బిగ్ బాస్ సీజన్ 6 కంటెస్టెంట్స్ ని నెటిజెన్స్ ఓ ఆటాడుకుంటున్నారు. గ్రాండ్ లాంచ్ ఎపిసోడ్ లో మంచి కాస్ట్యూమ్స్, మేకప్ తో ఎంట్రీ ఇచ్చిన కంటెస్టెంట్స్ అసలు రూపాలు బయటపడడంతో షాక్ అవుతున్నారు.
బిగ్ బాస్ సీజన్ 6 గత ఆదివారం గ్రాండ్ గా మొదలైంది. హోస్ట్ నాగార్జున కంటెస్టెంట్స్ ని ఒక్కొక్కరిగా ప్రేక్షకులకు పరిచయం చేశారు. చలాకీ చంటి, సింగర్ రేవంత్, నటుడు బాల ఆదిత్య, సీరియల్ నటి కీర్తి భట్, నువ్వు నాకు నచ్చావ్ ఫేమ్ పింకీ, నటి అభినయశ్రీ వంటి సెలెబ్రిటీలతో కూడిన 21 మంది కంటెస్టెంట్స్ హౌస్లోకి వెళ్లారు.
మూడు ఎపిసోడ్స్ పూర్తి కాగా నామినేషన్స్ ప్రక్రియ కూడా మొదలైంది. బిగ్ బాస్ ఇంటి సభ్యులతో క్లాస్-మాస్-ట్రాష్ టాస్క్ ఆడించారు. ఈ టాస్క్ లో ప్రతిభ ఆధారంగా ముగ్గురిని సేవ్ చేసిన బిగ్ బాస్ ముగ్గురిని ఎలిమినేషన్ కి నామినేట్ చేశాడు. బాల ఆదిత్య, ఇనయా సుల్తానా, అభినయశ్రీ ఎలిమినేషన్ కి నామినేట్ కాగా... గీతూ రాయల్, ఆది రెడ్డి, నేహా చౌదరి సేవ్ అయ్యారు.
ఇక నేటి ఎపిసోడ్ లో మరికొందరు ఎలిమినేషన్ కి నామినేట్ కానున్నారు. నామినేట్ అయిన ఇంటి సభ్యుల్లో ఒకరు ప్రేక్షకుల ఓట్లు ఆధారంగా ఎలిమినేట్ చేయబడతారు. మొదటివారం హౌస్ ని వీడే కంటెస్టెంట్ ఎవరనే ఉత్కంఠ కొనసాగుతుంది. లేడీ కంటెస్టెంట్ ఎలిమినేట్ అయ్యే సూచనలు కలవు. పలువురు ఇదే అంచనా వేస్తున్నారు.
కాగా కొందరు లేడీ కంటెస్టెంట్స్ మేకప్ లేకుండా భయపెడుతున్నారు. బుల్లితెర లేదా వెండితెరపై మేకప్స్ లో అందంగా కనిపించిన ఈ సెలెబ్రిటీలను మేకప్ లేకుండా చూసి షాక్ అవుతున్నారు. ఈ క్రమంలో వాళ్లపై ట్రోల్స్ మొదలయ్యాయి. సోషల్ మీడియాలో దీనిపై విపరీతమైన చర్చ నడుస్తుంది.
సీరియల్ నటి కీర్తి భట్, ఆరోహి రావు, గీతూ రాయల్, నేహా చౌదరి,ఫైమా లుక్స్ పై విపరీతమైన జోక్స్ పేలుతున్నాయి. ఫస్ట్ ఎపిసోడ్ లో చూసింది వీళ్లేనా అని కన్ఫ్యూజ్ అవుతున్నాం , వాళ్లకు కొంచెం మేకప్ వేయండయ్యా అంటూ సెటైర్లు వేస్తున్నారు. వాస్తవంగా కూడా మేకప్ లెస్ లుక్ లో కొందరు లేడీ కంటెస్టెంట్స్ ని గుర్తుపట్టడం కష్టంగా మారింది. అయితే సహజమైన అందాలను గౌరవించాల్సిందే. ప్రొఫెషన్ కోసం మేకప్, హౌస్ లో అవసరం లేదు. వీకెండ్ మాత్రం చక్కగా రెడీ అవుతారు.