డ్రంక్ అండ్ డ్రైవ్ లో హైదరాబాద్ పోలీసులకు పట్టుబడిన జబర్దస్త్ లవ్ బర్డ్స్ వర్ష, ఇమ్మానియేల్

జబర్దస్త్ లవ్ బర్డ్స్ వర్ష, ఇమ్మానియేల్ హైదరాబాద్ లో పోలీసుల డ్రంక్ అండ్ డ్రైవ్ తనిఖీల్లో దొరికారు. కారులో ప్రయాణిస్తున్న వీరిద్దరికి పోలీసులు బ్రీత్ ఎనలైజర్ టెస్ట్ నిర్వహించారు. దీనితో వర్ష, ఇమ్మానియేల్ అడ్డంగా బుక్ అయ్యారు. 

జబర్దస్త్ క్రేజీ కపుల్ గా వర్ష, ఇమ్మానియేల్ ఉన్నారు. వీరిద్దరూ తమకు తాము ప్రేమికులుగా ప్రకటించుకున్నారు. ప్రత్యక్షంగా చెప్పకున్నా పరోక్షంగా ఇద్దరూ ప్రేమికులుగా వ్యవహరిస్తున్నారు. జబర్దస్త్ స్కిట్స్ లో వీరి లవ్ స్టోరీలు చాలా ప్రత్యేకం. చాల కాలంగా వీరు బుల్లి తెర ప్రేక్షకుల దృష్టిలో ప్రేమికులుగా ఉన్నారు. 

వర్ష రాకతో ఇమ్మానియేల్ కెరీర్ మారిపోయింది. వర్ష అతని వెంట తిరుగున్నప్పటి నుండి అతడికి అధికంగా అవకాశాలు దక్కుతున్నాయి. బుల్లితెర ఈవెంట్స్ లో ఇమ్మానియేల్ ప్రేమ, అభిమానంపై వర్ష చేసే కామెంట్స్ వైరల్ అవుతూ ఉంటాయి. అదే సమయంలో సీరియల్ నటిగా ఏళ్లుగా నటించినా రాని గుర్తింపు వర్షకు జబర్దస్త్ తో దక్కింది. 

ఇక వీరు బయట కూడా చట్టాపట్టాలేసుకుని తిరుగుతున్నారని తెలుస్తుంది. గత ఎపిసోడ్ లో జడ్జి రోజా వీరి పర్సనల్ పిక్ బయటపెట్టారు. ఇద్దరూ కలిసి కారులో షికార్లు కొడుతుండగా ఎవరో ఫోటో తీశారు. ఆ ఫోటో చూపిస్తూ వర్ష, ఇమ్మానియేల్ ని రోజా నిలదీశారు.

ఓ షూటింగ్ జరుగుతుండగా హెల్త్ ప్రాబ్లెమ్ రావడంతో ఇమ్మానియేల్ కి కాల్ చేశాను. అతడు వచ్చి తీసుకెళ్లాడు. అదే జరిగిందని వివరణ ఇచ్చారు. ఇక తాజా సంఘటనలో వీరు పోలీసులకు దొరికారు. డ్రంక్ అండ్ డ్రైవ్ కేసులో పట్టుబడ్డారు. 

అయితే ఇది నిజం కాదు లెండి. ఓ స్కిట్ కోసం వర్ష, ఇమ్మానియేల్ ఓ స్కిట్ లో అలా నటించారు. మరి కొద్ది రోజుల్లో న్యూ ఇయర్ సెలెబ్రేషన్స్ రానున్నాయి. యువత అతిగా తాగి మితిమీరిన వేగంతో వాహనాలతో రోడ్లపై చక్కర్లు కొడుతూ ఉంటారు. అలా చేయకూడని అవగాహన కల్పించడం కోసం ఓ స్పెషల్ స్కిట్ చేశారు.

జబర్దస్త్ వేదికపై కాకుండా.. హైదరాబాద్ రోడ్లపై ఈ స్కిట్ చేశారు. డ్రంక్ అండ్ డ్రైవ్ లో పట్టుబడ్డ వారిగా రామ్ ప్రసాద్, ఇమ్మానియల్, వర్ష కనిపించారు. ఇక పోలీస్ గెటప్ లో 30 ఇయర్స్ పృథ్వి చేశారు. వచ్చే వారం ప్రసారం కానున్న జబర్దస్త్ ప్రోమోలో ఈ విషయాలు చోటుచేసుకున్నాయి. 

Also read Lakshmi Manchu: ప్రమాదానికి గురైన మంచు లక్ష్మీ.. శరీరంపై గాయాలు, ఏం జరిగిందంటే?