Balakrishna: బాలకృష్ణ బర్త్ డే సందర్భంగా ఆయనకు సంబంధించి ఎవరికీ తెలియని విషయాన్ని రివీల్ చేశారు దర్శకుడు గీతా కృష్ణ. వైజాగ్లో సీక్రెట్ రూమ్, అర్థరాత్రి పారిపోవడం గురించి వెల్లడించారు.
నందమూరి నటసింహం బాలకృష్ణ ఈ బుధవారం(జూన్ 10)న తన పుట్టిన రోజుని జరుపుకున్నారు. అభిమానులు గ్రాండ్గా సెలబ్రేట్ చేసుకున్నారు. అదే సమయంలో ఆయన నటించిన సూపర్ హిట్ సినిమాలు `భైరవద్వీపం`, `సమరసింహారెడ్డి`, `నరసింహనాయుడు` చిత్రాలు రీ రిలీజ్ అయ్యాయి. దీంతోపాటు ఎన్బీకే 111 నుంచి గ్లింప్స్ వచ్చింది. యాక్షన్ ప్రధానంగా సాగిన ఈ గ్లింప్స్ ఆకట్టుకుంది. బాలయ్యని నిజంగానే కొత్తగా ఆవిష్కరించింది. మొత్తంగా తన పుట్టిన రోజు సందర్భంగా అదిరిపోయే అభిమానులకు అదిరిపోయే ట్రీట్ ఇచ్చారు బాలయ్య.
25
బాలయ్య రియాలిటీ చెప్పిన దర్శకుడు
ఇదిలా ఉంటే బాలయ్య గురించి ఆసక్తికర విషయాలు బయటకు వచ్చాయి. ఆయన వ్యక్తిత్వానికి సంబంధించి చాలా విమర్శలు వస్తుంటాయి. అభిమానులను కొడతాడని, కోపంతో ఉంటాడని, ఆయనంటే హడల్ అనే కామెంట్ వినిపిస్తుంటుంది. తాజాగా ఈ విషయంపై దర్శకుడు గీతా కృష్ణ స్పందించాడు. బాలయ్య రియాలిటీ గురించి తెలిపారు. ఆయన భోళా మనిషి అని, నోటికి ఏది వస్తే అది మాట్లాడుతుంటాడని, నోరు కంట్రోల్ లేదన్నారు. అందుకే ఆయన తీరుపై తాను చురకలు అంటిస్తుంటానని వెల్లడించారు.
35
దర్శకుడితో కలిసి రాత్రి సిట్టింగ్లో బాలయ్య
`జననీ జన్మభూమి` సినిమా తీసేటప్పుడు ఇద్దరు కలిసి ఉన్నారట. కాకినాడ సమీపంలో రామచంద్రపురంలో ఉండేవారట. 60 రోజులు కలిసే ఓకే రూమ్లో ఉన్నట్టు తెలిపారు. అప్పుడు బాలయ్యకి పెద్దగా ఏమీ తెలియదని, సాయంత్రం అయ్యాక తామిద్దరం మందు సిట్టింగ్లో కూర్చునేవాళ్లమని చెప్పాడు. మంచి సరదా మనిషి అని మనసులో ఏది ఉండదన్నారు. పైకి వాగుతుంటాడు తప్ప లోపల ఏం ఉండదన్నారు. అదే ఆయన ఇమేజ్ని డ్యామేజ్ చేస్తుందని తెలిపారు.
అప్పట్లో విజయశాంతి భర్త శ్రీనివాస ప్రసాద్ బాలయ్య డేట్స్ చూసేవాడట. వైజాగ్లో పాపులారిటీ తగ్గిపోయిన ఒక ఫైవ్ స్టార్ హోటల్ ఉండేది. అందులో కేవలం బాలయ్యకి మాత్రమే ఒక రూమ్ ఇచ్చేవారు. ఆయన అందులోకి వెళ్లి ఉండేవారు. సాయంత్రం, మార్నింగ్ టైమ్లో బయటకు వెళ్లి సరదాగా ఎంజాయ్ చేసేవారు. జాగింగ్ చేసేవారు. ఇదంతా చాలా రహస్యంగా జరిగేది అని తెలిపారు గీతా కృష్ణ. ఆయన దర్శకత్వం వహించిన `సంకీర్తన` అనే సినిమా చేశారు. ఇందులో నాగార్జున హీరో. ఈ మూవీ చేశాక.. తనకు ఎందుకు ఇది చెప్పలేదని కోప్పడ్డాడట. ఆ తర్వాత మద్రాస్లో ఉన్నప్పుడు తన ఇంటి పక్కనే ఆయన ఇల్లు ఉండేదని, ఏంటి రావడం లేదని ఫైర్ అయ్యేవాడట. `కోకిల` సినిమా ఆడియో రిలీజ్ పెడితే తనని పిలవనందుకు కోప్పడ్డాడని వెల్లడించారు గీతా కృష్ణ.
55
బాలయ్యది క్రిమినల్ మైండ్ కాదు
బాలయ్య పైకి గాంభీర్యంగా ఉంటాడు కానీ, లోపల మెత్తని మనిషి అని, క్రిమినల్ మైండ్ ఆయనది కాదు అని తెలిపారు. కేరళాలో బాలయ్య ఓ సంఘటనలో దొరికిపోయారనే ప్రశ్నకి ఆయన స్పందిస్తూ దొరక్కపోతే వార్త, దొరికితే వార్తేంటి? ఇలాంటివి అక్కడ చాలా కామన్ అని తెలిపారు. ఏసియానెట్కి ఇచ్చిన ఎక్స్ క్లూజివ్ ఇంటర్వ్యూలో ఈ విషయాలను పంచుకున్నారు దర్శకుడు గీతా కృష్ణ. ఒకప్పుడు మంచి థ్రిల్లర్ మూవీస్ చేసి మెప్పించిన ఆయన దర్శకుడిగా గ్యాప్ తీసుకున్నారు. ఇప్పుడు మళ్లీ ఓ భారీ చిత్రంతో రాబోతున్నారు. వంద కోట్ల బడ్జెట్తో డేంజరస్ థ్రిల్లర్ని ప్లాన్ చేశారు. మహిళసాధికారత ప్రధానంగా ఈ మూవీ సాగుతుందని, ఇటీవల మహిళలపై జరిగిన సంఘటన నేపథ్యంలో ఈ మూవీ ఉంటుందని సమాచారం.
