పూరి జగన్నాధ్ తన కెరీర్ లో ఎప్పుడో మహర్దశ దాటేశారు. బద్రి, ఇడియట్, పోకిరి, అమ్మా నాన్న ఓ తమిళమ్మాయి ఇలా పూరి జగన్నాధ్ ఎన్నో బ్లాక్ బస్టర్స్ అందించారు.
పూరి జగన్నాధ్, విజయ్ దేవరకొండ కాంబినేషన్ లో వచ్చిన లైగర్ చిత్ర యూనిట్ మొత్తానికి ఒక పీడ కలగా మారిపోయింది. పూరి జగన్నాధ్, విజయ్ దేవరకొండ, ఛార్మి, అనన్య పాండే ఇలా ఈ చిత్రంలో ఇన్వాల్వ్ అయిన ఎవరిని వదలకుండా నెటిజన్లు దారుణంగా ట్రోలింగ్ చేశారు. లైగర్ చిత్రం పూరి జగన్నాధ్ కి ఆర్థిక కష్టాలు కూడా తెచ్చిపెట్టింది.
లైగర్ ప్రభావం నుంచి బయటపడి పూరి నెక్స్ట్ ప్రాజెక్టు ఎవరితో చేస్తారనే ఆసక్తి నెలకొంది. పూరి జగన్నాధ్ తన కెరీర్ లో ఎప్పుడో మహర్దశ దాటేశారు. బద్రి, ఇడియట్, పోకిరి, అమ్మా నాన్న ఓ తమిళమ్మాయి ఇలా పూరి జగన్నాధ్ ఎన్నో బ్లాక్ బస్టర్స్ అందించారు. ఇటీవల ఇస్మార్ట్ శంకర్ మినహా పూరి నుంచి చెప్పుకోదగ్గ చిత్రం రాలేదు.
అయితే పూరి జగన్నాధ్ యూట్యూబ్ వీడియోల ద్వారా అనేక విషయాలు అభిమానులతో పంచుకుంటున్న సంగతి తెలిసిందే. తాజాగా పూరి హీరోయిన్ రక్షిత గురించి మాట్లాడుతూ వీడియో రిలీజ్ చేశారు. ఈ వీడియోలో రక్షిత గురించి ఓ ఆసక్తికర విషయాన్ని వివరించారు. ఈ సంఘటన ఇడియట్ షూటింగ్ లో చోటు చేసుకుందట.
ఇడియట్ లో ఏడవాల్సిన సీన్ లో రక్షిత పగలబడి నవ్వుతోంది. దీనితో నాకు కోపం వచ్చి రక్షిత నువ్వు ఫోకస్ చేయడం లేదు. ఇలాగైతే నెక్స్ట్ మూవీలో నేను నీకు క్యారెక్టర్ రాయను అని కోపంగా చెప్పాను. వెంటనే రక్షిత.. ఎందుకు రాయరు.. చంపేస్తాను రాయకపోతే. నీ తర్వాతి చిత్రాల్లో 10 చిత్రాల్లో నేనే నటిస్తా. ఇప్పుడు నీకు ఏం కావాలో సరిగ్గా చెప్పి చావు' అంటూ నాపై విరుచుకుపడింది.
దీనితో ఆమె రెస్పాన్స్ కి అక్కడ ఉన్న వారంతా చప్పట్లు కొట్టారు. ఆమె మాటలకు నేను కూడా నవ్వేశాను. ఇంకొకరైతే నేను అన్న మాటలకూ ఏడుస్తూ సెట్స్ నుంచి వెళ్ళిపోయేవారు. కానీ రక్షిత అలా భావించలేదు. జీవితంలో పాజిటివ్ యాటిట్యూడ్ చాలా అవసరం. ఆరోజు రక్షిత గట్టిగా అరిచినప్పటికీ ఆమె పాజిటివ్ గా మాట్లాడింది అంటూ పూరి జగన్నాధ్ ప్రశంసలు కురిపించారు.
రక్షిత పూరి దర్శకత్వంలో ఇడియట్, శివమణి, ఆంధ్రావాలా లాంటి చిత్రాల్లో నటించింది. ఇడియట్ చిత్రం ఆమెకు పెద్ద బ్రేక్ ఇచ్చింది. ఎదుటి వారు కోపంగా ఉన్నపుడు మనం ఎలా రియాక్ట్ అవుతున్నాం అనేది చాలా ముఖ్యం అని పూరి అన్నారు.