డాక్టర్ కాళ్ళమీద పడి అడుక్కుంటే ఆ మాట అన్నారు, నా భార్య ఇంకా ఏడుస్తోంది.. ముక్కు అవినాష్ భావోద్వేగం 

2021లో ముక్కు అవినాష్ వివాహ బంధంలోకి అడుగుపెట్టాడు. అనూజ అనే అమ్మాయిని పెళ్లి చేసుకున్నాడు. అంతా బాగా జరిగి ఉంటే ఇప్పటికే ముక్కు అవినాష్ దంపతులు తల్లిదండ్రులు అయ్యేవారు.

ముక్కు అవినాష్ కి జబర్దస్త్ షో గుర్తింపు తీసుకువచ్చింది. అయితే బిగ్ బాస్ 4 లో పాల్గొన్న తర్వాత అవినాష్ కెరీర్ లో మరింత బిజీ అయ్యాడు. నాలుగు రాళ్లు వెనకేసుకుంటున్నాడు. జబర్దస్త్ ఆఫర్స్ రాకముందు, కోవిడ్ సమయంలో అవినాష్ తీవ్ర మానసిక వేదన అనుభవించాడట. అయితే శ్రీముఖి, చమ్మక్ చంద్ర లాంటి వాళ్ళు సహాయం చేయడంతో బిగ్ బాస్ కి వెళ్లి మరింత పాపులర్ అయ్యాడు.    

2021లో ముక్కు అవినాష్ వివాహ బంధంలోకి అడుగుపెట్టాడు. అనూజ అనే అమ్మాయిని పెళ్లి చేసుకున్నాడు. అంతా బాగా జరిగి ఉంటే ఇప్పటికే ముక్కు అవినాష్ దంపతులు తల్లిదండ్రులు అయ్యేవారు. కానీ అవినాష్, అనూజ జీవితంలో విషాదం చోటు చేసుకుంది. 

అవినాష్ సతీమణి గర్భవతి కావడం.. తన బేబీ బంప్ ఫొటోస్ ని సోషల్ మీడియాలో షేర్ చేయడం చూశాం. తల్లి దండ్రులు అయ్యే క్షణం కోసం ఎదురు చూస్తున్న తరుణంలో ఊహించని పిడుగు లాంటి సంఘటన జరిగింది. గర్భంలోనే శిశువు మరణించింది. అది కూడా డెలివరీకి ఒక్కరోజు ముందు. 

ఈ సంఘటన గురించి తాజాగా ఇంటర్వ్యూలో ముక్కు అవినాష్ భావోద్వేగానికి గురవుతూ తెలిపారు. నేను షూటింగ్ లో ఉండగా ఫోన్ వచ్చింది. ఆసుపత్రికి వెళితే బిడ్డ ఉమ్మ నీరు తాగి మారణించిందని డాక్టర్ తెలిపారు. బేబీకి హార్ట్ బీట్ లేదని తేల్చారు. దీనితో ఏం చేయాలో అర్థం కాలేదు. నేను ఎలా బిహేవ్ చేస్తున్నానో కూడా నా కంట్రోల్ లో లేదు. 

డాక్టర్ కాళ్లపై పడి ఎలాగైనా బిడ్డని బతికించండి అని వేడుకున్నా. హార్ట్ బీట్ లేకుంటే ఎవరైనా ఏం చేయగలం అని డాక్టర్ అన్నారు. ఆ బాధలో రోడ్లపై పిచ్చోడిలా తిరిగా. నేను నానా భార్య ఎన్నో కలలు కాన్నాం. కానీ ఫస్ట్ ప్రెగ్నన్సీ ఇలా జరగడంతో ఒక్కొక్కరు ఒక్కోలా చెబుతున్నారు. నేను నా భార్య అయితే జాగ్రత్తగానే ఉన్నాం అని ముక్కు అవినాష్ తెలిపాడు. 

బాబు పుడితే ఏ పేరు పెట్టాలి, పాప పుడితే ఏ పేరు పెట్టాలి అని నేను నా భార్య రోజూ సంతోషంగా కలలు కనేవారం. నా భార్య అయితే బిడ్డ గురించి చాలా ఊహించుకుంది. ఆమె ఇప్పటికి రాత్రిళ్ళు ఏడుస్తూనే ఉంది అని అవినాష్ తెలిపాడు. 

చనిపోయిన బిడ్డని బయటకి తీసినప్పుడు చూశా. బాబు నా పోలికలతోనే ఉన్నాడు అని అవినాష్ ఎమోషనల్ అయ్యాడు. అభిమానులు,స్నేహితుల మద్దతుతోనే కోలుకోగలిగా అని తెలిపాడు.