Mrunal Thakur: హీరోయిన్స్ ఆ విషయంలో అసలు మొహమాట పడకూడదు... సీతారామం బ్యూటీ మృణాల్ ఠాకూర్ హాట్ కామెంట్స్!

సీతారామం ఫేమ్ మృణాల్ ఠాకూర్ హీరోయిన్స్ రెమ్యూనరేషన్స్ ఉద్దేశించి కీలక వ్యాఖ్యలు చేశారు. మొహమాటం లేకుండా డిమాండ్ చేయాలని హితవు పలికారు.   

Mrunal Thakur

మహారాష్ట్రకు చెందిన మృణాల్ ఠాకూర్(Mrunal Thakur) సీరియల్ నటిగా కెరీర్ ప్రారంభించారు. బుల్లితెర ద్వారా వచ్చిన ఫేమ్ తో హీరోయిన్ అయ్యారు.మరాఠీ చిత్రం విట్టి దండు తో సిల్వర్ స్క్రీన్ కి పరిచయమయ్యారు. మృణాల్ కి హిందీ మూవీ లవ్ సోనియా బ్రేక్ ఇచ్చింది. వరుసగా సూపర్ 30, బాట్లా హౌస్ వంటి చిత్రాల్లో హీరోయిన్ గా నటించారు. 

రొమాంటిక్ లవ్ అండ్ ఎమోషనల్ ఎంటర్టైనర్ సీతారామం(Sitaramam) మూవీలో సీతగా మృణాల్ తెలుగు ఆడియన్స్ మనసులు దోచేశారు. దుల్కర్ సల్మాన్ హీరోగా నటించిన సీతారామం భారీ విజయం సాధించింది. సీతారామం సక్సెస్ నేపథ్యంలో మృణాల్ కి తెలుగులో క్రేజీ ఆఫర్స్ వస్తున్నాయని ప్రచారం జరుగుతుంది. 

ప్రస్తుతం హిందీ, మరాఠి చిత్రాల్లో హీరోయిన్ గా నటిస్తూ మృణాల్ బిజీగా ఉన్నారు. కాగా మృణాల్ ముక్కుసూటి మనిషి. ఆమె కామెంట్స్ కొంచెం బోల్డ్ గా ఉంటాయి. అసలు పెళ్లి చేసుకోవడం ఇష్టం లేదని చెప్పిన మృణాల్... ఒంటరిగా బ్రతకడమే ఉత్తమం అంటుంది. అలాగే పిల్లలు కావాలంటే ఖచ్చితంగా పెళ్లి చేసుకోవాలనే నియమం లేదంటూ షాకింగ్ కామెంట్స్ చేశారు. 

తాజాగా మరో డేరింగ్ కామెంట్ ఆమె చేశారు. హీరోయిన్స్ రెమ్యూనరేషన్స్ విషయంలో మొహమాటం లేకుండా నిక్కచ్చిగా ఉండాలి అన్నారు. పరిశ్రమలో హీరోయిన్స్ రెమ్యూనరేషన్ వాళ్లకున్న డిమాండ్, మార్కెట్ పై ఆధారపడి ఉంటుంది. అయితే రెమ్యూనరేషన్ అడిగే విషయంలో హీరోయిన్స్ అయోమయానికి గురవుతున్నారు. ఆ పరిస్థితి నుండి బయటపడాలి. 

సినిమా రెమ్యూనరేషన్ ముందుగానే గట్టిగా, నీవు ఎంత కావాలి అనుకుంటున్నావో స్పష్టంగా చెప్పాలి. అప్పుడే కెరీర్ పై నీకు ఎంత కాన్ఫిడెంట్ ఉందో తెలుస్తుంది. కాబట్టి హీరోయిన్స్ పారితోషికంగా గట్టిగా అడిగి నిర్మాతల నుండి రాబట్టాలని ఇతర హీరోయిన్స్ కి సలహా ఇస్తున్నారు. 

నిజానికి రెమ్యూనరేషన్స్ అనేది పరిశ్రమలో సెన్సిటివ్ మేటర్. దీని గురించి బహిర్గతంగా మాట్లాడేందుకు ఫార్మ్ లో ఉన్న హీరోయిన్స్ ధైర్యం చేయరు. పొరపాటున వివాదాల్లో చిక్కుకుంటే కెరీర్ కి ట్రబుల్ అవుతుందని భావిస్తారు. మృణాల్ మాత్రం ధైర్యంగా మాట్లాడి, తాను ప్రత్యేకమని రుజువు చేసుకుంది. 

mrunal thakur

కాగా వెండితెర ఆఫర్స్ కోసం ప్రయత్నం చేస్తున్న రోజుల్లో అవమానాలు ఎదురయ్యాయని మృణాల్ గతంలో చెప్పారు. మట్టి కుండ మాదిరి నల్లగా ఉన్నావు అనేవారట. మట్కా(కుండ) అని నిక్ నేక్ కూడా పెట్టారని మృణాల్ చెప్పారు. సీరియల్ నటి అనగానే తక్కువ భావంతో చూసేవారు. కొన్ని భారీ ప్రాజెక్ట్స్ నుండి తప్పించారంటూ ఆమె వెల్లడించారు.