సలార్ టీజర్ రిలీజైనప్పటి నుంచి కేజీఎఫ్ తో కనెక్షన్ ఉన్నట్లు ఫ్యాన్స్ గుర్తిస్తూనే ఉన్నారు. ప్రశాంత్ నీల్, ప్రభాస్ కాంబినేషన్ లో వస్తున్న సలార్ చిత్రం డిసెంబర్ 22న వరల్డ్ వైడ్ గా రిలీజ్ కానుంది.
సలార్ టీజర్ రిలీజైనప్పటి నుంచి కేజీఎఫ్ తో కనెక్షన్ ఉన్నట్లు ఫ్యాన్స్ గుర్తిస్తూనే ఉన్నారు. ప్రశాంత్ నీల్, ప్రభాస్ కాంబినేషన్ లో వస్తున్న సలార్ చిత్రం డిసెంబర్ 22న వరల్డ్ వైడ్ గా రిలీజ్ కానుంది. మరికొన్ని రోజులే రిలీజ్ కి సమయం ఉండడంతో ప్రచార కార్యక్రమాలు జోరుగా సాగుతున్నాయి.
అయితే ప్రభాస్, ప్రశాంత్ నీల్ మూవీకి ఉండాల్సిన స్థాయిలో హైప్ కంటే కాస్త తక్కువే ఉంది. దానికి కారణం ఇటీవల రిలీజైన ట్రైలర్ ఆశించిన స్థాయిలో ఆకట్టుకోలేకపోయింది. దీనితో సెకండ్ ట్రైలర్ కోసం ఫ్యాన్స్ ఎదురుచూశారు. కొద్దీ సేపటి క్రితమే రిలీజైన సెకండ్ ట్రైలర్ ఒక్కసారిగా ఫ్యాన్స్ లో ఆత్రుతని రగిల్చేసింది. ట్రైలర్ లో యాక్షన్ ఘట్టాలు, ప్రభాస్ ఎలివేషన్స్ గూస్ బంప్స్ తెప్పించే విధంగా ఉన్నాయి.
అయితే ఎప్పటిలాగే ఈ ట్రైలర్ లో కూడా కెజిఎఫ్ చిత్రం గురించి చర్చ జరిగేలా ప్రశాంత్ నీల్ చేశాడు. సలార్, కెజిఎఫ్ క్రాసోవర్ గ్యారెంటీ అంటూ ఇప్పటికే అభిమానులు నమ్ముతున్నారు. సలార్ మేకింగ్ కూడా కెజిఎఫ్ లాగే ఉంది. అదే సమయంలో సలార్ లో యష్ మెరుస్తాడని కూడా సోషల్ మీడియాలో ప్రచారం జరుతుతోంది.
ఈ ప్రచారం మరింత ఎక్కువయ్యేలా సలార్ సెకండ్ ట్రైలర్ లో చిన్న హింట్ ఉంది. అది హింటా లేక ప్రశాంత్ నీల్ మిస్ లీడ్ చేస్తున్నారా అనేది క్లారిటీ రావడం లేదు. ట్రైలర్ లో సుల్తాన్ అనే డైలాగ్ వచ్చినప్పుడు యష్ తరహాలో ఒక వ్యక్తి మెట్లు ఎక్కుతూ వెళుతున్న దృశ్యం ఉంది. ఆ వాకింగ్ స్టైల్ చూస్తే యష్ లాగే ఉన్నాడు.
దీనిని ఫ్యాన్స్ స్క్రీన్ షాట్ తీసి కెజిఎఫ్ లో యష్ తో పోల్చుతున్నారు. సలార్ ట్రైలర్ లో కనిపించింది యష్ అని.. సలార్ కెజిఎఫ్ క్రాసోవర్ కి ప్రశాంత్ నీల్ ఇచ్చిన మరో హింట్ అని అంటున్నారు. కెజిఎఫ్ చిత్రంలో కూడా యష్ ని సుల్తాన్ అంటూ అభివర్ణించడం చూశాం. సుల్తాన్ అనే పాట కూడా ఉంది. ఇవే ఇప్పుడు సలార్, కెజిఎఫ్ క్రాసోవర్ పై అంచనాలు పెంచేస్తున్నాయి.
అయితే ట్రైలర్ లో కనిపించింది యష్ కాదని జగపతి బాబు అని మరికొందరు అంటున్నారు. ఏది ఏమైనా సలార్ సెకండ్ ట్రైలర్ అంచనాలని రగిల్చేసింది అనే చెప్పాలి. ప్రభాస్ ని స్టైలిష్ గా చూపిస్తూనే యాక్షన్ సీన్స్ లో గూస్ బంప్స్ తెప్పిస్తున్నారు. అసలు సలార్ లో యష్ ఉన్నడా లేడా.. సలార్ కెజిఎఫ్ క్రాసోవర్ ఉందా అనే ప్రశ్నలతో అభిమానులు తలలు బాదుకుంటున్నారు.