మహేష్ వైఫ్ నమ్రత శిరోద్కర్ వైవాహిక జీవితం పై కీలక వ్యాఖ్యలు చేశారు. ఆమె పలు ఆసక్తికర విషయాలు వెల్లడించారు. మొదటిసారి సినిమా ఎందుకు వదిలేశారో చెప్పిన నమ్రత కామెంట్స్ వైరల్ అవుతున్నాయి.
టాలీవుడ్ బెస్ట్ కపుల్ అంటే టక్కున మహేష్-నమ్రత శిరోద్కర్ పేరు చెబుతారు. 17 ఏళ్లుగా వారు పాలు నీళ్లలా కలిసి ఉంటున్నారు. ఒకరి అభిప్రాయాలు మరొకరు గౌరవిస్తూ అన్యోన్య దంపతులుగా పేరు తెచ్చుకున్నారు. ఒక కామన్ ఉమన్ మాదిరి పెళ్లయ్యాక నమ్రత గృహిణిగా మారిపోయారు. సినిమాతో పాటు తన కెరీర్ వదిలేశారు.
హీరోయిన్ కావడం చిన్న విషయం కాదు. అదొక పెద్ద యజ్ఞం. ఎవరూ ఊహించని విధంగా నమ్రత మహేష్ కోసం, ఆయన ప్రేమ కోసం తృణప్రాయంగా వదిలేసింది. మరి సినిమా వదిలేసిన నమ్రతలో ఏదైనా అసహనం ఉందా? హీరోయిన్ గా నటించాలనే కోరిక కోరిక అణుచుకుందా? మహేష్ తో వైవాహిక జీవితంపై నమ్రత కామెంట్ ఏమిటీ?
ఈ ప్రశ్నలకు నమ్రత(Namrat Shirodhkar) సమాధానం చెప్పారు. ఇష్టపూర్తిగా సినిమా వదిలేసినట్లు నమ్రత వెల్లడించారు. నాకు మోడలింగ్ అంటే ఇష్టం. అందుకే ఆ కెరీర్ ఎంచుకున్నాను. కొన్నాళ్ల తర్వాత మోడలింగ్ బోర్ కొట్టింది. దాంతో హీరోయిన్ గా ప్రయత్నాలు చేసి సక్సెస్ అయ్యాను. నటిగా ప్రతి మూమెంట్ నేను ఇష్టపడి చేశాను, ఆస్వాదించాను.
ఆ ప్రయాణంలోనే మహేష్ (Mahesh Babu)నాకు పరిచయం అయ్యాడు. ప్రేమించి మహేష్ ని పెళ్లి చేసుకున్నాను. మహేష్ ని వివాహం చేసుకోవాలని నిర్ణయం తీసుకున్న రోజు జీవితంలో మర్చిపోలేను. ఆ రోజు చాలా సంతోషంగా ఫీలయ్యాను. మహేష్ కి భార్య ఎలా ఉండాలో పూర్తి స్పష్టత ఉంది. అందుకే నేను సినిమాలు మానేశాను. పెళ్లి తర్వాత కూడా ఆఫర్స్ వచ్చాయి. నటించాలనే కోరిక నాకు కొంచెం కూడా లేదు. అందుకే ఆఫర్స్ తిరస్కరించాను.
ఇద్దరు పిల్లలు కన్నాక జీవితం పూర్తిగా మారిపోయింది. ఆ మాతృత్వపు అనుభూతి నేను ఆస్వాదించాను. మా ఇద్దరి మధ్య ఎలాంటి గొడవలు జరగవు. ఏదైనా గొడవైతే అది పిల్లల కారణంగానే. గౌతమ్, సితార ఏం కావాలన్నా మహేష్ ని అడుగుతారు. మహేష్ అభ్యంతరం చెప్పకుండా కొనిపెడతాడు. నేను వద్దని కోప్పడతాను. అలా సరదా గొడవలు చోటు చేసుకుంటాయి... అని నమ్రత చెప్పుకొచ్చారు.
2005లో మహేష్-నమ్రత ప్రేమ వివాహం చేసుకున్నారు. వంశీ మూవీలో జతకట్టిన ఈ జంట ఆ చిత్ర సెట్స్ లో ప్రేమలో పడ్డారు. వీరి వివాహం గోప్యంగా జరిగింది. కేవలం కుటుంబ సభ్యులు మాత్రమే హాజరయ్యారు. నమ్రతని మహేష్ పెళ్లి చేసుకోవడం కృష్ణకు ఇష్టం లేదనే ఒక వాదన ఉంది.
నమ్రత బెస్ట్ వైఫ్ అండ్ మదర్. గొప్ప బిజినెస్ ఉమన్ కూడాను. నమ్రత జీవితంలోకి వచ్చాక మహేష్ కెరీర్ కీలక మలుపులు తీసుకుంది. కొన్నాళ్లుగా నమ్రత మహేష్ కి అనధికారిక మేనేజర్ గా వ్యవహరిస్తున్నారు. మహేష్ సంపాదన వ్యాపారాల వైపు మళ్ళిస్తూ వృద్ధి చేస్తున్నారు.