శ్రుతి హాసన్, రాశి ఖన్నాతో పాటు.. ప్లే బ్యాక్ సింగర్లుగా మారిన హీరోయిన్ల గురించి మీకు తెలుసా..?

ఫిల్మ్ ఇండస్ట్రీలో కెరీర్ ఒకేరూట్ లో తీసుకెళ్ళేవారు కొంత మంది అయితే...మల్టీ టాలెంట్ తో ఎదిగేవారు మరికొంత మంది. చాలామంది యాక్టర్స్ గానే కాకుండా.. నిర్మాతలుగా,దర్శకులుగా, సింగర్లుగా ఇలా రకరకాల పాత్రలు పోషిస్తున్నారు. ఇక ఇప్పుడు  సింగర్లుగా మారిన హీరోయిన్ల గురించి చూద్దాం.   

ఫిల్మ్ ఇండస్ట్రీలో హీరోయిన్లు మల్టీ టాలెంటెడ్ అని నిరూపించుకుంటున్నారు. చాలామంది తారలు గ్లామన్ తో ఆకట్టుకోవడమే కాకుండా.. గాత్రంతో మైమరపింపచేస్తున్నారు. ప్రస్తుతం ఉన్న జనరేషన్ లో హీరోయిన్లు అప్పుడప్పుడు గొంత సవరించి పాటలు కూడా పాడుతున్నారు. అలా సింగర్లుగా మారిన హీరోయిన్లు ఎవరు..? ఇప్పుడు చూద్దాం. 

హీరోయిన్లు సింగర్లు అంటే ముందుగా గుర్తుకు వచ్చే పేరు మమతా మోహన్ దాస్. హీరోయిన్ గా మంచి ఇమేజ్ సాధించిన ఈ బ్యూటీ.. సింగర్  గా కూడా అంతే స్టార్ డమ్ ను సాధించింది.  బుల్లితెరపై  కెరీర్ లో సక్సెస్ ఫుల్ గా రాణిస్తున్న సమయం లో ఆమె వెండితెర వైపుకు వచ్చారు. పాటలు పాడడం లో ఆమెకు ఆమే సాటి.  రాఖి టైటిల్ సాంగ్, శంకర్ దాదా జిందాబాద్ లో ఆకలేస్తే అన్నం పెడతా సాంగ్, ఇంకా జగడం లో 36-26-24 లాంటి అద్భుతమైన పాటలు పాడిన మమత.. యంమదొంగ, చింతకాయల రవి లాంటి సినిమాల్లో తఅంతే అద్భుతమైన నటన చూపించింది. 

ఇక శృతి హాసన్ గురించి ప్రత్యేకంగా చెప్పాల్సిన అవసరం లేదు.. కమల హాసన్ వారసురాలిగా ఇండస్ట్రీలోకి హీరోయిన్ గా ఎంటర్ అయిన శ్రుతి... తన సొంత ఇమేజ్ తో ఎదిగింది. తన టాలెంట్ ను ప్రూవ్ చేసుకుంటూ స్టార్ హీరోయిన్ గా పేరు తెచ్చుకున్నారు. అంతే కాదు శృతి హాసన్ మంచి నటి..మంచి సింగర్ కూడా. ఒక రకంగా చెప్పాలంటే శృతికి నటనకంటే సింగింగ్ అంటేనే ఎక్కువ మక్కువ. ఆమె ఎంత చక్కగా పాటలు పాడతారో  తెలియాలంటే... హే రామ్, ఈనాడు, లక్, ఓ మై ఫ్రెండ్, త్రీ , ఆగడు, రేసు గుర్రం, పులి సినిమాలతో శృతి పాడిన పాటులు వినాలి. 
‌

ప్రస్తుతం మంచి ఫామ్ లో ఉన్న హీరోయిన్లలో  రాశి ఖన్నా ఒకరు.. ఈమె మంచి నటి మాత్రమే కాదు మంచి  సింగర్ కూడా. రాశి ఖన్నా చాలా చక్కగా పాటలు పాడుతుంది.  ఊహలు గుస గుస లాడే సినిమాతో కెరీర్ స్టార్ట్ చేసిన రాశి....  తెలుగుఆడియన్స్ కు బాగా దగ్గర అయ్యింది. అప్పటి నుంచి ఇప్పటి వరకూ గెలుపోటములు చూసుకోకుండా వరుస సినిమాలు చేసుకుంటూ పోతుంది రాశీ ఖన్నా. ఇక  జోరు, విలన్ సినిమాలలో టైటిల్ సాంగ్స్ లో రాశి ఖన్నా ప్లే బ్యాక్ సింగర్ గా పాడింది. అంతే కాదు బాల కృష్ణుడు సినిమా లో తరిరా సాంగ్, జవాన్ సినిమా లో బాగారు సాంగ్స్ కి కూడా వాయిస్ ను ఇచ్చింది.

సింగర్ గా.. హీరోయిన్ గా రాణించిన వారిలో ఆండ్రియా కూడా ఉంది. పాటలు అంతే ఆమెకున్నంత ఫ్యాషన్ ఇంకెవరికీ లేదు అనే చెప్పాలి.   సింగర్ గానే కాదు, నటి గా కూడా ఆండ్రియా అద్భుతమైన ప్రతిభ కనపరిచింది. . అపరిచితుడు సినిమా లో కన్నుమ్ కన్నుమ్ నోకియా తో పాటు  బొమ్మరిల్లు లో వుయ్ హావ్ ఏ రోమియో, దడ లో దివాలి దీపాన్ని సాంగ్ , భరత్ అనే నేను సినిమాలోఇది కలలా ఉన్నదే. పాటకి కూడా ఆండ్రియా వాయిస్ ఇచ్చింది. ఆండ్రియా పాడిన పాటలన్నీ సూపర్ హిట్ అయ్యాయి. ఇక నటిగా తమిళ,తెలుగు సినిమాల్లో అద్బుతంగా నటించి చూపించింది బ్యూటీ. 

నిత్యా మీనన్ గురించి ప్రత్యేకంగా చెప్పేది ఏముంటుంది. ఆమె మల్టీ టాలెంటెడ్ అని అందరికి తెలుసు. అలా మొదలైంది సినిమా తో టాలీవుడ్  లోకి ఎంట్రీ ఇచ్చిన నిత్యా మీనన్... నటి మాత్రమే కాదు మంచి సింగర్ కూడా . యాక్టింగ్ పరం గా నిత్యా మీనన్ తన ప్రతిభను ఎలా చూపించిందో.. సింగర్ గా కూడా అలానే తన ప్రతిభ చాటుకుంది.  స్క్రీన్ ప్రెజన్స్ తో పాటు ఇష్క్, 24 , గుండె జారీ గల్లతయ్యిందే, జబర్దస్త్ వంటి సినిమాల్లో సింగర్ గా కూడా టాలెంట్ ను ప్రూవ్ చేసుకుంది.