అర్జున్ కపూర్, మలైకా మధ్య రిలేషన్, ఏజ్ గ్యాప్ పై తరచుగా సోషల్ మీడియాలో ట్రోలింగ్ జరుగుతూనే ఉంది. అయితే ట్రోలింగ్ పై అర్జున్ కపూర్ కానీ, మలైకా కానీ ఇంతవరకు స్పందించలేదు.
అర్జున్ కపూర్, మలైకా మధ్య రిలేషన్, ఏజ్ గ్యాప్ పై తరచుగా సోషల్ మీడియాలో ట్రోలింగ్ జరుగుతూనే ఉంది. అయితే ట్రోలింగ్ పై అర్జున్ కపూర్ కానీ, మలైకా కానీ ఇంతవరకు స్పందించలేదు. ఎవరేమనుకున్నా మాకేంటి అనే ధోరణిలో ఈ జంట చట్టాపట్టాలేసుకుని తిరుగుతూ సహజీవనం చేస్తున్నారు.
Salman Khan సోదరుడు అర్భాజ్ ఖాన్ తో వివాహం, ఆ తర్వాత విడాకులు లాంటి విషయాలు బాలీవుడ్ లో హాట్ టాపిక్ గా మారాయి. అర్భాజ్ ఖాన్ నుంచి విడిపోయాక యంగ్ హీరో అర్జున్ కపూర్ తో రిలేషన్ షిప్ మొదలు పెట్టింది ఈ బ్యూటీ. అర్జున్ కపూర్ మలైకా కన్నా వయసులో 12 ఏళ్ళు చిన్నవాడు. అయినా వీరిద్దరి మధ్య ప్రేమ చిగురించడంతో బాలీవుడ్ మొత్తం షాక్ కి గురైంది. ఏది ఏమైనా వీరిద్దరూ విమర్శలు పట్టించుకోకుండా సహజీవనం చేస్తున్నారు.
తరచుగా అర్జున్ కపూర్, మలైకా వెకేషన్స్ కి వెళ్లడం కూడా చూస్తూనే ఉన్నాం. ఇద్దరూ బీచ్ లో జంటగా ఎంజాయ్ చేస్తున్న దృశ్యాలు కూడా సోషల్ మీడియాలో వైరల్ అయ్యాయి. ఇటీవలే వీరిద్దరూ మాల్దీవులకు వెకేషన్ కి వెళ్లొచ్చిన సంగతి తెలిసిందే. ఆంటీ వయసున్న మలైకాతో అర్జున్ కపూర్ రిలేషన్ ఏంటి అంటూ అతడిపై ట్రోలింగ్ జరిగింది. నా పర్సనల్ లైఫ్ నా ఇష్టం. నా లైఫ్ ని నేను నిర్ణయించుకునే హక్కు ఉంది. ఎవరి వయసు ఎంత అని ఆలోచించి మీరెవరూ బాధపడకండి. వయసు చూసుకుని రిలేషన్ షిప్ స్టార్ట్ చేయడం ఓ పిచ్చి చర్య అని అర్జున్ కపూర్ ఘాటుగా విమర్శలకు బదులిచ్చాడు.
ఇదిలా ఉండగా మలైకా, అర్జున్ కపూర్ ల గురించి షాకింగ్ రూమర్ నెట్టింట వైరల్ గా మారింది. మలైకా, అర్జున్ కపూర్ ఇద్దరూ విడిపోతున్నారు అంటూ బాలీవుడ్ మీడియాలో కథనాలు వెలువడ్డాయి.
బ్రేకప్ రూమర్స్ ఎక్కువవుతుండంతో అర్జున్ కపూర్ స్పందించాడు. తనపై ఎలాంటి విమర్శలు వచ్చినా అర్జున్ కపూర్ తనదైన శైలిలో బదులిస్తుండడం చూస్తూనే ఉన్నాం. తాజాగా బ్రేకప్ రూమర్స్ పై కూడా అర్జున్ కపూర్ తనదైన శైలిలో సమాధానం సమాధానం ఇచ్చాడు.
మలైకాతో తాను విడిపోతున్నట్లు వస్తున్న పుకార్లకు చెక్ పెట్టాడు. తన ఇంస్టాగ్రామ్ ఖాతాలో మలైకాతో కలసి ఉన్న డాషింగ్ పిక్ ని షేర్ చేశాడు. ఈ ఫోటోకి ' నీఛమైన పుకార్లకు చోటు లేదు' అంటూ కామెంట్ జత చేశాడు. దీనితో మలైకా అరోరా, అర్జున్ కపూర్ విడిపోతున్నట్లు వస్తున్న వార్తలు అవాస్తవం అని తేలిపోయింది. 2018 నుంచి మలైకా, అర్జున్ కపూర్ రిలేషన్ లో ఉన్నారు.