యంగ్ రెబల్ స్టార్ ప్రభాస్, కృష్ణంరాజు అనుబంధం ఎలాంటిదో మాటల్లో చెప్పలేం. తన తమ్ముడి కొడుకైన ప్రభాస్ ని కృష్ణం రాజు తన భాద్యతగా, తన వారసుడిగా ఇండస్ట్రీకి తీసుకువచ్చారు.
యంగ్ రెబల్ స్టార్ ప్రభాస్, కృష్ణంరాజు అనుబంధం ఎలాంటిదో మాటల్లో చెప్పలేం. తన తమ్ముడి కొడుకైన ప్రభాస్ ని కృష్ణం రాజు తన భాద్యతగా, తన వారసుడిగా ఇండస్ట్రీకి తీసుకువచ్చారు. పెదనాన్న పేరు నిలబెట్టేలా ప్రభాస్ పాన్ ఇండియా స్టార్ గా అందనంత ఎత్తుకు ఎదిగాడు.
ప్రభాస్ హీరోగా ఎంట్రీ ఇచ్చినప్పుడు కృష్ణంరాజుకి అంతగా అంచనాలు లేవు. మంచి హీరోగా ఎదిగి వరుసగా సినిమాలు చేస్తే చాలు అని అనుకున్నారు. కానీ ప్రభాస్ కొన్ని చిత్రాల్లో నటించిన తర్వాత హిట్లు ఫ్లాపులు పక్కన పెడితే కొన్ని విషయాలు కృష్ణం రాజుకి తెలిశాయి.
దానిని బట్టి కృష్ణంరాజు తన వారసుడు ప్రభాస్ పెద్ద స్టార్ అవుతాడని అంచనా వేశారు. ఓ ఇంటర్వ్యూలో కృష్ణంరాజుకి యాంకర్ నుంచి ప్రశ్న ఎదురైంది. ప్రభాస్ ఈ స్థాయికి చేరుతాడు అని అంచనా వేశారా అని యాంకర్ అడిగారు.
కృష్ణంరాజు బదులిస్తూ.. నాలో ఉన్న క్వాలిటీస్ ప్రభాస్ లో చాలా ఉన్నాయి. ఎలాంటి ఇగో లేదు. అందరితో కలుపుగోలుగా ఉంటాడు. ప్రభాస్ తో వర్క్ చేసిన ప్రతి డైరెక్టర్ నాతో మాట్లాడేవారు. ప్రభాస్ లో చిన్న నెగిటివ్ క్వాలిటీ కూడా లేదని నాకు చెప్పారు.
నిర్మాతల నుంచి కూడా ఎలాంటి కంప్లైంట్ లేదు. హీరోకి అలాంటి లక్షణాలు ఉంటే తప్పకుండా స్టార్ అవుతాడు. ప్రభాస్ స్టార్ హీరో అవుతాడని అప్పుడే ఊహించినట్లు కృష్ణంరాజు తెలిపారు. ప్రభాస్ కూడా ఎవరి గురించి చెడుగా మాట్లాడడు అని కృష్ణంరాజు అన్నారు.
అదే విధంగా కృష్ణంరాజు తనకి కొడుకులు లేకపోవడంపై స్పందించారు. మొదటి భార్యతో ఒక కూతురు.. రెండవ భార్య శ్యామల దేవితో ముగ్గురు కూతుళ్లు అని కృష్ణంరాజు తెలిపారు. కొడుకు లేడనే బాధ లేదని.. ప్రభాస్ నే తన వారసుడిగా భావిస్తున్నాను అని కృష్ణంరాజు తెలిపారు.