Suriya Jyothika Net Worth: సూర్య-జ్యోతిక ఆస్తుల విలువ ఎంతో తెలుసా? రిచ్చెస్ట్ కపుల్‌ అంటే వీరే

Suriya Jyothika: మూడు దశాబ్దాలుగా తన కష్టంతో, నటన పట్ల అంకితభావంతో సూర్య ఓ పెద్ద సామ్రాజ్యాన్నే సృష్టించుకున్నారు. మరి ఈ స్టార్ హీరో ఆస్తి విలువ ఎంతో తెలుసా? ఆ వివరాలు చూద్దాం.

శరవణన్ నుంచి సూర్య వరకు

సూర్య అసలు పేరు శరవణన్ శివకుమార్. 90వ దశకం చివర్లో ఆయన సినిమాల్లోకి వచ్చారు. నిజానికి అజిత్ కుమార్ చేయాల్సిన 'నేరుక్కు నేర్' సినిమాతో సూర్య తన ప్రయాణం మొదలుపెట్టారు. అప్పటి నుంచి 'పేరళగన్', 'ఫ్రెండ్స్', 'సింగం', 'కాక్క కాక్క', 'జై భీమ్' వంటి ఎన్నో హిట్లతో సౌత్ ఇండియాలోనే గొప్ప నటుడిగా ఎదిగారు. ఆ తర్వాత నటి జ్యోతికని ప్రేమించి పెళ్లి చేసుకున్నారు. వీరికి ఇద్దరు సంతానం.  మరి సూర్య, జ్యోతికల ఆస్తులు ఎంత ఉంటాయో తెలుసా?

రూ.350 కోట్లకు పైగా ఆస్తి

ప్రస్తుతం నటుడు సూర్య ఆస్తి విలువ సుమారు రూ.350 కోట్లకు పైనే ఉంటుందని అంచనా. కేవలం సినిమాలే కాదు, ఇన్వెస్టిమెంట్‌ కూడా ఆయన ఆర్థిక వృద్ధికి కారణం. 'సూరరై పోట్రు', 'జై భీమ్' వంటి గొప్ప చిత్రాలను నిర్మించిన ఆయన నిర్మాణ సంస్థ 2డీ ఎంటర్‌టైన్‌మెంట్‌ సినిమా రంగంలో ఒక ముఖ్యమైన గుర్తుగా మారింది. చెన్నై, ముంబైలలో విలాసవంతమైన ఇళ్లు, ఖరీదైన కార్ల కలెక్షన్‌తో ఆయన లగ్జరీ లైఫ్‌ని లీడ్‌ చేస్తున్నారు. 

ఇండస్ట్రీలో సక్సెస్‌ఫుల్ జంట

సూర్య, జ్యోతిక జంటను ఇండియాలోనే బెస్ట్ స్టార్ కపుల్స్‌లో ఒకటిగా పరిగణిస్తారు. వీరిద్దరి ఉమ్మడి ఆస్తి విలువ సుమారు రూ.537 కోట్లకు పైగా ఉంటుందని సమాచారం. ఈ జంట ఇటీవల ముంబైకి మకాం మార్చారు. అక్కడ వీరు కొన్న ఇంటి విలువ  దాదాపు రూ.70 కోట్లు ఉంటుందని సమాచారం. ఇక జ్యోతిక వ్యక్తిగత ఆస్తి విలువ సుమారు రూ.331 కోట్లుగా అంచనా వేస్తున్నారు. 'కంగువ' సినిమా ఆశించిన విజయం సాధించకపోయినా, సూర్య మార్కెట్ విలువ మాత్రం బలంగానే ఉంది. ఒక నటుడిగా తన సంపాదనను సరిగ్గా వాడుకుంటూ, నిర్మాతగా, పెట్టుబడిదారుడిగా ఆయన ఎదుగుతున్న తీరు యువ నటులకు ఆదర్శం. చాలా కాలం తర్వాత వచ్చిన 'కరుప్పు' సినిమా బాక్సాఫీస్ వద్ద హిట్ అవ్వడంతో, సూర్య మార్కెట్ మళ్లీ పుంజుకుంది. ఈ సినిమాతో ఆయన అభిమానులను కాలర్‌ ఎగరేలా చేశారు. తన పట్టుదలతో ఎన్నో అడ్డంకులను దాటుతున్న సూర్య, భవిష్యత్తులో మరిన్ని విజయాలు సాధిస్తారనడంలో సందేహం లేదు. (గమనిక: ఈ కథనంలో పేర్కొన్న ఆర్థిక వివరాలు పబ్లిక్‌గా అందుబాటులో ఉన్న  రిపోర్ట్ ల ఆధారంగా అంచనా వేయబడినవి.)