20 ఏళ్ళ వయసులో జూ.ఎన్టీఆర్ చేసిన తప్పు, ఎన్నేళ్లు వేదన అనుభవించాడో తెలుసా, చివరికి కన్నీళ్లు పెట్టుకుని

యంగ్ టైగర్ ఎన్టీఆర్ ప్రస్తుతం వరుస పాన్ ఇండియా చిత్రాలతో బిజీగా ఉన్నారు. ఒకవైపు వార్ 2 చిత్రంలో హృతిక్ రోషన్ తో కలసి నటిస్తున్నారు. మరోవైపు ప్రశాంత్ నీల్ దర్శకత్వంలో భారీ బడ్జెట్ చిత్రం ఇటీవలే ప్రారంభం అయింది. 

Jr NTR

యంగ్ టైగర్ ఎన్టీఆర్ ప్రస్తుతం వరుస పాన్ ఇండియా చిత్రాలతో బిజీగా ఉన్నారు. ఒకవైపు వార్ 2 చిత్రంలో హృతిక్ రోషన్ తో కలసి నటిస్తున్నారు. మరోవైపు ప్రశాంత్ నీల్ దర్శకత్వంలో భారీ బడ్జెట్ చిత్రం ఇటీవలే ప్రారంభం అయింది. గత పదేళ్లుగా ఎన్టీఆర్ కి పరాజయం అనే మాటే లేదు. టెంపర్ చిత్రం నుంచి ఎన్టీఆర్ జైత్ర యాత్ర కొనసాగుతోంది. 

2015లో టెంపర్ విడుదలయింది. ఆ తర్వాత నాన్నకు ప్రేమతో, జనతా గ్యారేజ్, జై లవకుశ, అరవింద సమేత వీర రాఘవ, ఆర్ఆర్ఆర్, దేవర 1 ఇలా వరుస హిట్ చిత్రాలతో ఎన్టీఆర్ దూసుకుపోతున్నారు. అయితే గతంలో ఎన్టీఆర్ కెరీర్ ఇలా లేదు. ఒక దశలో తారక్ దారుణమైన ఫ్లాపులు ఎదుర్కొన్నాడు. ఎలాంటి చిత్రాలు చేసినా కొన్నేళ్లు వర్కౌట్ కాలేదు. 

20 ఏళ్ళ వయసులో తాను చేసిన తప్పు వల్ల కొన్నేళ్లు వేదన అనుభవించానని తారక్ ఓ ఇంటర్వ్యూలో తెలిపారు. దానివల్ల కన్నీళ్లు పెట్టుకునే పరిస్థితి కూడా ఏర్పడింది అని అన్నారు. 17 ఏళ్ళ వయసులో హీరోని అయ్యా. తొలి చిత్రం డిజాస్టర్. ఆ తర్వాత నేను గ్రహించే లోపే స్టూడెంట్ నంబర్ 1, ఆది లాంటి సూపర్ హిట్స్ వచ్చాయి. ఆ తర్వాత 20 ఏళ్ళ వయసులో సింహాద్రి చిత్రంతో టాప్ స్టార్ డమ్ కి చేరుకున్నా. 

NTR

ఆ వయసులో అంత స్టార్ డమ్ ని హ్యాండిల్ చేయడంలో ఫెయిల్ అయ్యాను. అదే నేను చేసిన తప్పు. సింహాద్రి తర్వాత ఎలాంటి చిత్రం చేసినా విమర్శలు వస్తున్నాయి. డాన్సులు చేసినా విమర్శిస్తున్నారు, ఫైట్స్ చేసినా విమర్శిస్తున్నారు, చివరికి రాఖీ లాంటి చిత్రం చేసినా బావుందన్నారు కానీ కలెక్షన్స్ రాలేదు. ఏంట్రా బాబోయ్ ఇది అని అనుకున్నా. ఒకసారి ఫ్యాన్స్ నా దగ్గరకు వచ్చి ఒక్క హిట్ కావాలన్నా అని అడిగి ఏడ్చారు. వాళ్ళతో పాటు నాకు కూడా కన్నీళ్లు వచ్చాయి. 

ఆ తర్వాత యమదొంగ చిత్రంతో హిట్ వచ్చింది. అప్పటికీ నాకు ఎలాంటి  చేయాలి అనే క్లారిటీ లేదు. యమదొంగ తర్వాత కూడా ఫ్లాపులు పడ్డాయి. కానీ నా తనయుడు అభయ్ రామ్ జన్మించకా నాకు పూర్తి క్లారిటీ వచ్చింది. నా నుంచి ఆడియన్స్ నిజాయతీతో కూడిన ప్రయత్నం, చిత్రాలు కోరుకుంటున్నారని తెలిసింది అని తారక్ ఎమోషనల్ కామెంట్స్ చేశారు.