Laila First Review: `లైలా` ఫస్ట్ రిపోర్ట్, హైలైట్స్ ఇవే.. విశ్వక్‌ సేన్‌ కెరీర్‌ బెస్ట్ యాక్టింగ్‌?

Vishwak sen : మాస్‌ కా దాస్‌ విశ్వక్‌ సేన్‌ హీరోగా నటించిన `లైలా` మూవీ ఫస్ట్ రిపోర్ట్ వచ్చింది. సినిమా నిడివి, హైలైట్‌ తెలిస్తే నోరెళ్ల బెట్టాల్సిందే. బోల్డ్ కంటెంట్‌ మాత్రం కేక.   

laila movie

vishwak sen: మాస్‌ కా దాస్‌ విశ్వక్‌ సేన్‌ హీరోగా నటిస్తున్న మూవీ `లైలా`. రామ్‌ నారాయణ్‌ దర్శకత్వం వహించిన ఈ మూవీ ప్రేమికుల రోజు సందర్భంగా విడుదల కాబోతుంది. ఇందులో విశ్వక్‌ సేన్‌ లైలాగా కనిపించడంతో అంచనాలు ఏర్పడ్డాయి.

అయితే ఈ సినిమా బోల్డ్ కంటెంట్‌తో, వివాదాలతో వైరల్‌గా మారింది. 30 ఇయర్స్ పృథ్వీ ప్రీ రిలీజ్‌ ఈవెంట్‌లో పరోక్షంగా వైసీపీ ని ఉద్దేశించి చేసిన వ్యాఖ్యలు పెద్ద దుమారం రేపాయి. దీంతో విశ్వక్‌ సేన్‌ క్షమాపణలు చెప్పాల్సి వచ్చింది. ఆ వివాదం ఇంకా నడుస్తూనే ఉంది. 

laila movie

తాజాగా ఈ సినిమాకి సంబంధించిన సెన్సార్‌ రిపోర్ట్ వచ్చింది. సినిమాని వీక్షించిన సెన్సార్‌ బోర్డ్ `ఏ` సర్టిఫికేట్‌ ఇచ్చింది. ఇదే అందరిని ఆశ్చర్యపరుస్తుంది. సినిమా నిడివి కూడా చాలా తక్కువగానే ఉంది.

రెండుగంటల 16 నిమిషాలు(136 నిమిషాలు) మాత్రమే ఉంది. ఇటీవల కాలంలో చాలా సినిమాల లెంన్తీగా ఉంటున్నాయి. మూడు గంటలకు తగ్గడం లేదు. ఈ క్రమంలో `లైలా` నివిడి చాలా తక్కువగా ఉండటం విశేషం. 

vishwak sen

సినిమా పూర్తి ఎంటర్‌టైనర్‌గా రూపొందిందని అర్థమవుతుంది. సెన్సార్‌ రిపోర్ట్ ద్వారా కూడా ఈ విషయం తెలుస్తుంది. అయితే కాస్త బోల్డ్ కంటెంట్ తో ఈ మూవీ రాబోతుందని టీజర్‌, ట్రైలర్స్ చూస్తే అర్థమవుతుంది. `లైలా`పాత్రలో కొన్ని బోల్డ్ డైలాగులు ఉన్నాయి.

యూత్‌ని టార్గెట్ చేస్తూ తీసిన సినిమా ఇది అని అర్థమవుతుంది. ఇటీవల కాలంలో బోల్డ్ డైలాగ్‌లు, బోల్డ్ కంటెంట్‌తో కూడిన సినిమాలు బాగా ఆదరణ పొందుతున్నాయి. ఈ క్రమంలో ఇప్పుడు `లైలా` కూడా ఆ కోవకు చెందిన మూవీనే అని తెలుస్తుంది. 

laila movie

ఇక ఇందులో విశ్వక్‌ సేన్‌ నటన వేరే లెవల్‌లో ఉండబోతుందట. ముఖ్యంగా `లైలా` పాత్రలో ఆయన ఇరగదీశాడట. అమ్మాయిగా మారి విశ్వక్‌ చేసే రచ్చ అదిరిపోయేలా ఉంటుందని, అదే సినిమాకి హైలైట్‌గా నిలుస్తుందని, కామెడీ హిలేరియస్‌గా ఉంటుందని తెలుస్తుంది. ప్రేమికులకు రోజున ఇది సరైన ఎంటర్‌టైనర్‌ అవుతుందని టీమ్‌ నుంచి తెలుస్తున్న సమాచారం.

కామెడీ, డైలాగ్‌లు, లైలా ఎపిసోడ్‌ సినిమాకి హైలైట్స్ అని తెలుస్తుంది. అలాగే హీరోయిన్‌ ఆకాంక్ష సింగ్‌గ్లామర్‌, వెన్నెల కిశోర్‌, బబ్లూ పృథ్వీరాజ్‌ బ్రహ్మాజీ ఫన్‌ వర్కౌట్‌ అయ్యిందని తెలుస్తుంది. మరి విశ్వక్‌ `లైలా`గా ఏ మేరకు ఆకట్టుకుంటాడో మరో రెండు రోజుల్లో తేలనుంది. ఈ చిత్రాన్ని రాహుల్‌ యాదవ్‌ నిర్మించారు.