది.

దాంతో తెలుగులో డబ్ చేసి రిలీజ్ చేస్తే మినిమం థియేటర్ రెంట్ లు కూడా తెచ్చుకోలేకపోయింది. వీకెండ్ లో అసలు కొద్ది గా కూడా షేర్ రాక  రికవరీ అసలు లేదు. ఇది ట్రేడ్ కు షాక్ ఇస్తోంది. తమిళంలో అంత పెద్ద హిట్టైన సినిమాను ఇక్కడ పట్టించుకోకపోవటం అనేది ఆశ్చర్యకరమైన విషయంగా చెప్తున్నారు.

Madha Gaja Raja

 తెలుగులో విశాల్, అంజలి, వరలక్ష్మీ శరత్ కుమార్, సోనూసూద్ అందరికీ మార్కెట్ ఉంది. కానీ ఇక్కడ వాళ్లకు ఎక్కకపోవటానికి కారణం...అక్కడ తమిళంలో రెట్రో కామెడీ సినిమాగా అక్కడి వాళ్లు చూస్తున్నారు. దర్శకుడు సుందర్ సి కి కూడా అక్కడ క్రేజ్ ఉంది. అవన్నీ భాక్సాఫీస్ దగ్గర వర్కవుట్ అయ్యాయి. మనవాళ్ళు దీన్ని రొట్ట , క్రింజ్ కామెడీగానే చూస్తున్నారు. దానికితోడు రిలీజ్ రోజే మంచి ప్రింట్ పైరసీ సైట్ లోకి వచ్చేసింది. పనిగట్టుకుని థియేటర్ కు వెళ్లి చూడాలా అని పైరసీ సైట్లలో చూసేస్తున్నారు. దాంతో ఇక్కడ పెద్ద డిజాస్టర్ అయ్యింది.