Krishna Mukunda Murari: టెన్షన్ తో తలబద్దలు కొట్టుకుంటున్న మురారి.. ఢీ అంటే ఢీ అంటున్న అత్త కోడళ్ళు!

Krishna Mukunda Murari: స్టార్ మా లో ప్రసారమవుతున్న కృష్ణ ముకుందా మురారి సీరియల్ మంచి ఇంట్రెస్టింగ్ స్టోరీ తో ప్రేక్షకుల హృదయాలని గెలుచుకుంటుంది. విషయం తెలుసుకోకుండా మాటిచ్చిభార్యకి, పెద్దమ్మకి మధ్య నలిగిపోతున్న ఓ పోలీస్ ఆఫీసర్ కథ ఈ సీరియల్. ఇక ఈరోజు ఏప్రిల్ 19 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో నా మాట వినండి అని కృష్ణ తన వాదనని వినిపిస్తుంది, నా మాట విను అంటూ భవాని తన వాదన వినిపిస్తుంది. పెద్దవాళ్ల చాదస్థాన్ని  పట్టుకొని నాకు ఇచ్చిన మాట తప్పుతారా అంటుంది కృష్ణ. నిన్ను ఇంత పెంచి పెద్ద చేసినందుకు నాకు నువ్వు ఇచ్చే విలువ ఇదేనా నాకు కూడా మాట ఇచ్చావు గుర్తుంచుకో అంటుంది భవాని. ఇద్దరి వాదన వినలేక ఆపండి అని గట్టిగా అరుస్తూ బ్రమలోంచి బయటికి వస్తాడు. మరోవైపు కోడల్ని బయటికి తీసుకొచ్చి అసలు ఏం చేద్దాం అనుకుంటున్నావు,

 నీ కాపురానికే ఎసరు తెచ్చుకుందాం అనుకుంటున్నావా అంటూ కృష్ణ ని మందలిస్తుంది రేవతి. ఎలాంటి సమస్య రాదు నేను అన్ని ఏసిపి సర్ కి చెప్పే చేస్తున్నాను. ఈ పోరాటం వల్ల సమస్య వస్తే నాకే రావాలి కానీ ఇంట్లో ఎవరికి రాదు అంటుంది కృష్ణ. అంటే నీకు ఏమైనా జరిగితే నేను ప్రశాంతంగా ఉండగలనా అయినా ప్రశాంతంగా కాపురం చేసుకోకుండా నందిని బాధ్యతని నెత్తిమీద వేసుకున్నావు, నందిని పెళ్లి చేస్తాను అని వాళ్ల పెద్దమ్మకి మాట ఇచ్చాడు. మీ ఇద్దరి మధ్యన నాకు నిద్ర పట్టడం లేదు అంటూ కోపంగా అక్కడినుంచి వెళ్ళిపోతుంది రేవతి.

ఏసిపి సర్ కి పెద్ద అత్తయ్య అప్పజెప్పిన పని ఇదా, అందుకేనా ఇంత టెన్షన్ పడుతున్నారు. ఆయనకి ఎలాంటి టెన్షన్ లేకుండా  చేయాలి అనుకుంటుంది కృష్ణ. మరోవైపు నందిని పెళ్లి విషయం గురించి మాట్లాడుకుంటున్న భవాని వాళ్ళని చూసి కృష్ణతో మాట్లాడినందుకు తిడతారేమో అందుకే ముందుగా నేనే ఎదురుదాడి చేయాలి అనుకుని వాళ్ల దగ్గరికి వెళ్లి మీరు ఈ టైంకి పడుకుంటారు కదా ఇంకా పడుకోలేదు ఏదైనా సమస్య అని అడుగుతుంది.ఇక్కడేమీ జరగటం లేదు బిజినెస్ గురించే మాట్లాడుకుంటున్నాం అయినా నువ్వు పైనుంచి ఎందుకు వస్తున్నావు అని నేను అడుగుతానేమో అని నువ్వే ఎదురు ప్రశ్నలు వేసి అలసిపోయావు వెళ్లి పడుకో అంటూ తోటి కోడలికి మెత్తని చెప్పుతో కొట్టినట్టుగా చెప్తుంది భవాని.

మరోవైపు ఇద్దరికి మాట ఇచ్చాను పెళ్లికూతురు ఒక్కతే, కిరణ్ కి ఇచ్చి పెళ్లిచేయాలా ప్రేమించిన గౌతమ్ కి ఇచ్చి పెళ్లి చేయాలా అని ఆలోచనలో పడతాడు  మురారి. గదిలోకి వచ్చిన కృష్ణ ఆలోచనలో ఉన్న భర్తని చూసి నా వల్లే ఈ పరిస్థితి అని బాధపడుతుంది. భర్త దగ్గరికి వచ్చి రేపు మధ్యాహ్నానికి మీకు ఈ సంఘర్షణ ఉండదు, ఆ భారాన్ని నేను తీసుకుంటాను.మీ పెద్దమ్మ వల్ల వచ్చే ఏ సమస్య నైనా నేను మా భుజాల మీద వేసుకుంటాను అంటుంది కృష్ణ. అదంతా తేలికైన విషయం కాదు, ఇంటికి ప్రతిష్ట తెచ్చావు అంటూ పెద్దమ్మ ఎలాంటి నిర్ణయం తీసుకుంటుందో తెలుసా అంటాడు మురారి. 

ఒక సంవత్సరం తర్వాత ఇంట్లోంచి వెళ్లి పోవాల్సిందే ముందుగానే వెళ్ళిపోతాను కానీ ఒక ఆడపిల్లకి న్యాయం చేశానన్న తృప్తితో వెళ్ళిపోతాను అంతేకానీ మీ మీద ఈగ వాలనివ్వను. మీ పెద్దమ్మకి మీకు మధ్య ఎలాంటి విరోధము రాకుండా చూసుకుంటానని మీకు మాట ఇస్తున్నాను అని భర్తకి ధైర్యం చెప్పి భోజనానికి తీసుకువెళ్తుంది కృష్ణ. మరోవైపు నందినికి నచ్చిన వాడితో పెళ్లి జరగాలి అని దేవుడికి దండం పెట్టుకుంటుంది కృష్ణ. నేను చూసిన వాడితోనే నందిని పెళ్లి జరగాలి అని దండం పెట్టుకుంటుంది  భవాని. భగవంతుడు ఎప్పుడూ ధర్మం వైపే ఉంటాడు పెద్ద అత్తయ్య అంటుంది కృష్ణ.

ఆ ధర్మం నావైపే ఉంది అంటుంది భవాని. అనుభవం అనేది వయసు వల్ల వస్తుందా, అంతా చదివిన మీరెందుకు ఫెయిలయ్యారు అని అత్తగారిని నిలదీస్తుంది కృష్ణ. వయసుతో సంబంధం లేనిది అనుభవం కాదు అనుబంధం అంటుంది కృష్ణ. మీ అనుబంధం తో నాకు సంబంధం లేదు, రెక్కలు ఉన్నాయి కదా అని ఎగిరితే గూడు రాలిపోతుంది పిచ్చుక ఒంటరిగా అయిపోతుంది అప్పుడు బ్రహ్మాస్త్రం కూడా వేయక్కర్లేదు అంటుంది భవాని. బాగానే బెదిరించారు అంటుంది కృష్ణ. బాగా జీర్ణం చేసుకో అంటూ కోపంగా అక్కడి నుంచి వెళ్ళిపోతుంది భవాని. మరోవైపు అంతా అయిపోయింది పెళ్లి మండపానికి కూడా అందరూ బయలుదేరుతున్నారు, 

 రేపు నేను గౌతమ్ కి మొహం ఎలా చూపించేది అనుకుంటాడు కృష్ణ. అప్పుడే మురారి దగ్గరికి వచ్చిన భవాని పెళ్లి వాళ్ళకి ఎలాంటి మర్యాదలు చేయాలో చెప్తుంది. కృష్ణ రావడం గమనించి ఎట్టు పరిస్థితుల్లోని ఆ తింగరి పిల్లకి ఇవన్నీ తెలియకూడదు అంటుంది. తరువాయి భాగంలో ఇక్కడ పెళ్లి జరుగుతున్నట్లు మా ఆవిడకి కూడా తెలియనివ్వలేదు అంటాడు ప్రసాద్. కన్ఫ్యూజన్లో వాళ్లు కృష్ణ వాళ్ళు ఫాలో అవుతున్న కార్ ని మిస్ చేస్తాడు ఆటో డ్రైవర్.